خوست کې د کال تر پایه به د نویو بارګینو مخې ته د سرک پروژه بشپړه شي د خوست ښاروالۍ له لوري د پوهنتون درې لارې څخه د نویو بارګینو مخې ته تر پوهنتون خوړ پورې د لښتیو چارې بشپړې شوې او د سرک چارې تر منظم څار لاندې په ښه کیفیت روانې دي. د نوموړې پروژې اړوند ساحوي انجینران زیاتوي، چې هڅه کېږي، تر څو یاده پروژه د روان کال تر پای ته رسېدو د مخه بشپړه کړي. د یادونې وړ ده، چې د یاد سرک په جوړېدو سره به د نورو ښاریانو تر څنګ د بارګینو په سیمه کې ګڼې ستونزې هوارې شي.