بص هقولك هو الموضوع هيبدأ معاك بترك سنة العشا عشان هي سبعة ركعات وكتير شهر شهرين هتسيب سنة المغرب عشان هو بيعدي بسرعة وأنت يادوبك بتلحق تصليه أصلا سنة الظهر أنت كده كده هتسيبها عشان بيبقى في نص اليوم ويا إما وراك شغل عايز تحقق التارجت فيه يا إما في الجامعة وعايز تلحق تصلي بين المحاضرات هتقف معاك على الفجر شوية شوية شيطانك هيملي عليك ما أملاه قبلا وهتلاقي نفسك بتصحى تخبط الركعتين عشان تلحق تناملك ساعة ولا حاجه قبل ما تنزل شغلك/جامعتك أنت سيبت النوافل ده مش هينقص أجرك شيىء أنت كده كده بتصلي بس شوية شوية هتتكاسل عن الصلاة لحد ما يفوت وقتها وبتبقى سعيد لو لحقت الظهر قيل العصر بعشر دقايق بس خليني أفكرك إنها خطوات شيطان وإنت اللي فتحتها على نفسك لو كنت سمعت كلام سيدنا محمد من البداية ومفتحتش الباب مكانش زمانك بتنام عن العشا والفجر لكنه قالك "ويحك لا تفتحه، إنك إن تفتحه تلجه" وأنت برضو كنت مصمم تفتحه