ତ୍ରୈଲୋକ୍ୟ ମଙ୍ଗଳ ନାମକ ଶ୍ରୀ ମହାଲକ୍ଷ୍ମୀ ସ୍ତୋତ୍ରମ୍ ଓଁ ନମଃ କଲ୍ୟାଣଦେ ଦେବି ନମୋଽସ୍ତୁ ହରିବଲ୍ଲଭେ । ନମୋ ଭକ୍ତପ୍ରିୟେ ଦେବି ଲକ୍ଷ୍ମୀଦେବି ନମୋଽସ୍ତୁ ତେ ॥ ୧॥ ନମୋ ମାୟାଗୃହୀତାଙ୍ଗି ନମୋଽସ୍ତୁ ହରିବଲ୍ଲଭେ । ସର୍ବେଶ୍ୱରି ନମସ୍ତୁଭ୍ୟଂ ଲକ୍ଷ୍ମୀଦେବି ନମୋଽସ୍ତୁ ତେ ॥ ୨॥ ମହାମାୟେ ବିଷ୍ଣୁଧର୍ମପତ୍ନୀରୂପେ ହରିପ୍ରିୟେ । ବାଞ୍ଛାଦାତ୍ରି ସୁରେଶାନି ଲକ୍ଷ୍ମୀଦେବି ନମୋଽସ୍ତୁତେ ॥ ୩॥ ଉଦ୍ୟଦ୍ଭାନୁସହସ୍ରାଭେ ନୟନତ୍ରୟଭୂଷିତେ । ରତ୍ନାଧାରେ ସୁରେଶାନି ଲକ୍ଷ୍ମୀଦେବି ନମୋଽସ୍ତୁତେ ॥ ୪॥ ବିଚିତ୍ରବସନେ ଦେବି ଭବଦୁଃଖବିନାଶିନି । କୁଚଭାରନତେ ଦେବି ! ଲକ୍ଷ୍ମୀଦେବି ନମୋଽସ୍ତୁତେ ॥ ୫॥ ସାଧକାଭୀଷ୍ଟଦେ ଦେବି ଅନ୍ନଦାନରତେଽନଘେ । ବିଷ୍ଣ୍ୱାନନ୍ଦପ୍ରଦେ ମାତର୍ଲକ୍ଷ୍ମୀଦେବି ନମୋଽସ୍ତୁ ତେ ॥ ୬॥ ଷଟ୍କୋଣପଦ୍ମମଧ୍ୟସ୍ଥେ ଷଡଙ୍ଗୟୁବତୀମୟେ । ବ୍ରହ୍ମାଣ୍ୟାଦିସ୍ୱରୂପେ ଚ ଲକ୍ଷ୍ମୀଦେବି ନମୋଽସ୍ତୁ ତେ ॥ ୭॥ ଦେବି ତ୍ୱଂ ଚନ୍ଦ୍ରବଦନେ ସର୍ବସାମ୍ରାଜ୍ୟଦାୟିନି । ସର୍ବାନନ୍ଦକରେ ଦେବି ଲକ୍ଷ୍ମୀଦେବି ନମୋଽସ୍ତୁ ତେ ॥ ୮॥ ପୂଜାକାଳେ ପଠେଦ୍ୟସ୍ତୁ ସ୍ତୋତ୍ରମେତତ୍ସମାହିତଃ । ତସ୍ୟ ଗେହେ ସ୍ଥିରା ଲକ୍ଷ୍ମୀର୍ଜାୟତେ ନାତ୍ର ସଂଶୟଃ ॥ ୯॥ ପ୍ରାତଃକାଳେ ପଠେଦ୍ୟସ୍ତୁ ମନ୍ତ୍ରପୂଜାପୁରଃସରମ୍ । ତସ୍ୟ ଚାନ୍ନସମୃଦ୍ଧିଃ ସ୍ୟାଦ୍ୱର୍ଦ୍ଧମାନୋ ଦିନେଦିନେ ॥ ୧୦॥ ଯସ୍ମୈ କସ୍ମୈ ନ ଦାତବ୍ୟଂ ନ ପ୍ରକାଶ୍ୟଂ କଦାଚନ । ପ୍ରକାଶାତ୍କାର୍ଯ୍ୟହାନିଃ ସ୍ୟାତ୍ତସ୍ମାଦ୍ୟତ୍ନେନ ଗୋପୟେତ୍ ॥୧୧॥ ତ୍ରୈଲୋକ୍ୟମଙ୍ଗଳଂ ନାମ ସ୍ତୋତ୍ରମେତତ୍ପ୍ରକୀର୍ତ୍ତିତମ୍ । ବ୍ରହ୍ମବିଦ୍ୟାସ୍ୱରୂପଞ୍ଚ ମହୈଶ୍ୱର୍ଯ୍ୟପ୍ରଦାୟକମ୍ ॥ ୧୨॥ ପଠନାଦ୍ଧାରଣାନ୍ମର୍ତ୍ୟସ୍ତ୍ରୈଲୋକ୍ୟୈଶ୍ୱର୍ଯ୍ୟବାନ୍ଭବେତ୍ । ଯଦ୍ଧୃତ୍ୱା ପଠନାଦ୍ଦେବାଃ ସର୍ବ୍ୟୈଶ୍ୱର୍ଯ୍ୟମବାପ୍ନୁୟୁଃ ॥ ୧୩॥ ବ୍ରହ୍ମା ବିଷ୍ଣୁଶ୍ଚ ରୁଦ୍ରଶ୍ଚ ଧାରଣାତ୍ପଠନାଦ୍ୟତଃ । ସୃଜତ୍ୟବତି ହରତ୍ୟେବ କଳ୍ପେକଳ୍ପେ ପୃଥକ୍ପୃଥକ୍ ॥ ୧୪॥ ପୁଷ୍ପାଞ୍ଜଲ୍ୟଷ୍ଟକଂ ଦେବ୍ୟୈ ମୂଳେନୈବ ପଠେତ୍ତତଃ । ଯୁଗକାଳକୃତାୟାସ୍ତୁ ପୂଜାୟାଃ ଫଳମାପ୍ନୁୟାତ୍ ॥ ୧୫॥ ପ୍ରୀତିମନ୍ୟୋନ୍ୟତଃ କୃତ୍ୱା କମଳା ନିଶ୍ଚଳା ଗୃହେ । ବାଣୀ ବକ୍ତ୍ରେ ବସେତ୍ତସ୍ୟ ସତ୍ୟଂ ସତ୍ୟଂ ନ ସଂଶୟଃ ॥ ୧୬॥ ଅଷ୍ଟୋତ୍ତରଶତଞ୍ଚାସ୍ୟ ପୁରଶ୍ଚର୍ୟାବିଧିଃ ସ୍ମୃତଃ ॥ ୧୭॥ ଭୂର୍ଜେ ବିଲିଖ୍ୟ ଗୁଳିକାଂ ସ୍ୱର୍ଣ୍ଣସ୍ଥାଂ ଧାରୟେଦ୍ୟଦି । କଣ୍ଠେ ବା ଦକ୍ଷିଣେ ବାହ୍ୟୌ ସୋଽପି ସର୍ବତପୋମୟଃ ॥ ୧୮॥ ବ୍ରହ୍ମାସ୍ତ୍ରାଦୀନି ଶସ୍ତ୍ରାଣି ତଦ୍ଗାତ୍ରଂ ପ୍ରାପ୍ୟ ପାର୍ବତି । ମାଲ୍ୟାନି କୌସୁମାନ୍ୟେବ ଭବନ୍ତ୍ୟେବ ନ ସଂଶୟଃ ॥ ୧୯॥ ଅସ୍ୟାପି ପଠନାତ୍ସଦ୍ୟଃ କୁବେରୋଽପି ଧନାଧିପଃ । ଇନ୍ଦ୍ରାଦ୍ୟାଃ ସକଳା ଦେବା ଧାରଣାତ୍ପଠନାଦ୍ୟତଃ॥ ପୁଷ୍ପାଞ୍ଜଲ୍ୟଷ୍ଟକଂ ଦେବ୍ୟୈ ମୂଳେନୈବ ସକୃତ୍ପଠେତ୍ । ସମ୍ବତ୍ସରକୃତାୟାସ୍ତୁ ପୂଜାୟାଃ ଫଳମାପ୍ନୁୟାତ୍ ॥ ୨୧॥ ଯୋ ଧାରୟତି ପୁଣ୍ୟାତ୍ମା ତ୍ରୈଲୋକ୍ୟମଙ୍ଗଳଂ ତ୍ୱିଦମ୍ । ସ୍ତୋତ୍ରନ୍ତୁ ପରମଂ ପୁଣ୍ୟଂ ସୋଽପି ପୁଣ୍ୟବତାଂ ବରଃ ॥ ୨୨॥ ସର୍ବୈଶ୍ୱର୍ଯ୍ୟଯୁତୋ ଭୂତ୍ୱା ତ୍ରୈଲୋକ୍ୟବିଜୟୀ ଭବେତ୍ । ପୁରୁଷୋ ଦକ୍ଷିଣେ ବାହୌ ନାରୀ ବାମଭୁଜେ ତଥା । ବ୍ରହ୍ମାସ୍ତ୍ରାଦୀନି ଶସ୍ତ୍ରାଣି ନୈବ କୃନ୍ତନ୍ତି ତଂ ଜନମ୍ । ପଠେଦ୍ୱା ଧାରୟେଦ୍ୱାପି ଯୋ ନରୋ ଭକ୍ତିତତ୍ପରଃ ॥ ୨୪॥ ଏତତ୍ତୁ ସ୍ତୋତ୍ରମଜ୍ଞାତ୍ୱା ଯୋଽର୍ଚୟେଜ୍ଜଗଦୀଶ୍ୱରୀମ୍ । ଦାରିଦ୍ର୍ୟଂ ପରମଂ ପ୍ରାପ୍ୟ ସୋଽଚିରାନ୍ମୃତ୍ୟୁମାପ୍ନୁୟାତ୍ ॥ ୨୫॥ ଯଃ ପଠେତ୍ପ୍ରାତରୁତ୍ଥାୟ ସର୍ବତୀର୍ଥଫଳଂ ଲଭେତ୍ । ଯଃ ପଠେଦୁଭୟୋଃ ସନ୍ଧ୍ୟୋତ୍ତସ୍ୟ ବିଘ୍ନୋ ନ ବିଦ୍ୟତେ ॥ ୨୬॥ ଧାରୟେଦ୍ୟଃ ସ୍ୱଦେହେ ତୁ ତସ୍ୟ ବିଘ୍ନଂ ନ କୁତ୍ରଚିତ୍ । ଭୂତପ୍ରେତପିଶାଚେଭ୍ୟୋ ଭୟସ୍ତସ୍ୟ ନ ବିଦ୍ୟତେ ॥ ୨୭॥ ରଣେ ଚ ରାଜଦ୍ୱାରେ ଚ ସର୍ବତ୍ର ବିଜୟୀ ଭବେତ୍ । ସର୍ବତ୍ର ପୂଜାମାପ୍ନୋତି ଦେବୀପୁତ୍ର ଇବ କ୍ଷିତୌ ॥ ୨୮ ॥ ଏତତ୍ସ୍ତୋତ୍ରଂ ମହାପୁଣ୍ୟଂ ଧର୍ମକାମାର୍ଥସିଦ୍ଧିଦମ୍ । ଯତ୍ର ତତ୍ର ନ ବକ୍ତବ୍ୟଂ ଗୋପିତବ୍ୟଂ ପ୍ରୟତ୍ନତଃ ॥ ୨୯॥ ଗୋପିତଂ ସର୍ବତନ୍ତ୍ରେଷୁ ସାରାତ୍ସାରଂ ପ୍ରକୀର୍ତ୍ତିତମ୍ । ସର୍ବତ୍ର ସୁଲଭା ବିଦ୍ୟା ସ୍ତୋତ୍ରମେତତ୍ସୁଦୁର୍ଲଭମ୍ ॥ ୩୦॥ ଶଠାୟ ଭକ୍ତିହୀନାୟ ନିନ୍ଦକାୟ ମହେଶ୍ୱରି । ନ୍ୟୂନାଙ୍ଗେ ଅତିରିକ୍ତାଙ୍ଗେ କ୍ରୂରେ ମିଥ୍ୟାଭିଭାଷିଣେ॥ ଯତ୍ର ତତ୍ର ନ ବକ୍ତବ୍ୟଂ ମୟା ତୁ ପରିଭାଷିତମ୍ । ଦତ୍ୱା ତେଭ୍ୟୋ ମହେଶାନି ନଶ୍ୟନ୍ତି ସିଦ୍ଧୟଃ କ୍ରମାତ୍ ॥ ୩୨॥ ମନ୍ତ୍ରାଃ ପରାଙ୍ମୁଖା ଯାନ୍ତି ଶାପଂ ଦତ୍ୱା ସୁଦାରୁଣମ୍ । ଅଶୁଭଞ୍ଚ ଭବେତ୍ତସ୍ୟ ତସ୍ମାଦ୍ୟତ୍ନେନ ଗୋପୟେତ୍ ॥ ୩୩॥ ଗୋରୋଚନାକୁଙ୍କୁମେନ ଭୂର୍ଜପତ୍ରେ ମହେଶ୍ୱରି । ଲିଖିତ୍ୱା ଶୁଭଯୋଗେ ଚ ବ୍ରହ୍ମେନ୍ଦ୍ରୌ ବୈଧୃତୌ ଯଥା॥ କୁମାରୀଂ ପୂଜୟିତ୍ୱା ତୁ ଦେବୀସୂକ୍ତଂ ନିବେଦ୍ୟ ଚ । ପଠିତ୍ୱା ଭୋଜୟେଦ୍ୱିପ୍ରାନ୍ଧନବାନ୍ୱେଦପାରଗାନ୍ ॥ ୩୫॥ ମାସମେକଂ ପଠେଦ୍ୟସ୍ତୁ ପ୍ରତ୍ୟହଂ ନିୟତଃ ଶୁଚିଃ । ଦିବା ଭବେଦ୍ଧବିଷ୍ୟାଶୀ ରାତ୍ରୌ ଭକ୍ତିପରାୟଣଃ । ତସ୍ୟ ସର୍ବାର୍ଥସିଦ୍ଧିଃ ସ୍ୟାତ୍ ସତ୍ୟଂସତ୍ୟଂ ମହେଶ୍ୱରି ॥ ୩୭॥ ଷଟ୍ସହସ୍ରପ୍ରମାଣେନ ପ୍ରତ୍ୟହଂ ପ୍ରଜପେତ୍ସଦା । ଷଣ୍ମାସୈର୍ବା ତ୍ରିଭିର୍ମାସୈଃ ଖେଚରୋଭବତି ଧ୍ରୁବମ୍ ॥ ୩୮॥ ଅପୁତ୍ରୋ ଲଭତେ ପୁତ୍ରମଧନୋ ଧନବାନ୍ଭବେତ୍ । ଅରୋଗୀ ବଳବାଂସ୍ତସ୍ୟ ରାଜା ଚ ଦାସତାମିୟାତ୍ ॥ ୩୯॥ ଯ ଏବଂ କୁରୁତେ ଧୀମାନ୍ସ ଏବ କମଳାପତିଃ । ସ ଏବ ଶ୍ରୀମହାଦେବସ୍ତସ୍ୟ ପତ୍ନୀ ହରିପ୍ରିୟା ॥ ୪୦॥ ବହୁନା କିମିହୋକ୍ତେନ ସ୍ତବସ୍ୟାସ୍ୟ ପ୍ରସାଦତଃ । ଧର୍ମାର୍ଥକାମମୋକ୍ଷଞ୍ଚ ଲଭତେ ନାତ୍ର ସଂଶୟଃ ॥ ୪୧॥ ଇତି ତେ କଥିତଂ ଦେବି ତ୍ରୈଲୋକ୍ୟମଙ୍ଗଳାଭିଧମ୍ । ଲକ୍ଷ୍ମୀସ୍ତୋତ୍ରଂ ମହାପୁଣ୍ୟଂ ସଂସାରାର୍ଣ୍ଣବତାରକମ୍ ॥ ୪୨॥ ଋଜବେ ସୁଚରିତ୍ରାୟ ବିଷ୍ଣୁଭକ୍ତିପରାୟ ଚ । ଦାତବ୍ୟଞ୍ଚ ପ୍ରଯତ୍ନେନ ପରମଂ ଗୋପନଂ ତ୍ୱିଦମ୍ ॥ ୪୩॥ ॥ ଇତି ଶ୍ରୀଶଙ୍କରଭାଷିତଂ ଶ୍ରୀ ତ୍ରୈଲୋକ୍ୟମଙ୍ଗଳନାମକ ଶ୍ରୀ ମହାଲକ୍ଷ୍ମୀସ୍ତୋତ୍ରମ୍ ସମ୍ପୂର୍ଣ୍ଣମ୍ । #ameodiaamajagannathofficial #odia_adhyatmika_katha #ଓଡ଼ିଆ_ଆଧ୍ୟାତ୍ମିକ_କଥା #ame_odia_ama_jagannath #ama_jagannatha_digital