بمناسبه اقتراب رمضان والتراويح ده كومنت قريته على بوست بيتكلم عن دوشة الاطفال فالمسجد اتمنى تقرأوه🤍 ايه ده وهو الطفل ده الطفل من حقه انه ينشأ في المسجد ده احنا المفروض اصلا اننا منقطعش الطفل من المسجد احنا في يوم من الايام كنا الاطفال ديه ومعظم الي كان بيروح مسجد هو وصغير هيعرف مدي تأثير المسجد عليه حاليا بشكل لا واعي المفروض نفكر في نشاطات نعملها للأطفال ديه تحببهم في المسجد اكتر مش نمنعهم عشان اما يكبرو حتي لو دنيا اخدتهم وتاهو يعرفو يروح فين وان مكانا وملجأنا كلنا بيوت لله محتاجين نطبق تعاليم الدين زي ما التراويح عباده عظيمه اننا نربي حب المسجد ونعلم الاطفال ونحتويهم بلطف في مكان إقامة الصلاة وإقامة الدين صح دينا دين يسر لين محبه وعدل ورحمة ورأفة الاطفال ديه هي الجيل القادم تخيل نمنعهم احنا من المسجد ونقول لاهليهم لا متجوش اصل اطفالكم بيعملوه دوشه ونشكل ضغط عليهم لمجرد انناحاطين العقده في المنشار وان بسبب الدوشه احنا مش عارفين نركز، بس حقيقي حقيقي الدوشه بتاعت الاطفال ملهاش اي علاقه بالخشوع في الصلاه وعن تجربه شخصيه لما كنا بنصلي تهجد كانت صاحبتي بتشتكي من دوشه الاطفال في الاول وانها مش عارفه تركز بعدها اتكلمنا سوي عن اهميه وجود الاطفال في المسجد وتأثيرها عليهم الايجابي وانهم محتاجين المسجد زينا زيهم بالظبط، مش عايزه اهبد بس كنت قرأت ان الرسول علي افضل الصلاه والسلام كان بيشجع ان الاطفال تكون موجوده في المسجد وانهم يلعبو في المسجد بعيد عن المصلين ونحاول نفهمه بلين ومنمعهمش صاحبتي تقبل وجودهم وقتها وحاولت تبعد عن الدوشه وراحت في الصف الاول وحاول تركز مع الامام ومتسرحش وبعدها هي نفسها قالتلي انه فعلا الخشوا في الصلاه لي له اي علاقه بدوشتهم الي عايز يركز وهيصدق ربنا هيرزقه اللذه ف الصلاه. وغير كده باردو تأثير منع دخول الطفل المسجد بقسوة اثره سلبي جدا عليه يعني انا عندي ابن اختي لما تم السبع سنوات حبينا نشجعه انه ينزل يصلي في المسجد الي جبنا ف كان متحمس وراح مره وبعدها التانيه بس مش بنفس الحماس وبعدها جينا نقوله يروح تاني مرضيش خالص وبعدها عرفنا انه لما كان بيروح كانت الناس الكبيره فاكره هيلعب فكانو بيرجعو من الصف ويعاملوه وحش ف هو مبقاش حابب يروح تاني المسجد تخيلو بقا لو كان حصل العكس وحد كويس صالح مصلح احتوي واخد بأيده وشجعه انه يصلي اظن انه كان هيحب انه يروح يصلي كل الصلوات وموقف تاني حصل معايا كانو بنات صغيره بيجو المسجد عشان يلعبو ويعملو دوشه ف لما روحنا واتكلمنا معاهم بلين والبنات حاسوه مننا بتقبل ليهم ومعامله طيبه البنات ديه بجد من تاني يوم بقو شخصيه تاني خالص هدوء وادب وبيحاول يسكتو الاطفال الاصغر. وكانت حاجه سكر خالص اسفه اني طولت في الكتابه بس وجود الاطفال في المسجد حاجا مهمه اوي اوي اوي اوي واحنا نفسنا محتاجين نتعلم ازاي نتعامل معاهم ونحتويهم ونحببهم في المسجد اخر موقف حصل قدامي كان في رمضان الي فات وطنط كانت موجوده ومعاها اطفال وفي نونو صغنن حوالي سنه ف احنا وبنصلي النونو عيط بعد ما خلصنا صلاه لقيت طنط المسؤله عن المسجد زعقتلها جامد وبعدها بقيت الناس في المسجد الي هو احنا جايين عشان نصلي ونركز وطالما معاكي اطفال متجيش وهكذا ف بصراحه صعبت عليا جدا وقتها وحسيت بيها عشان لما اولاد اختي كانو بيعملو دوشه وحد بيقول حاجه كانت اختي بتوتر جدا والي هو مش هاجي تاني خلاص فقولت هروح اكلمها واطيب خاطرها بأي حاجه حتي ولو بكلمه ف روحت فعلا وسلمت عليها وحاولت اخفف من حدة الموقف عليها لانها فعلا كانت متوتره وكانت تكه وهتعيط ف اتكلمت معاها وعرفت انها اول رمضان في حياتها تيجي المسجد وتصلي تهجد وانها كده مش هتقدر تيجي. تاني وبحزن شديد طبعا وانها استغربت ردة فعل الناس برغم انهم في مسجد وصلاه ومعني كلامها انها تحسبهم علي خير بس ده طلع معاملتهم سيئه الموقف يبان بسيط علي الناس ولاكن واقعه الشخص مختلف ممكن يخلي ياخد قرار يبص بنظره معينه لاهل المسجد يتشكل عنده نظره سلبيه بسبب اشخاص كانو انانين واختارو نفسهم واتعاملو بقسوه ربنا نهنا عنها لو كنت فظا غليظ القلب لانفضو من حولك احنا عايزين جيل مسلم والاطفال هما شباب المستقبل. شكرا جدا انكم قراتو. *منقول*