To Kukiland W. Channel Handler(s) Achunga thuso nabolnaova Thadou Nam mite kuki sunga nakoi uhi thudih ahipoi. Hiche hi avella nabol kitlou diu ahi. Thadou Convention-2024 declaration dungjui'a Thadou hi Thadou ahin, kuki ahipoi. Chuleh Thadou speaking jouse jong Thadou ahipoi. Vaiphei, Simte, Gangte etc Thadou speaking tamtah aum in, Thadou Nam/Tribe akilahdeh pouve. Thadou hi kuki ahilou dan anoija hin akipei. 1. Manipur a 34 recognised tribes aum e. Kuki kahi tihon adeitah uva kuki Tribe akisem uvin, amin dinga AKT akisah uva, Govt in jong hetpehna anei ahitai. 2. Phunggol 7/8 hon 2020 kumin kuki Community Hall, Langol, Imphal a keiho Thadou kahipouve, kuki kahiuve atiu ahi. Kuki hi Ka Tribe leh Nam ahitia aphondoh ahitai. Amaho jong Thadou Speaking ahivang uva Thadou kahi pouve kuki kahiuve atiu ahi. 3. Kuki deilou ho chunga kuki imposed kibol khum jeh in 1997-1998 Ccpur boina ana um e. 4. Manipur boina chunga kuki ho jeh in Zo United unity aboijin, kuki deihon kuki-Zo Council tin faction asem uvin, unity aboitai. Unity suboi a Faction semhon kikhen thei ihipouve aw ka laizon natiu hi kingahdoh loi uvin. Achunga point kipe hohi hoitah in kholchilna neileu chun thudih na hetdiu, namu jouseu kuki nahisah lou diu ahi. Manipur boina aum jing toh kilhon a, chingthei tah a thuso naboldiuvin kahin tem uve. Achainan *Thadou Nam mite hi British leh Bengali hon kuki tia record anabol jeh uva kuki hiding ahipoi*. Chuleh achenkhompi Nam danghon min chom chom in ana kou jong leu Thadou Nam min hi atuhchah jingu ahi. Thadou Nam leh kuki hi akimatna aumpon, tukal Thadou hi kuki noija umdan a *Forceful imposition of identity* hi nabol kitlou diuva kahin hetsah nahiuve.