ازموینو ملي ادارې د پوهنې وزارت اړوند ښوونکو او اداري بستونو ازموینې درېیم پړاو هم نن په پاتې یوولسو ولایتونو کې په خورا شفافیت او نظم سره بشپړ کړ. د پوهنې وزارت ښوونکو او اداري کارکوونکو د ګمارنې ازموینه په څلورو دورونو کې تنظیم شوې وه، چې په دې دور سره په ټولو ولایاتو کې ترسره شوه او وروستی دور، چې په کې د (کابل ولایت) شامل دی، راتلونکې اونۍ کې واخیستل شي. د ښوونکو او اداري کاروونکو ازموینې په درېيم دور کې د (نورستان، لغمان، ننګرهار، بادغیس، نیمروز، ارزګان، هلمند، فراه، کندهار، پکتیا او خوست) ولایتونه شامل وو.