د پوهنې وزارت: د پوهنې وزارت دعوت او ارشاد ریاست له لوري د کابل ولایت پوهنې رياست مبلغينو لپاره یو ورځنی علمي سيمينار، د یاد وزارت د سرچینو او ادارې معین الحاج مولوي صبغت الله وصیل، د دعوت او ارشاد رئیس مولوي جمعه خان سروري، د کابل ولایت پوهنې رئیس مولوي عبدالحق حقاني، د ځینو نورو وزارتونو د دعوت او ارشاد رئیسانو، مسئولینو او مبلغینو په حضور کې جوړ شو. د سرچینو او ادارې معین د خپلو خبرو په ترڅ کې، په بشپړې دیني روحیې سره د هېواد بچیانو پر روزلو ټینګار وکړ او له مبلغینو یې وغوښتل چې د دعوت ارشاد لاره کې په خورا نرمۍ سره چلند وکړي.