لو بتأخر الصلاة أو بتضيعها .. البوست دا مهم ليك أوي 🤝 لما تعرف إن الله عزوجل في القرآن قال ( فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ ) عارف يعني ايه ويل ؟ المفسرين على قول إن ويل دا وادي في جهنم تخيل إن الوادي دا مش للي مش بيصلوا .. لا دا للي بيأخروا الصلاة عن وقتها .. يبقى لازم نظرتك للصلاة ولمواعيدها تتغير 🚫 لما تعرف إن من أصناف الناس اللي قابلهم النبي صلى الله عليه وسلم في رحلة الإسراء والمعراج أنه أتى على قومٍ تُرضَخ رؤوسُهم بالصخرة كلما رُضِخت عادت كما كانت، ولا يُفتَّر عنهم من ذلك شيء فقال: (ما هؤلاء يا جبريل؟) قال: (هؤلاء الذين تتثاقل رؤوسُهم عن الصلاة المكتوبة). متخيل الألم والعقوبة وعافانا الله وإياكم لو تخيلت الأمر بس أكيد نظرتك للصلاة هتتغير🚫 العبرة إني مش آجي آخر اليوم أصلي كل الصلوات العبرة إني أصلي الصلاة في وقتها .. قال تعالي(إن الصلاة كانت علي المؤمنين كتابًا موقوتا) ماتتعاملش مع الصلاة إنها تكليف وحاجة تقيلة علي قلبك اتعامل معاها على إنها راحة .. النبي صلي الله عليه وسلم قال عنها (أرحنا بها يابلال).🩵