‏الله ایساعد گلبك خويه اشگد شابع طعنات ارماح.... ‏آنه ادعیلك تخلص روحك بلكي امنتغمض ترتاح... ‏شافك تتعذب بل حفره او يدلل گام الذباح... ‏خن اجل ذبح ابن الزهرا  خل یتگلب یمهن صاح... ‏ ‏ ‏سمعته ایصیح جیبو اتراب ذبو اتراب بجروحه... ‏اذا خلصتو سلب اهدوم  ارد اسلب بعد روحه.... ‏جیبو الخیل یهل الخیل  خل  یکثر بعد نوحه... ‏ ‏یا ابن امي..... یا ابن امي ‏ ‏__ ‏امتعبینك  يا تعب اعيونى  يل خليت اختك تحتار.... ‏صاحو زينب طاح احسينچ  وخیمچ حاطتها النار..... ‏زینب رکضي او طري الهیمه واحنه اندور سحگ اصغار.... ‏ارکض واوگع واردود ارکض تنشف روحي ومدري اشصار.... ‏ ‏صعدت التلته خویه احسین واصرخ لو عدل بعدك.... ‏اجتك خيل فدوا اتگوم  یاخویه انسحگ حدك... ‏اجیتك اركض ابلا رايه بس التسحگ اتبعدك.... ‏ ‏ ‏ياابن امي.... يا ابن امي ‏ ‏__ ‏الله ايعينك محد عانك جسمك متفصل بجروح.... ‏اختك سموها المسبيه وانته اسمك صار المذبوح... ‏ردت اوصلك صاحو ردي  ابن امچ زینب مذبوح.... ‏زینب ردي اولمي ایتماچ جهزن یله اوشبعن نوح... ‏ ‏ ‏ ‏صبرت الیتامه احسین بس یاهو الیصبرني..... ‏اجیتك نيتي اوصل ليك  ياخويه اوجزيت ابني... ‏تقبلها امنجي ابلا راي بسياط العده اتردني.... ‏ ‏ ‏يا ابن امي..... ياابن امي ‏ ‏____ ‏يل نايم ليش ايشتمونك  ماينحب سب الميتين.... ‏ولكم بطلو هاي السيره ماينسب يا ناس احسين... ‏بطلو منه او عوفو ميت تعبان او غمضها العين.... ‏شلتو راسه اوعفتو عاري  هاي ابيا مذهب يا دين.... ‏ ‏ ‏ ‏شتریدون مات اوراح هوا المات ماينسب.... ‏بلعباس يشبع ظيم لو صحتو بسم زينب... ‏ابعدونه امنخوي احسين كل ماصيح يتعذب.... ‏ ‏ ‏ياابن امي..... يا ابن امي ‏ ‏___ ‏خالد السويطي ‏ https://t.me/khaledalswiti ‏تابع قناة الشاعر | خالد السويطي في واتساب: https://whatsapp.com/channel/0029VakVhydL2ATtny5iqQ0T