غزني ښاروال د روشن مخابراتي شبکي د سویل ختيځ زون د مسؤل سره په خپل کاري دفتر کې وکتل د غزني ښاروال مولوي محمدنبي حمزه د روشن کمپنۍ د سویل ختیځ زون له رئیس احمد میاګل میا سره په غزني ولایت کې د نوي کال د را رسېدو په موخه د د ښاروالۍ ریاست سره د نیالګیو د مرستي او کېنولو په اړه لیدنه وکړه. په دغه دوه اړخېزه ناسته کې احمد میاګل میا وویل روشن کمپنۍ غواړي چې د ښاروالۍ ریاست سره د روشن د خدماتو سربېره را روان ۱۴۰۴ کال کې غزني ښار په تفریحي ځایونو کې د ۵۰۰ شاوخوا مثمر او غیر مثمر نیالګۍ کېنوي. همداراز ښاروال د روشن کمپنۍ رئیس مسؤول ته د ښه راغلاست تر څنګ وویل ټول هغه مؤسيسې او شرکتونه چې د ښار په آبادولو او بیا رغونه کې ونډه اخلي د امارت رهبرۍ او اداري یې هر کلي کوي. د یادولو وړ ده چې، روشن کمپنۍ تر دې وړاندې هم د ښاروالۍ ریاست سره په تفریحي پارکونو کې د ماشومانو لپاره د لوبو وسایل نصب کړي وه او د ماشومانو لپاره یې خوندې چاپېریال برابر کړي وو. غزني ښاروالۍ رهبرۍ هوډ لري چې د را روان کال لپاره شاوخوا ۹۰۰۰ مثمراو غیر مثمر نیالکۍ د ښار په بېلابېلو ساحو کې کېنوي.