نوشہرہ وِچ زندہ درگور ہون والی بچی دا اپنے باپ نُوں پیغام ابا جی میں بوجھ تے نئیں سی میرے وِچ کوئی کوجھ تے نئیں سی نہ مرضی نال جَمی سی میں نہ مرضی نال آئی نہ میں مِنتاں ترلے کیتے نہ میں عرضی پائی پُت ہُندا تے بھنگڑے پاندا میں ہوئی تے رویا ابا تیرے ظالم دل نُوں درد نہ ماسا ہویا ماں میری دی کُکھ دے وِچوں سورج جے نہ پُھٹیا مینوں دیس نکالا دے کے مِٹی دے وِچ سُٹیا ابا جی میں نِکی ساری کھول نئیں سکدی اکھاں نہ میں مونہوں بول ای سکدی دُکھ کیویں میں دساں آپے کوئی دکھیارا آکے سانبھ لَوے گا مینوں پر میں حشر دیہاڑے اَبا معاف نئیں کرنا تینوں ........! حکیم احمد نعیم ارشد