په څلورو نړیوالو هوایی ډګرونو کې د هوايي چلند انسټیټیوټ لپاره د کانکور ازموینه واخیستل شوه. د ټرانسپورټ او هوايي چلند وزارت له‌خوا د هېواد په څلورو بلخ، کندهار، خوست او هرات ولايتونو په هوایي ډګرونو کې د ملکي هوايي چلند انسټیټیوټ لپاره د کانکور ازموینه واخیستل شوه. په دې ازموینه کې ۸۶۳ کسانو ګډون کړی و، چې بریالي نوماندان به د یاد انسټیټیوټ دوه کلنو زده کړو ته جذب شي. د یادولو وړ ده چې د ملکي هوايي چلند انسټیټیوټ کې دا مهال په هوايي چلند تخنیک، هوايي ټرافيکو کنټرول، ځمکني ټرانسپورټ، هواپېژندنې او اوروژنې څانګو کې زده کړې ترسره کېږي.