د مسافرو خوندیتوب ته پاملرنه د څه کم ۵۰۰ موټرو تخنیکي ارزونه شوې. د مسافرو خوندیتوب او د عامه ټرانسپورټ معیاري کولو په موخه، د کابل ښار په ټرانسپورټي هډو او ترمینلونو کې د تېرې اونۍ په اوږدو کې د ۴۹۰ موټرو تخنیکي ارزونه ترسره شوه. د دې ارزونې پر مهال د ۱۰ موټرو ټرانسپورټي فعالیت د تخنیکي ستونزو د حل تر وخته وځنډول شو او ۲۷ موټرو تخنیکي اصلاح وشوه، تر څو د مسافرو لپاره خوندي او معیاري خدمتونه وړاندې شي.