*ಶ್ರೀ ದತ್ತ ಪ್ರಸಾದ – 58 -ಮೊಗಿಲಿಚೆರ್ಲಾ ಅವಧೂತ ಶ್ರೀ ದತ್ತಾತ್ರೇಯ ಸ್ವಾಮಿ ಮಂದಿರದಲ್ಲಿ ಭಕ್ತರ ಅನುಭವಗಳು - ದೂರದಿಂದ ದರ್ಶನ...* "ಅಯ್ಯಾ... ದೇವಾಲಯದ ಬಳಿ ದಂಪತಿಗಳು ಕಾರಿನಲ್ಲಿ ಬಂದಿದ್ದಾರೆ. ಇಬ್ಬರೂ ವಯಸ್ಸಾದವರು... ಸುಮಾರು ಅರವತ್ತು ಐದು, ಎಪ್ಪತ್ತು ವರ್ಷಗಳಿರಬಹುದು. ಬಹಳ ದೂರದಿಂದ ಬಂದಿದ್ದಾರೆ... ಸ್ವಾಮಿಯವರ ಸಮಾಧಿ ದರ್ಶನ ಮಾಡಿ ಹಿಂತಿರುಗಲು ಇಚ್ಛಿಸುತ್ತಿದ್ದಾರೆ. ದರ್ಶನ ಸಾಧ್ಯವಿಲ್ಲವೆಂದು ತಿಳಿಸಿದ್ದೇವೆ... ಆದರೆ ಪ್ರಾರ್ಥಿಸುತ್ತಿದ್ದಾರೆ. ಏನು ಮಾಡಬೇಕೆಂದು ತೋಚದೆ ನಿಮಗೆ ಫೋನ್ ಮಾಡಿದ್ದೇನೆ..." ಎಂದು ನಮ್ಮ ಸಿಬ್ಬಂದಿಯಲ್ಲಿ ಒಬ್ಬರು ತಿಳಿಸಿದರು. ಆಗ ಕೊರೋನಾ ಲಾಕ್‌ಡೌನ್ ಆರಂಭವಾಗಿ ಹತ್ತು ದಿನಗಳಾಗಿತ್ತು. ಈ ಘಟನೆ 2020 ಏಪ್ರಿಲ್ 4,5 ದಿನಗಳಲ್ಲಿ ಸಂಭವಿಸಿದುದು. ಪ್ರಯಾಣ ನಿಷೇಧವಾಗಿತ್ತು. ಆ ದಂಪತಿಗಳು ಹೇಗೆ ಬಂದಿರಬಹುದು ಎಂಬುದು ನನಗೆ ಸಂಶಯವಾಯಿತು. ಇತರರಿಗೆ ದೇಗುಲಗಳನ್ನು ತೆರೆಯಬಾರದೆಂಬ ಸರ್ಕಾರದ ಕಟ್ಟುನಿಟ್ಟಾದ ನಿಯಮವೂ ಹೇರಲಾಗಿತ್ತು. ಸ್ವಾಮಿಯವರ ದೈನಂದಿನ ಪೂಜೆ, ನೈವೇದ್ಯ, ಹಾಗೂ ಸೇವೆಗಳನ್ನು ಅರ್ಚಕರು ಒಂಟಿಯಾಗಿ ನಿರ್ವಹಿಸುತ್ತಿದ್ದರು. ಅಂದು ಸ್ವಾಮಿಯವರ ಮಂದಿರದಲ್ಲಿ ದತ್ತ ದೀಕ್ಷೆ ಸ್ವೀಕರಿಸಿದ ಸುಮಾರು 250 ಮಂದಿ ಸನ್ನಿಹಿತರಲ್ಲಿ ಇದ್ದರು. ದೂರ ಪ್ರದೇಶದಿಂದ ತಲುಪಲು ಸಾಧ್ಯವಿಲ್ಲದ ಕಾರಣ ಇನ್ನೂ 50 ಮಂದಿ ಇತರರು ಇಂದಾಗಿದ್ದರು. ಇವರಿಗಾಗಿ ನಾವು ಎರಡು ಹೊತ್ತು ಅನ್ನದಾನ ಏರ್ಪಡಿಸಿದ್ದೆವು. ಅದರಲ್ಲೇ ನಮ್ಮ ಸಿಬ್ಬಂದಿ ತೊಡಗಿಸಿಕೊಂಡಿದ್ದರು. ದೀಕ್ಷೆ ಸ್ವೀಕರಿಸಿದವರಿಗೂ ಮಂದಿರದೊಳಗೆ ಪ್ರವೇಶ ನೀಡಲಾಗದ ಸಂದರ್ಭವಿತ್ತು. ಆ ದಂಪತಿಗಳಿಗೆ ಅನುಮತಿ ನೀಡಲು ಸಾಧ್ಯವಿಲ್ಲವೆಂದು ತಿಳಿಸಿ, ಭೋಜನ ಕೊಟ್ಟು ಹಿಂತಿರುಗಿಸುವಂತೆ ಹೇಳಿದೆ. ನಮ್ಮ ಸಿಬ್ಬಂದಿ ಒಪ್ಪಿಕೊಂಡರು. ಆ ದಿನ ನಾನು ಮೊಗಿಲಿಚೆರ್ಲದ ಶ್ರೀ ದತ್ತಾತ್ರೇಯ ಸ್ವಾಮಿಯ ಮಂದಿರಕ್ಕೆ ಹೋಗಿಲ್ಲ. ಪ್ರಖಾಲ ದಿನ ಬೆಳಗ್ಗೆ ಸ್ವಾಮಿಯವರ ಮಂದಿರಕ್ಕೆ ಹೋದೆ. ಸ್ವಾಮಿಯವರ ದೇವಾಲಯದ ಹಿಂದಿನ ದ್ವಾರದ ಬಳಿ ಆ ದಂಪತಿಗಳು ನಿಂತಿದ್ದರು. ಅವರ ಬಳಿ ಹೋದೆ. ನಮಸ್ಕಾರ ಮಾಡಿದರು. "ನನ್ನ ಹೆಸರು ವೆಂಕಟೇಶ್ವರ ರಾವ್ ಅಂಕಲ್... ನನ್ನ ಪತ್ನಿ ಸುಬ್ಬಲಕ್ಷ್ಮಿ... ನಮ್ಮ ಊರು ಮಚ್ಚಿಲಿಪಟ್ನಂ ಹತ್ತಿರ. ನಾವು ತೀವ್ರ ಸಂಕಟದಲ್ಲಿದ್ದೇವೆ. ನಮ್ಮ ಒಬ್ಬೇ ಮಗುವಾದ ಮಗಳ ಬದುಕಿನ ಕುರಿತು. ಅವಳ ನೋವು ನೋಡಲಾಗದಿದ್ದರಿಂದ, ಶ್ರೀ ದತ್ತಾತ್ರೇಯ ಸ್ವಾಮಿಯ ಬಗ್ಗೆ ಕಳೆದ ಆರು ತಿಂಗಳಿಂದ ಓದುತ್ತಿದ್ದೇವೆ. ಈಗ ಇನ್ನೆಡೆ ಪ್ರಯತ್ನವಿಲ್ಲದೆ ಕಾರು ತಂದು, ಪತ್ನಿಯನ್ನೂ ಕರೆದುಕೊಂಡು, ನಾನೇ ಡ್ರೈವ್ ಮಾಡಿ ಬಂದಿದ್ದೇನೆ. ಸ್ವಾಮಿಯ ಸಮಾಧಿ ಬಳಿ ನಮ್ಮ ಸಂಕಟವನ್ನಿಟ್ಟುಕೊಂಡು ಹಿಂತಿರುಗಬೇಕು ಎನ್ನಿಸಿದ್ದೆ... ಆದರೆ ಇಲ್ಲಿ ಬಂದು ಪರಿಸ್ಥಿತಿ ಅರ್ಥವಾಗಿದೆ. ದತ್ತ ದೀಕ್ಷೆ ಸ್ವೀಕರಿಸಿದವರಿಗೂ ಪ್ರವೇಶವಿಲ್ಲವೆಂದಾಗ, ಸರ್ಕಾರದ ನಿಯಮ ಪಾಲನೆ ಮಾಡಬೇಕು. ಇನ್ನು ಎರಡೇ ದಿನಗಳು ಸ್ವಾಮಿಯವರ ಪ್ರಸಾದ ತೆಗೆದುಕೊಂಡಿದ್ದೇವೆ. ಇಷ್ಟು ಬಾಧೆ ಮಧ್ಯೆಯೂ ನೀವು ಅಷ್ಟು ಮಂದಿಗೆ ಅನುಕೂಲವಾಗುವಂತೆ ಅನ್ನಪ್ರಸಾದ ನೀಡುತ್ತಿದ್ದಾರೆ. ಈ ಬಾರಿ ನಮಗೆ ಬಂದುದಿಲ್ಲವೆನಿಸುತ್ತದೆ. ನೀವೆಲ್ಲಾ ಸ್ವಾಮಿಯವರನ್ನು ನೇರವಾಗಿ ದರ್ಶನ ಮಾಡಿ, ಸೇವೆ ಮಾಡುತ್ತಿರುವವರು. ನಿಮಗೆ ನಮ್ಮ ಸಂಕಟವನ್ನು ಹೇಳಿ ಹಿಂತಿರುಗುತ್ತೇವೆ. ಬರುವ ಅವಕಾಶ ದೊರೆತರೆ, ಮತ್ತೊಮ್ಮೆ ಬಂದು ಸ್ವಾಮಿಯವರ ದರ್ಶನ ಮಾಡುತ್ತೇವೆ," ಎಂದು ಹೇಳಿದರು. ದೇಗುಲದ ದ್ವಾರವನ್ನು ತಲುಪಿದರು ಮತ್ತು ಆ ದ್ವಾರದ ಹತ್ತಿರದಿಂದಲೇ ಸ್ವಾಮಿಯವರ ಸಮಾಧಿಗೆ ನಮಸ್ಕಾರ ಮಾಡಿದರು. "ಅಯ್ಯಾ, ನಿಮ್ಮ ಮನಸ್ಸಿನ ವ್ಯಥೆಯನ್ನು ಸ್ವಾಮಿಯವರಿಗೆ ಇಲ್ಲಿಂದಲೇ ವಿನ್ನಿಸಿ. ಈ ಸ್ಥಳವೆಲ್ಲ ಸ್ವಾಮಿಯವರು ನಡಿದ ನೆಲ. ನಿಮ್ಮ ಹೃದಯದಿಂದ ಅವರ ಮೇಲೆ ನಂಬಿಕೆ ಇಡಿ," ಎಂದು ಹೇಳಿದೆ. ದಂಪತಿಗಳು ಗೇಟ್‌ಗೆ ತಲೆಯೊಡ್ಡಿ, ಕಣ್ಣು ಮುಚ್ಚಿಕೊಂಡು ಸುಮಾರು ಹತ್ತು ನಿಮಿಷಗಳು ಅಲ್ಲಿಯೇ ನಿಂತಿದ್ದರು. ನಂತರ ನನ್ನ ಬಳಿಗೆ ಬಂದು, ಹೊರಟು ಹೋದರು. "ಸ್ವಾಮಿಯವರ ವಿಭೂತಿ ಗಂಧವನ್ನು ಕೊಡುವಿರಾ?" ಎಂದು ಕೇಳಿದರು. ನಮ್ಮ ಸಿಬ್ಬಂದಿಯ ಮೂಲಕ ಎರಡು ಪ್ಯಾಕೆಟ್ ವಿಭೂತಿ ಗಂಧ ಮತ್ತು ಸ್ವಾಮಿಯವರ ಚಿತ್ರವನ್ನು ತಂದೊತ್ತಿದ್ದೆ. ಭಕ್ತಿಯಿಂದ ಕಣ್ಣೀರಿನಿಂದ ದರಿಸಿಕೊಂಡು, ಕಾರಿನಲ್ಲಿ ಹೊರಟು ಹೋದರು. ವೈಶಾಖ ಶುದ್ಧ ಸಪ್ತಮಿಯ ದಿನ ಸ್ವಾಮಿಯವರ ಆರಾಧನೆಯನ್ನು ವಿಜೃಂಭಣೆಯಿಂದ ಆಚರಿಸುವ ಪದ್ಧತಿ ಇದೆ. ಈ ಬಾರಿ ಕೊರೋನಾ ಕಾರಣದಿಂದ ಆಚರಣೆಯನ್ನು ಸಂಪೂರ್ಣ ರದ್ದುಮಾಡಿ, ಅಷ್ಟೇ ಅರ್ಚಕಸಹಿತ ವಿಶೇಷ ಪೂಜೆ, ಅಭಿಷೇಕಗಳನ್ನು ನಡೆಸಿದೆವು. ದತ್ತ ದೀಕ್ಷೆ ಸ್ವೀಕರಿಸಿದವರು ಹೊರಗಡೆಯೇ ದೀಕ್ಷಾ ವಿರಮಣ ಮಾಡಿದರು. ಆ ದಿನ ಬೆಳಗ್ಗೆ 10 ಗಂಟೆಗೆ "ಪ್ರಸಾದ್ ಅವರೇ... ನನ್ನ ಹೆಸರು ವೆಂಕಟೇಶ್ವರ ರಾವ್... ನಾವು 25 ದಿನಗಳ ಹಿಂದೆ ಮೊಗಿಲಿಚೆರ್ಲಕ್ಕೆ ಬಂದು ಗೇಟ್ ಬಳಿಯಿಂದ ಸ್ವಾಮಿಯವರ ಸಮಾಧಿ ನೋಡಿ, ಪ್ರಾರ್ಥನೆ ಮಾಡಿ, ನಿಮ್ಮೊಡನೆ ಮಾತನಾಡಿ ಹೋಗಿದ್ದೇವೆ... ನೆನಪಾಗಿದೆಯೆ?" ಎಂದು ಫೋನ್‌ನಲ್ಲಿ ಕೇಳಿದರು. "ನೆನಪಿದೆ," ಎಂದೆ. "ಸ್ವಾಮಿಯವರು ನಮ್ಮ ಮೇಲೆ ದಯೆ ತೋರಿಸಿದ್ದಾರೆ... ನಮ್ಮ ಸಂಕಟ ನಿವಾರಣೆಯಾಗಿದೆ. ಈ ವಯಸ್ಸಿನಲ್ಲಿ ನಮ್ಮ ಮನಸ್ಸಿನ ಭಾರ ಮುಗಿದಂತಾಗಿದೆ. ನಮ್ಮ ಮಗಳ ಸಂಸಾರ ಸಮಾಧಾನವಾಗಿದೆ. ಅಳಿಯ ಬಂದು ಕ್ಷಮೆ ಕೇಳಿ, ನಮ್ಮ ಮಗಳನ್ನು ಕರೆದುಕೊಂಡು ಹೋಗಿದ್ದಾನೆ. ನಿಮಗೆ ಒಂದು ವಿಚಾರ ಹೇಳಬೇಕು. ಸ್ವಾಮಿಯವರ ವಿಭೂತಿ ಗಂಧವನ್ನು ನನ್ನ ಮಗಳು ಪ್ರತಿದಿನ ಧರಿಸುತ್ತಿದ್ದರು. ನಿಮ್ಮ ಸಿಬ್ಬಂದಿ ಸಹಾಯ ಮಾಡಿದರು. ಈ ಕೊರೋನಾ ಬಾಧೆ ಮುಗಿದ ತಕ್ಷಣ ಬಂದು, ಸ್ವಾಮಿಯವರ ಸಮಾಧಿ ದರ್ಶನ ಮಾಡುತ್ತೇವೆ. ಆ ದಿನ ಸ್ವಾಮಿಯವರ ಸಮಾಧಿಗೆ ಹೋಗಲಿಲ್ಲವೆಂಬ ನೋವು ಇತ್ತು... ಆದರೆ ನೀವು ಹೇಳಿದಂತೆ ಆ ಸ್ಥಳವೆಲ್ಲ ಸ್ವಾಮಿಯವರು ತುಂಬಿದ ಜಾಗವೆನಿಸಿತು. ದೂರದಿಂದಲೇ ದರ್ಶನ ಮಾಡಿದೆವು. ಸ್ವಾಮಿಯವರು ನಮ್ಮನ್ನು ದಯೆಯಿಂದ ಹತ್ತಿರಕ್ಕೆ ಕರೆದುಕೊಂಡಿದ್ದಾರೆ... ಅಲ್ಲಿಯೇ ಮೂರು ರಾತ್ರಿ ನಿದ್ದೆ ಮಾಡಿದೆವು... ಅವರು ನಮ್ಮ ಆಪ್ತವಾಗಿದ್ದಾರೆ. ಈ ಬಾರಿ ನೇರವಾಗಿ ದರ್ಶನ ಮಾಡುತ್ತೇವೆ," ಎಂದು ಭಾವುಕರಾಗಿದ್ದರು. ಸ್ವಾಮಿಯ ಮೇಲೆ ಆ ದಂಪತಿಗಳ ಅಚಂಚಲ ನಂಬಿಕೆಯೇ ಅವರ ಸಂತೋಷಕ್ಕೆ ಕಾರಣ. ಸರ್ವಂ, ಶ್ರೀ ದತ್ತಕೃಪ! ರಚನೆ: ಶ್ರೀ ಪವನಿ ನಾಗೇಂದ್ರ ಪ್ರಸಾದ್ ಕನ್ನಡ ಅನುವಾದ ಸಹಕಾರ:ಶ್ರೀಮತಿ ಶ್ವೇತ ಡಿ. ----- (ಮಂದಿರ ವಿವರಗಳಿಗಾಗಿ: ಪವನಿ ಶ್ರೀ ವಿಷ್ಣು ಕೌಶಿಕ್.. ಶ್ರೀ ದತ್ತಾತ್ರೇಯ ಸ್ವಾಮಿ ಮಂದಿರ.. ಮೊಗಿಲಿಚೆರ್ಲ ಗ್ರಾಮ.. ಲಿಂಗಸಮುದ್ರ ಮಂಡಲ.. SPSR ನೆಲ್ಲೂರು ಜಿಲ್ಲೆ.. ಪಿನ್: 523114.. ಸೆಲ್: 9652429852)