د خوست د مرکزي کانال دوهم فاز چارې دوام لري د خوست ښاروالۍ له لوري د ښار مرکزي لوی کانال، چې کلونه وړاندې جوړ شوی و، اوس مهال د دوهم فاز د ترمیم کارونه د انجینري اصولو مطابق، د انجینرانو په شتون کې، د لسګونو کاریګرو په مصروف ساتلو سره، په لوړ کیفیت روان دي. د یادونې وړ ده، چې یاد لوی کانال ترمیم ته اړتیا درلوده، چې نږدې درې اوونۍ وړاندې د یوه پړاو کارونه بشپړ شول او پاتې دوهم پړاو کارونه به د ښاریانو غوښتنو سره سم، د انجینري نورمونو مطابق، بشپړ شي.