پاکستان دستور اخراج شهروندان افغانستان از اسلام‌آباد و راولپندی را صادر کرد دولت پاکستان دستور داده است که شهروندان افغانستان باید از اسلام‌آباد، پایتخت این کشور و شهر راولپندی خارج شوند. براساس این دستور، افرادی که کارت شناسایی موسوم به کارت شهروندی افغانستان (آسی‌سی) را دارند، باید به افغانستان برگردند. کمیساریای عالی سازمان ملل متحد در امور پناهندگان و سازمان بین‌المللی مهاجرت در پاکستان دیروز (شنبه، ۱۳ دلو) در بیانیه‌ای گفته‌اند که از این دستور آگاه است. این دستور پس از جلسه‌ی مقام‌های پاکستانی که در ۲۹ جنوری برگزار شده، صادر شده است. دولت پاکستان دستور داده است که تمام پناهندگانی که کارت شهروندی افغانستان (آسی‌سی) را دارند باید از ناحیه‌ی پایتختی اسلام‌آباد (آی‌سی‌تی) و راولپندی نقل مکان کنند و فورا به افغانستان بازگردند. همچنین کسانی که کارت‌های اقامت (پی‌اوآر) دارند نیز باید از اسلام‌آباد و راولپندی نقل مکان کنند. با این‌حال، آنان مجاز هستند تا ۳۰ جون ۲۰۲۵ در پاکستان بمانند. https://t.me/MohajerinMedia