ଅଗସ୍ତି ବିରଚିତ ଶ୍ରୀ ଲକ୍ଷ୍ମୀ ସ୍ତୋତ୍ରମ୍🔴 ଓଁ ଜୟ ପଦ୍ମପଳାଶାକ୍ଷି ଜୟ ତ୍ୱଂ ଶ୍ରୀପତିପ୍ରିୟେ । ଜୟ ମାତର୍ମହାଲକ୍ଷ୍ମି ସଂସାରାର୍ଣ୍ଣବତାରିଣି ॥ ମହାଲକ୍ଷ୍ମି ନମସ୍ତୁଭ୍ୟଂ ନମସ୍ତୁଭ୍ୟଂ ସୁରେଶ୍ୱରି । ହରିପ୍ରିୟେ ନମସ୍ତୁଭ୍ୟଂ ନମସ୍ତୁଭ୍ୟଂ ଦୟାନିଧେ ॥ ପଦ୍ମାଳୟେ ନମସ୍ତୁଭ୍ୟଂ ନମସ୍ତୁଭ୍ୟଂ ଚ ସର୍ବଦେ । ସର୍ବଭୂତହିତାର୍ଥାୟ ବସୁବୃଷ୍ଟିଂ ସଦା କୁରୁ ॥ ଜଗନ୍ମାତର୍ନମସ୍ତୁଭ୍ୟଂ ନମସ୍ତୁଭ୍ୟଂ ଦୟାନିଧେ । ଦୟାବତି ନମସ୍ତୁଭ୍ୟଂ ବିଶ୍ୱେଶ୍ୱରି ନମୋଽସ୍ତୁ ତେ ॥ ନମଃ କ୍ଷୀରାର୍ଣ୍ଣବସୁତେ ନମସ୍ତ୍ରୈଲୋକ୍ୟଧାରିଣି । ବସୁବୃଷ୍ଟେ ନମସ୍ତୁଭ୍ୟଂ ରକ୍ଷ ମାଂ ଶରଣାଗତଂ ॥ ରକ୍ଷ ତ୍ୱଂ ଦେବଦେବେଶି ଦେବଦେବସ୍ୟ ବଲ୍ଲଭେ । ଦରିଦ୍ରାତ୍ତ୍ରାହି ମାଂ ଲକ୍ଷ୍ମି କୃପାଂ କୁରୁ ମମୋପରି ॥ ନମସ୍ତ୍ରୈଲୋକ୍ୟଜନନି ନମସ୍ତ୍ରୈଲୋକ୍ୟପାବନି । ବ୍ରହ୍ମାଦୟୋ ନମସ୍ତେ ତ୍ୱାଂ ଜଗଦାନନ୍ଦଦାୟିନି ॥ ବିଷ୍ଣୁପ୍ରିୟେ ନମସ୍ତୁଭ୍ୟଂ ନମସ୍ତୁଭ୍ୟଂ ଜଗଦ୍ଧିତେ । ଆର୍ତ୍ତହନ୍ତ୍ରି ନମସ୍ତୁଭ୍ୟଂ ସମୃଦ୍ଧିଂ କୁରୁ ମେ ସଦା ॥ ଅବ୍ଜବାସେ ନମସ୍ତୁଭ୍ୟଂ ଚପଳାୟୈ ନମୋ ନମଃ । ଚଞ୍ଚଳାୟୈ ନମସ୍ତୁଭ୍ୟଂ ଲଳିତାୟୈ ନମୋ ନମଃ ॥ ନମଃ ପ୍ରଦ୍ୟୁମ୍ନଜନନି ମାତୁସ୍ତୁଭ୍ୟଂ ନମୋ ନମଃ । ପରିପାଳୟ ଭୋ ମାତର୍ମାଂ ତୁଭ୍ୟଂ ଶରଣାଗତଂ ॥ ଶରଣ୍ୟେ ତ୍ୱାଂ ପ୍ରପନ୍ନୋଽସ୍ମି କମଳେ କମଳାଳୟେ । ତ୍ରାହି ତ୍ରାହି ମହାଲକ୍ଷ୍ମି ପରିତ୍ରାଣପରାୟଣେ ॥ ପାଣ୍ଡିତ୍ୟଂ ଶୋଭତେ ନୈବ ନ ଶୋଭନ୍ତି ଗୁଣା ନରେ । ଶୀଳତ୍ୱଂ ନୈବ ଶୋଭେତ ମହାଲକ୍ଷ୍ମି ତ୍ୱୟା ବିନା ॥ ତାବଦ୍ୱିରାଜତେ ରୂପଂ ତାବଚ୍ଛୀଲଂ ବିରାଜତେ । ତାବଦ୍ଗୁଣା ନରାଣାଂ ଚ ଯାବଲ୍ଲକ୍ଷ୍ମୀଃ ପ୍ରସୀଦତି ॥ ଲକ୍ଷ୍ମିତ୍ୱୟାଳଂକୃତମାନବା ଯେ ପାପୈର୍ବିମୁକ୍ତା ନୃପଲୋକମାନ୍ୟାଃ । ଗୁଣୈର୍ବିହୀନା ଗୁଣିନୋ ଭବନ୍ତି ଦୁଶୀଳିନଃ ଶୀଳବତାଂ ବରିଷ୍ଠାଃ ॥ ଲକ୍ଷ୍ମୀର୍ଭୂଷୟତେ ରୂପଂ ଲକ୍ଷ୍ମୀର୍ଭୂଷୟତେ କୁଳଂ । ଲକ୍ଷ୍ମୀର୍ଭୂଷୟତେ ବିଦ୍ୟାଂ ସର୍ବାଲ୍ଲକ୍ଷ୍ମୀର୍ବିଶିଷ୍ୟତେ ॥ ଲକ୍ଷ୍ମି ତ୍ୱଦ୍ଗୁଣକୀର୍ତନେନ କମଳାଭୂର୍ୟାତ୍ୟଲଂ ଜିହ୍ମତାଂ । ରୁଦ୍ରାଦ୍ୟା ରବିଚନ୍ଦ୍ରଦେବପତୟୋ ବକ୍ତୁଂ ଚ ନୈବ କ୍ଷମାଃ ॥ ଅସ୍ମାଭିସ୍ତବ ରୂପଲକ୍ଷଣଗୁଣାନ୍ୱକ୍ତୁଂ କଥଂ ଶକ୍ୟତେ । ମାତର୍ମାଂ ପରିପାହି ବିଶ୍ୱଜନନି କୃତ୍ୱା ମମେଷ୍ଟଂ ଧ୍ରୁବଂ ॥ ଦୀନାର୍ତ୍ତିଭୀତଂ ଭବତାପପୀଡିତଂ ଧନୈର୍ବିହୀନଂ ତବ ପାର୍ଶ୍ୱମାଗତଂ । କୃପାନିଧିତ୍ୱାନ୍ମମ ଲକ୍ଷ୍ମି ସତ୍ୱରଂ ଧନପ୍ରଦାନାଦ୍ଧନ୍ନାୟକଂ କୁରୁ ॥ ମାଂ ବିଲୋକ୍ୟ ଜନନି ହରିପ୍ରିୟେ । ନିର୍ଦ୍ଧନଂ ତ୍ୱତ୍ସମୀପମାଗତଂ ॥ ଦେହି ମେ ଝଟିତି ଲକ୍ଷ୍ମି । କରାଗ୍ରଂ ବସ୍ତ୍ରକାଞ୍ଚନବରାନ୍ନମଦ୍ଭୁତଂ ॥ ତ୍ୱମେବ ଜନନୀ ଲକ୍ଷ୍ମି ପିତା ଲକ୍ଷ୍ମି ତ୍ୱମେବ ଚ ॥ ତ୍ରାହି ତ୍ରାହି ମହାଲକ୍ଷ୍ମି ତ୍ରାହି ତ୍ରାହି ସୁରେଶ୍ୱରି । ତ୍ରାହି ତ୍ରାହି ଜଗନ୍ମାତର୍ଦରିଦ୍ରାତ୍ତ୍ରାହି ବେଗତଃ ॥ ନମସ୍ତୁଭ୍ୟଂ ଜଗଦ୍ଧାତ୍ରି ନମସ୍ତୁଭ୍ୟଂ ନମୋ ନମଃ । ଧର୍ମାଧାରେ ନମସ୍ତୁଭ୍ୟଂ ନମଃ ସମ୍ପତ୍ତିଦାୟିନୀ ॥ ଦରିଦ୍ରାର୍ଣ୍ଣବମଗ୍ନୋଽହଂ ନିମଗ୍ନୋଽହଂ ରସାତଳେ । ମଜ୍ଜନ୍ତଂ ମାଂ କରେ ଧୃତ୍ୱା ସୂଦ୍ଧର ତ୍ୱଂ ରମେ ଦ୍ରୁତଂ ॥ କିଂ ଲକ୍ଷ୍ମି ବହୁନୋକ୍ତେନ ଜଳ୍ପିତେନ ପୁନଃ ପୁନଃ । ଅନ୍ୟନ୍ମେ ଶରଣଂ ନାସ୍ତି ସତ୍ୟଂ ସତ୍ୟଂ ହରିପ୍ରିୟେ ॥ ଏତଚ୍ଶ୍ରୁତ୍ୱାଽଗସ୍ତିବାକ୍ୟଂ ହୃଷ୍ୟମାଣ ହରିପ୍ରିୟା । ଉବାଚ ମଧୁରାଂ ବାଣୀଂ ତୁଷ୍ଟାହଂ ତବ ସର୍ବଦା ॥ ଶ୍ରୀ ଲକ୍ଷ୍ମୀରୁବାଚ ଯତ୍ତ୍ୱୟୋକ୍ତମିଦଂ ସ୍ତୋତ୍ରଂ ଯଃ ପଠିଷ୍ୟତି ମାନବଃ । ଶୃଣୋତି ଚ ମହାଭାଗସ୍ତସ୍ୟାହଂ ବଶବର୍ତ୍ତିନୀ ॥ ନିତ୍ୟଂ ପଠତି ଯୋ ଭକ୍ତ୍ୟା ତ୍ୱଲକ୍ଷ୍ମୀସ୍ତସ୍ୟ ନଶ୍ୟତି । ରଣଶ୍ଚ ନଶ୍ୟତେ ତୀବ୍ରଂ ବିୟୋଗଂ ନୈବ ପଶ୍ୟତି ॥ ଯଃ ପଠେତ୍ପ୍ରାତରୁତ୍ଥାୟ ଶ୍ରଦ୍ଧା-ଭକ୍ତିସମନ୍ୱିତଃ । ଗୃହେ ତସ୍ୟ ସଦା ସ୍ଥାସ୍ୟେ ନିତ୍ୟଂ ଶ୍ରୀପତିନା ସହ ॥ ସୁଖସୌଭାଗ୍ୟସମ୍ପନ୍ନୋ ମନସ୍ୱୀ ବୁଦ୍ଧିମାନ୍ ଭବେତ୍ । ପୁତ୍ରବାନ୍ ଗୁଣବାନ୍ ଶ୍ରେଷ୍ଠୋ ଭୋଗଭୋକ୍ତା ଚ ମାନବଃ ॥ ଇଦଂ ସ୍ତୋତ୍ରଂ ମହାପୁଣ୍ୟଂ ଲକ୍ଷ୍ମ୍ୟଗସ୍ତିପ୍ରକୀର୍ତ୍ତିତଂ । ବିଷ୍ଣୁପ୍ରସାଦଜନନଂ ଚତୁର୍ବର୍ଗଫଳପ୍ରଦଂ ॥ ରାଜଦ୍ୱାରେ ଜୟଶ୍ଚୈବ ଶତ୍ରୋଶ୍ଚୈବ ପରାଜୟଃ । ଭୂତପ୍ରେତପିଶାଚାନାଂ ବ୍ୟାଘ୍ରାଣାଂ ନ ଭୟଂ ତଥା ॥ ନ ଶସ୍ତ୍ରାନଲତୋୟୌଘାଦ୍ଭୟଂ ତସ୍ୟ ପ୍ରଜାୟତେ । ଦୁର୍ବୃତ୍ତାନାଂ ଚ ପାପାନାଂ ବହୁହାନିକରଂ ପରଂ ॥ ମନ୍ଦୁରାକରିଶାଳାସୁ ଗବାଂ ଗୋଷ୍ଠେ ସମାହିତଃ । ପଠେତ୍ତଦ୍ଦୋଷଶାନ୍ତ୍ୟର୍ଥଂ ମହାପାତକନାଶନଂ ॥ ସର୍ବସୌଖ୍ୟକରଂ ନୃଣାମାୟୁରାରୋଗ୍ୟଦଂ ତଥା । ଅଗସ୍ରିଆମୁନିନା ପ୍ରୋକ୍ତଂ ପ୍ରଜାନାଂ ହିତକାମ୍ୟଯା ॥ ॥ ଇତ୍ୟଗସ୍ତିବିରଚିତଂ ଲକ୍ଷ୍ମୀସ୍ତୋତ୍ରଂ ସମ୍ପୂର୍ଣ୍ଣଂ ॥ #ameodiaamajagannathofficial #odia_adhyatmika_katha #ame_odia_ama_jagannath #ଓଡ଼ିଆ_ଆଧ୍ୟାତ୍ମିକ_କଥା #ama_jagannatha_digital