‏شمر شترید من احسین اصبر خل یسد عینه ..... ‏خل ایغمض اویرتاح  وراهه تبعو اسکینه.... ‏شمر بس خلي اخوي ایموت وانوب ‏حشمها الزلم والخیل خل تحرگ صواوینه..... ‏ ‏ ‏من شفتك ابنص الفزع والخیل اجت لیك..... ‏طایح یه ابو طول الحلو وامسبل ایدیك.... ‏جابو الخیل الما ترد بس ردت اعلیك.... ‏الف اوتسعمیة جرح ماضل نفس بیك.... ‏ ‏واحوافر الخیل ....بجروك اتعیل ‏یل شابع اجروح..... ‏»»»»»»»»»»««««««««««« ‏یناس الیذنبح عطشان المن ینسحگ جسمه.... ‏الهضیمه المثل اخوي اشلون الخیل اطشره وتلمه.... ‏اصبرو خل یموت احسین یا ناس ‏الهضم والزهرا یا هل گوم مایرهم عله الزلمه... ‏ ‏ ‏یابو البنات التستحي هم تدري بل صار..... ‏طلعن بناتك والعبي حرگتهن النار.... ‏ارکض واموتن مستحه اوخوفي اعله الزغار.... ‏لیش اعله طول الطف صرت متگطع اوذار.... ‏ ‏یا ماي العیون ....نوصلك اشلون ‏گوم اسمع النوح.... ‏ ‏»»»»»»»»»»»»»»«««««««««« ‏عیني التنتظر ملگاك عامیها الرماد احسین..... ‏من جیتك عثرت ابعون عفته اوگمت ادورك وین.... ‏دورت الجثث خویه ابشلاع الروح ‏ماترهم رکضتي احسین خویه اورکضاني البین.... ‏ ‏ ‏ارکض وادور بل زلم واتنشد الناس.... ‏شافوني اعثر وانتهض لاگوني بل راس.... ‏صاحو یه زینب بت علي  چاوینه عباس... ‏شالو بیارقم فرح ماعدهم احساس.... ‏ ‏والوادم اتصیح ....لحگوها الطیح ‏ماتطلع الروح.... ‏ ‏»»»»»»»»»»»»»»«««««««««««« ‏وصلتك بس لگیت الگاع حمره اوسابح ابدمك.... ‏ترس الطف یبعد احشاي خویه احسین شیلمك... ‏میته اتمنه بل عباس یبن امي ‏یاریت انذبح یحسین خویه اوستچن یمك.... ‏ ‏ ‏فوگ الرمح شفت النحر واتمنه لو موت.... ‏یل تارس الطف کربلا لابن امي تابوت... ‏اشگد حشمت یهل الرحم مایرجع الصوت... ‏حرمه ابزلم ولکم صدگ للمذبح اتفوت.... ‏ ‏ولتمت الگوم....اتبوگ الهدوم ‏وابن امي مطروح.... ‏ ‏»»»»»»»»»»»»»»»»»«««««««««««« ‏خالد السویطي https://t.me/khaledalswiti ‏تابع قناة الشاعر | خالد السويطي في واتساب: https://whatsapp.com/channel/0029VakVhydL2ATtny5iqQ0T