Dzili nhatu munaBheta, kwakuna n'hangano wepa bana bekwele rayisi zwikwele zose Bulilima yose..N'hangano iwoyu watigwa kuDombombodema High School. Kwakuna nhabi dzahulumente dzakasiyana nebabhati bezwikwele nebadiyi bezwikwele. Nlemekedzwa Dr Evelyn Ndlovu mbhati welutabi gunolinga nezwinotikala muntunhu we Matabeleland South ndiye wabe eli nkudziwa mun'hangano iwhoyu, wati mwana unahhala atodiyika nentha yekuti limwe hhuba unoyezela kakale atotodiyika akalonga njele nezwipila. Wandila mbeli akati bana hapa bedla kukwele whoku kojitisa sayenda kukwele kwebana kakale bazwadzi bananlandu webhatsha zwikwele sako hulumente edusa zodliwa babhatse bo nezwimwe zwinonga busebo. Mme Dr. E Ndlovu wakuludzila babhati bezwikwele kuti babe nemaproject abanothama muzwikwele anonga lima nepfuwa zwipfuwo... Provincial Education Director Mrs Manjere wati mugole lakapinda muterm yebutatu zwikwele izwezwi zwakabe zwipa bana zodliwa bakabona kuti nayibaba bakabatjipedza kwala begupu lekunotendeka abazohhalila bakahhalila nebamwe ngobe basingafe hhala. Wandila mbeli akati hapa ilikuti kunanlipo unodusiwa webusebo kunabamwe basinga tubule dusa basitatiwe nayibo ngababhatshiwe ngobe whoko kobe kulakidza kuti mwana unohaya. Mme He Hikwa bakuludzila kwazo kwazo bazwadzi kuti bazwidiye ndisa zwinobe zwihakika.. Baleba kakale kuti bazwadzi bazwidiye khalimela bana babo kakale babe nehanya nebana babo. Baleba kakale kuti bana ngwenu wale akutjina unoyi unolova kene unotshumwayila kukwele. Bakuludzila nebadiyi kuti balinge bana ngobe umwe mwana unobe enahhala kene edzidziwa kun'ha kene nebamwe bebhuda kwele. Bati sako Ntungamili wehango apa zodliwa babonebo tjimwe tjethama.. *Dzakwagwa naLyonel Sebastian Nleya weRadio Bukalanga*