من أشكال الـ Self Care - العناية بالنَّفس انك تحاول تحسّن جودة حياتك أولًا تحسّن من نفسك بشكل عام عن طريق انك تجتهد وتذاكر وتتفوَّق سواء في دراسة أو عن طريق انك تطوَّر من جودة شُغلك أو عن طريق رفضَك القاطع والصَّريح لتواجدَك في علاقات لا تُعطيك قيمتك الحقيقية ثانيًا تحسّن شكلك الخارجي من لبس ومَظهر عمومًا (وبتختار لبسك وُفق معايير شرعية.. مش أي معايير تانية) وضوافر مَقصوصة ونضيفة.. برفيوم للرجال خارج وداخل البيت والنساء في البيوت فقط.. وحذاء نضيف ثالثًا تحاول تحسّن طريقة احتواءك لنفسَك عن طريق انك تتقلّل أخطاءها -قدر المُستطاع- وتدعمها طول الوقت وتفخَر بجميع مُحاولاتها رابعًا تحاول تحسّن علاقتك بجسمك عن طريق انك تنام نوم عميق ومتواصل.. وتاكل أكل صحّي أغلب الوقت وتتمرَّن وتشرب ماية كفاية أذكار الصباح والمَساء، علاجك وفيتاميناتك في ميعادهم، حمايتك لطاقتك وأفكارك من السوشيال ميديا، وانت بتقرأ كتاب جديد، وانت بتدفع فلوس كورس في مجال بتحبه، وانت بترسم، وانت بتشرب مشروبك المُفضّل وواقف في الشباك وبتحاول تروّق راسك، وانت بتتمشّى، وانت بتحفظ قرآن، وانت بتخرّج اللي في راسك على ورق، روتين عنايتك بجسمك وشعرك كل دي من أشكال العناية اللي انت محتاجها يوميًا وشهريًا وفي الحقيقة هيَّ عقلية كاملة ضروري تتبنّاها بحياتك.. هاتنفعك صدقني علشان لازم تتعلّم تَهتم بنفسك وترعاها لإن ده لو ماصدَرش منك لنفسك أولًا.. عُمرك ما هتقدر تكوّن علاقات صحيّة وبعيدًا عن العلاقات، بس العناية بالنفس بشكل عام مش رفاهيَة ده أمر ضروري علشان تعيش وقت زيادة بنفسيّة مُستقرّة مُتوازنة وكمان هادية..