KAIILET AB KARIIK Kaiiletab kariik ko igoortab kipgaa nebo Nandi ne kikiyae kokaleel arawet anan ko betusiek artam yetap kosiirto boiyot ab koot. Ki eng keny kikiyoe igoratak kouni amu betusiechu ko kikowalak atebeet ak boisionik. Kikiili kariik ak leleek ak kora ko komii kandiyseet. Kingokakobata betusiek artamu kong'ete ngosiirto boiyot, kokikienyei eito ak koam biikab bororienyi ak choronok. Kiili kariikwak ak leleek biik tukul che kimii igooratak. Kikileweni ng'etab kamet agenge anan ko ngomatindoi keleweni werit ne tupcho kobo boisiek ak inendet nekikosiirto, kolany kimonjok atya koiri kimonjokut ne ituitos pambanikab kot. Notok ko ki kabarunet kele makomii Toloitab koot. Kingoiri keleen "Keng'isir Toloita". Kingobata nitok, ko kiwendi kora koot orit akoiri ketit sakwet ne kicham kokartate kariik eng toloita, ak itoogut, totet akopatpat ng'echerok atya kong'omor kikombok asi matakoeeise nyigoonik, anan kotebee ng'echerok. Kotee kotakotumi met mosegeet ko kimakochamtayat kichut koyotok orit muren age tugul ne kikeyatita. Kiimuch matakitun/kiindi anan kolach munaokab chepyosok kwonyotok. Kingobata kaiilset, kebcheei tukukab chichotok kikosiirto koboto kariikab luget ak kobaisie che kakitororchi. Kongoi amu kaisoman ak inai.👌👌👌👌👌 Koserei ngalechu inendet @Sally Rotich