سرگئی لاوروف، وزیر خارجه روسیه در دیدار با سراج‌الدین مهر‌الدین، همتای تاجیکستانی خود در مسکو، از ناامنی در افغانستان زیر اداره گروه تروریستی طالبان ابراز نگرانی کرده است. لاوروف امروز (۲۵ دلو) گفته است که وضعیت سخت امنیتی در افغانستان پیامدهایی برای کشورهای همسایه دارد. او به طور مشخص از روسیه و تاجیکستان نام برده است که از ناامنی در افغانستان متاثر می‌شوند. لاوروف افزوده است: «واضح است که وضعیت در افغانستان همچنان دشوار است و این امر در همسایگانش، کشورهای آسیای مرکزی، از جمله تاجیکستان، طنین انداز می‌شود.» گفتنی است که گسترش تروریسم در افغانستان از نگرانی‌های جدی همسایگان و منطقه و جهان است. طالبان تروریست از بیش از بیست و یک گروه تروریستی میزبانی و حمایت می‌کنند. بیشتربخوانید... https://www.nrfnews.com/?p=15164