وأنا بكتب البوست دا أندم ما أكون علي نفسي ورب الكعبة 💔💔💔💔 قبل ٧ سنين كنا في داخلية حسيب والرازي .. جا صاحبنا ناصر مختار .. وأدانا محاضرة وسلم علينا وطلع .. واحد من أصحابنا قال لي اللهم بارك الزول دا ولا بنوم .. صلاة الصبح كان بدي في محاضرة في جبرة .." لما واحد من أصحابنا يفارق الحياة .. وينتقل لربنا ورحمتو .. بقعد أقول أنا قدمت شنو ؟ لو كنت انا الأن مكانو .. وضعي حيكون كيف ؟ حكون سعيد ولا شقي ؟ جنة ولا نار ؟ شفتو ناصر دا .. والله من طريقو نحن حقو نبكي علي نفسنا وما نبكي عليه 💔 نبكي علي روحنا اللي مقصرة في حق ربنا وإمكن الصلوات ما بتقدر تأديها في زمنها وفي المسجد 💔💔💔 ناصر من بنعرفو من الجامعة من سنين طويلة .. لا يكاد يخلو يوم واحد من حياتو من دعوة في سبيل الله ومحاضرة يلقيها علي الناس .. كأنما يعلم إنو عمرو قصير فعايز يغتنم أكبر كمية من الحسنات 💔 ناصر ما بين حلقة علم مع مشايخنا .. ودعوة ناس في محاضرة في مسجد او في داخلية .. وبين عمل خير .." عارف يعني شنو إنك تكون مغترب وأمورك طيبة وتنزل عشان تجاه.د ؟ عارف يعني شنو تخلي أطفالك صغار لله وتخرج في سبيل الله وما تخاف عليهم يعيشو كيف ويتربو كيف ؟ ناصر مطعم الالاف من النازحين .. المئات من الحالات تمت علي يدو ... الخير في السقيا نالو ..في إطعام الناس نالو .. وفي وقفتو من الناس نالو .. وحياتو كانت بين .. جها..د .. وعمل طوعي ودعوة في سبيل الله والمئات من الناس ربنا هداهم علي يدو .." وبعد دا كلو نال الشها.دة بفضل الله .. ومات وهو علي الحق .." دا ناااصر .. نحن قدمنا شنو لنفسنا ؟ إنت قدمت شنو لنفسك ؟ .. يوم الناس تبكي عليك إنت حالك حيكون كيف ؟ ولدتك أمك يا أبن أدم باكياً والناس حولك يضحكون سرورا فأحرص علي يومٌ تكون فيه إذا بكو في يومك موتك ضاحكاً مسرورا شاب أنفق عمرو وحياتو ونعمو اللي ربنا أداها ليهو في سبيل الله .. وكل عمل كان بقوم بيه كان كفيل يكون سبيل لله للجنة .. وأنا وإنت ممكن نكون صبح الله ما صليناه حاضر .. وتلفوناتنا مليانة مصائب ودردشات محرمة .. وصور محرمة .. وما قدمنا لنفسنا ولا بلدنا أي شي .. وعايشين وبنضحك .. الله يكون في عونا المسلم الناس بتفرح ليه بعلامات حسن خاتمة .. وناصر عندو بإذن الله أكتر من علامة : شهادة الناس ليه بالخير .. زي ما في الحديث وجبت وجبت أنتم شهداء الله في الأرض الشها.دة في سبيل الله .. وما أعظم الشهاد.ة وأجرها الأثر الطيب من فيديوهات دينية ودعوية وأعمال طوعية وخيرية عملها والناس شاهدة ليه بيها .." ربنا يتقبل ناصر ويحسن إليه ويجمعنا بيه في جناتو يا رب 💔💔💔 منقول