ياريت تسمعوا الكلام دا😭💔.. لما أموت متقفلوش أي حاجه ليا عشان أفضل موجود بينكم و حتي لو نستوني الفيس بوك يفكركم بيا يوم عيد ميلادي .. ادعولي بس و متدفنونيش بليل مهما حصل و خليكم شويه معايا لحد ما اتعود علي المكان ..اقرأوا سوره يوسف و سورة يس علي قبري و شغلولي قرآن كتير .. حد يقولي الشهاده و يدعيلي بالثبات عند السؤال.. اللي يفتكرلي موقف حلو او مره وقفت جنبه يهاديني بالدعاء ..عارف ان الوقت هيمر و الدنيا مش هتقف عليا و هتنسي بس وقت ما اجي علي بال حد و يفتكرني يقرالي الفاتحه و يدعيلي ربنا يغفر لي و يجعلني من أهل الجنه .. يا رب لو كاتبلي اني اموت قريب و في شبابي كده قبل ما اعمل حاجات كتير تقربني ليك ..اكتبلي اموت و انا مش علي ذنب .. اللهم احسن خاتمتي و حنن قلوب كل اللي حواليا أنهم يدعولي و يفتكروني.. قررت اني انزل كدا لان فعلا العمر مش مضمون و محدش يزعل و يقول بعد الشر و متقولش كدا و الكلام دا .. الموت عمره ما كان شر . الموت راحه نفسيه عمره ما كان شر وربنا يرحم جميع موتانا وموتى المسلمين واخر حاجه حابب اقولها اي حد زعلان مني يسامحني💔🥺..