څنګه چې لیدل کېږي ټرمپ له پوتین سره د پياوړو اړیکو د رغولو هوډ کړی.‌ هغه پر اوکرایین زیات فشار راوستی او هممهاله یې پوتین ته ستر امتیازات وړاندیز کړي چې اوکرایین یې باید ورکړي. د دغو امتیازاتو له ورکړې د زېلېنسکی انکار ډونلډ ټرامپ غوسه کړی دی. دا ډانک پیېلی بېلتون د یوه ستر کړکېچ نښه ده چې د امریکا او د ناټو د اروپايي‌ غړو ترمنځ‌ پر اړیکو یې هم سیوری غوړولی. اوس به له اوکرایین ورهاخوا د اروپا امنیت ته د امریکا د ژمنتیا په تړاو هم شکونه او پوښتنې راولاړې شي.