تیرمهال د سین د ژوروالی په شان دی.  اوسمهال د لامبو وهلو په شان او کله کله د سین پر سطحه یا پرمخ باندې ځان پريښودل دی او راتلونکی ټول هغه تګلوری دی چې غواړو يې کچ کړو. انسان د هغو موجوداتو په څیر دي چې د دا ډول سيند لپاره پیدا شوی دي. نو ولې ډېری خلک پکې ډوبېږي؟ ډوبېږي!!! ځکه چې د سین د ځينو ژورو برخو څخه نشي پورې وتلی. تل ژورو برخو ته ستنېږي او د تیرمهال بیا کتنه کوي. د اکسېجن د ترلاسه کولو لپاره باید د سین پر مخ یا سطحه باندې لامبو ووهو که په چټکۍ سره ټول تګلوري کچ کړو بیا هم روحاً مړ کېږو او که د تیرمهال د کتنې لپاره د سین ژورو برخو ته لاړشو اکسېجن د نشت لامله بیا هم د مړغون لامل کېږي. 🍁🥀🌾