(ଶ୍ରୀଜଗନ୍ନାଥସହସ୍ରନାମସ୍ତୋତ୍ରମ୍) (ପ୍ରାର୍ଥନା) ଓଁ ଦେବଦାନବଗନ୍ଧର୍ବଯକ୍ଷବିଦ୍ୟାଧରୋରଗୈଃ । ସେବ୍ୟମାନଂ ସଦା ଚାରୁକୋଟିସୂର୍ଯ୍ୟସମପ୍ରଭମ୍ ॥ ୧॥ ଧ୍ୟାୟେନ୍ନାରାୟଣଂ ଦେବଂ ଚତୁର୍ବର୍ଗଫଳପ୍ରଦମ୍ । ଜୟ କୃଷ୍ଣ ଜଗନ୍ନାଥ ଜୟ ସର୍ବାଧିନାୟକ ॥ ୨॥ ଜୟାଶେଷଜଗଦ୍ୱନ୍ଦ୍ୟପାଦାମ୍ଭୋଜ ନମୋଽସ୍ତୁ ତେ ॥ ୩॥ ଯୁଧିଷ୍ଠିର ଉବାଚ ଯସ୍ୟ ପ୍ରସାଦାତ୍ତୁ ସର୍ବଂ ଯସ୍ତୁ ବିଷ୍ଣୁପରାୟଣଃ । ଯସ୍ତୁ ଧାତା ବିଧାତା ଚ ଯଶ୍ଚ ସତ୍ୟଂ ପରୋ ଭବେତ୍ ॥ ୧॥ ଯସ୍ୟ ମାୟାମୟଂ ଜାଲଂ ତ୍ରୈଲୋକ୍ୟଂ ସଚରାଚରମ୍ । ମର୍ତ୍ତ୍ୟାଂଶ୍ଚ ମୃଗତୃଷ୍ଣାୟାଂ ଭ୍ରାମୟତ୍ୟପି କେବଳମ୍ ॥ ୨॥ ନମାମ୍ୟହଂ ଜଗତପ୍ରୀତ୍ୟା ନାମାନି ଚ ଜଗତ୍ପତିମ୍। ବୃହତ୍ୟା କଥିତଂ ଯଚ୍ଚ ତନ୍ମେ କଥୟ ସାମ୍ପ୍ରତମ୍ ॥ ୩॥ ଭୀଷ୍ମ ଉବାଚ ଯୁଧିଷ୍ଠିର ମହାବାହୋ କଥୟାମି ଶୃଣୁଷ୍ୱ ମେ । ଜଗନ୍ନାଥସ୍ୟ ନାମାନି ପବିତ୍ରାଣି ଶୁଭାନି ଚ ॥ ୧॥ ମାୟଯା ଯସ୍ୟ ସଂସାରୋ ବ୍ୟାପୃତଃ ସଚରାଚରଃ । ଯସ୍ୟ ପ୍ରସାଦାଦ୍ବ୍ରହ୍ମାଣଂ ସୃଷ୍ଟ୍ୱା ପାତି ଚ ସର୍ବଦା ॥ ୨॥ ବ୍ରହ୍ମାଦିଦଶଦିକ୍ପାଳାନ୍ ମାୟାବିମୋହିତାନ୍ ଖଳୁ । ଯସ୍ୟ ଚେଷ୍ଟାବରୋହଶ୍ଚ ବ୍ରହ୍ମାଣ୍ଡଖଣ୍ଡଗୋଚରଃ ॥ ୩॥ ଦୟା ବା ମମତା ଯସ୍ୟ ସର୍ବଭୂତେଷୁ ସର୍ବଗଃ । ସତ୍ୟଧର୍ମବିଭୂଷସ୍ୟ ଜଗନ୍ନାଥସ୍ୟ ସର୍ବତଃ ॥ ୪॥ କଥୟାମି ସହସ୍ରାଣି ନାମାନି ତବ ଚାନଘ ॥ ୫॥ ଅଥ ଶ୍ରୀଜଗନ୍ନାଥସ୍ୟ ସହସ୍ରନାମସ୍ତୋତ୍ରମ୍ । ଅଥ ବିନିଯୋଗଃ । ଅସ୍ୟ ମାତୃକା ମନ୍ତ୍ରସ୍ୟ, ବେଦବ୍ୟାସୋ ଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀଜଗନ୍ନାଥୋ ଦେବତା, ଭଗବତଃ ଶ୍ରୀଜଗନ୍ନାଥସ୍ୟ ପ୍ରୀତ୍ୟର୍ଥେ ସହସ୍ରନାମ ପଠନେ ବିନିଯୋଗଃ । (ଧ୍ୟାନମ୍) ଓଁ ନୀଳାଦ୍ରୌ ଶଙ୍ଖମଧ୍ୟେ ଶତଦଳକମଳେ ରତ୍ନସିଂହାସନସ୍ଥଂ ସର୍ବାଳଙ୍କାରଯୁକ୍ତଂ ନବଘନରୁଚିରଂ ସଂଯୁତଂ ଚାଗ୍ରଜେନ । ଭଦ୍ରାୟା ବାମଭାଗେ ରଥଚରଣଯୁତଂ ବ୍ରହ୍ମରୁଦ୍ରେନ୍ଦ୍ରବନ୍ଦ୍ୟଂ ବେଦାନାଂ ସାରମୀଶଂ ସ୍ୱଜନପରିବୃତଂ ବ୍ରହ୍ମଦାରୁ ସ୍ମରାମି ॥ ଶ୍ରୀଭଗବାନୁବାଚ ଓଁ ଚତୁର୍ଭୁଜୋ ଜଗନ୍ନାଥଃ କଣ୍ଠଶୋଭିତକୌସ୍ତୁଭଃ । ପଦ୍ମନାଭୋ ବେଦଗର୍ଭଶ୍ଚନ୍ଦ୍ରସୂର୍ଯ୍ୟବିଲୋଚନଃ ॥ ୧॥ ଜଗନ୍ନାଥୋ ଲୋକନାଥୋ ନୀଳାଦ୍ରୀଶଃ ପରୋ ହରିଃ । ଦୀନବନ୍ଧୁର୍ଦୟାସିନ୍ଧୁଃ କୃପାଳୁଃ ଜନରକ୍ଷକଃ ॥ ୨॥ କମ୍ବୁପାଣିଃ ଚକ୍ରପାଣିଃ ପଦ୍ମନାଭୋ ନରୋତ୍ତମଃ । ଜଗତାଂ ପାଳକୋ ବ୍ୟାପୀ ସର୍ବବ୍ୟାପୀ ସୁରେଶ୍ୱରଃ ॥ ୩॥ ଲୋକରାଜୋ ଦେବରାଜଃ ଶକ୍ରୋ ଭୂପଶ୍ଚ ଭୂପତିଃ । ନୀଳାଦ୍ରିପତିନାଥଶ୍ଚ ଅନନ୍ତଃ ପୁରୁଷୋତ୍ତମଃ ॥ ୪॥ ତାର୍କ୍ଷ୍ୟୋଧ୍ୟାୟଃ କଳ୍ପତରୁଃ ବିମଳାପ୍ରୀତିବର୍ଦ୍ଧନଃ । ବଳଭଦ୍ରୋ ବାସୁଦେବୋ ମାଧବୋ ମଧୁସୂଦନଃ ॥ ୫॥ ଦୈତ୍ୟାରିଃ ପୁଣ୍ଡରୀକାକ୍ଷୋ ବନମାଳୀ ବଳପ୍ରିୟଃ । ବ୍ରହ୍ମା ବିଷ୍ଣୁଃ ବୃଷ୍ଣିବଂଶୋ ମୁରାରିଃ କୃଷ୍ଣକେଶବଃ ॥ ୬॥ ଶ୍ରୀରାମଃ ସଚ୍ଚିଦାନନ୍ଦୋ ଗୋବିନ୍ଦଃ ପରମେଶ୍ୱରଃ । ବିଷ୍ଣୁର୍ଜିଷ୍ଣୁର୍ମହାବିଷ୍ଣୁଃ ପ୍ରଭବିଷ୍ଣୁର୍ମହେଶ୍ୱରଃ ॥ ୭॥ ଲୋକକର୍ତ୍ତା ଜଗନ୍ନାଥୋ ମହାକର୍ତ୍ତା ମହାଯଶାଃ । ମହର୍ଷିଃ କପିଳାଚାର୍ଯ୍ୟୋ ଲୋକଚାରୀ ସୁରୋ ହରିଃ ॥ ୮॥ ଆତ୍ମା ଚ ଜୀବପାଳଶ୍ଚ ଶୂରଃ ସଂସାରପାଳକଃ । ଏକୋନୈକୋ ମମପ୍ରିୟୋ ବ୍ରହ୍ମବାଦୀ ମହେଶ୍ୱରଃ ॥ ୯॥ ଦ୍ୱିଭୁଜଶ୍ଚ ଚତୁର୍ବାହୁଃ ଶତବାହୁଃ ସହସ୍ରକଃ । ପଦ୍ମପତ୍ରବିଶାଳାକ୍ଷଃ ପଦ୍ମଗର୍ଭଃ ପରୋ ହରିଃ ॥ ୧୦॥ ପଦ୍ମହସ୍ତୋ ଦେବପାଳୋ ଦୈତ୍ୟାରିର୍ଦୈତ୍ୟନାଶନଃ । ଚତୁର୍ମୂର୍ତ୍ତିଶ୍ଚତୁର୍ବାହୁଶ୍ଚତୁରାନନସେବିତଃ ॥ ୧୧॥ ପଦ୍ମହସ୍ତଶ୍ଚକ୍ରପାଣିଃ ଶଙ୍ଖହସ୍ତୋ ଗଦାଧରଃ । ମହାବୈକୁଣ୍ଠବାସୀ ଚ ଲକ୍ଷ୍ମୀପ୍ରୀତିକରଃ ସଦା ॥ ୧୨॥ ବିଶ୍ୱନାଥଃ ପ୍ରୀତିଦଶ୍ଚ ସର୍ବଦେବପ୍ରିୟଂକରଃ । ବିଶ୍ୱବ୍ୟାପୀ ଦାରୁରୂପଶ୍ଚନ୍ଦ୍ରସୂର୍ଯ୍ୟବିଲୋଚନଃ ॥ ୧୩॥ ଗୁପ୍ତଗଙ୍ଗୋପଲବ୍ଧିଶ୍ଚ ତୁଳସୀପ୍ରୀତିବର୍ଦ୍ଧନଃ । ଜଗଦୀଶଃ ଶ୍ରୀନିବାସଃ ଶ୍ରୀପତିଃ ଶ୍ରୀଗଦାଗ୍ରଜଃ ॥ ୧୪॥ ସରସ୍ୱତୀମୂଳାଧାରଃ ଶ୍ରୀବତ୍ସଃ ଶ୍ରୀଦୟାନିଧିଃ । ପ୍ରଜାପତିଃ ଭୃଗୁପତିର୍ଭାର୍ଗବୋ ନୀଳସୁନ୍ଦରଃ ॥ ୧୫॥ ଯୋଗମାୟାଗୁଣାରୂପୋ ଜଗଦ୍ୟୋନୀଶ୍ୱରୋ ହରିଃ । ଆଦିତ୍ୟଃ ପ୍ରଳୟୋଦ୍ଧାରୀ ଆଦୌ ସଂସାରପାଳକଃ ॥ ୧୬॥ କୃପାବିଷ୍ଟଃ ପଦ୍ମପାଣିରମୂର୍ତ୍ତିର୍ଜଗଦାଶ୍ରୟଃ । ପଦ୍ମନାଭୋ ନିରାକାରଃ ନିର୍ଲିପ୍ତଃ ପୁରୁଷୋତ୍ତମଃ ॥ ୧୭॥ କୃପାକରଃ ଜଗଦ୍ୱ୍ୟାପୀ ଶ୍ରୀକରଃ ଶଙ୍ଖଶୋଭିତଃ । ସମୁଦ୍ରକୋଟିଗମ୍ଭୀରୋ ଦେବତାପ୍ରୀତିଦଃ ସଦା ॥ ୧୮॥ ସୁରପତିର୍ଭୂତପତିର୍ବ୍ରହ୍ମଚାରୀ ପୁରନ୍ଦରଃ । ଆକାଶବାୟୁମୂର୍ତ୍ତିଶ୍ଚ ବ୍ରହ୍ମମୂର୍ତ୍ତିର୍ଜଳେସ୍ଥିତଃ ॥ ୧୯॥ ବ୍ରହ୍ମା ବିଷ୍ଣୁର୍ଦୃଷ୍ଟିପାଳଃ ପରମୋଽମୃତଦାୟକଃ । ପରମାନନ୍ଦସମ୍ପୂର୍ଣ୍ଣଃ ପୁଣ୍ୟଦେବଃ ପରାୟଣଃ ॥ ୨୦॥ ଧନୀ ଚ ଧନଦାତା ଚ ଧନଗର୍ଭୋ ମହେଶ୍ୱରଃ । ପାଶପାଣିଃ ସର୍ବଜୀବଃ ସର୍ବସଂସାରରକ୍ଷକଃ ॥ ୨୧॥ ଦେବକର୍ତ୍ତା ବ୍ରହ୍ମକର୍ତ୍ତା ବଶିଷ୍ଠୋ ବ୍ରହ୍ମପାଳକଃ । ଜଗତ୍ପତିଃ ସୁରାଚାର୍ଯ୍ୟୋ ଜଗଦ୍ୱ୍ୟାପୀ ଜିତେନ୍ଦ୍ରିୟଃ ॥ ୨୨॥ ମହାମୂର୍ତ୍ତିର୍ବିଶ୍ୱମୂର୍ତ୍ତିର୍ମହାବୁଦ୍ଧିଃ ପରାକ୍ରମଃ । ସର୍ବବୀଜାର୍ଥଚାରୀ ଚ ଦ୍ରଷ୍ଟା ବେଦପତିଃ ସଦା ॥ ୨୩॥ ସର୍ବଜୀବସ୍ୟ ଜୀବଶ୍ଚ ଗୋପତିର୍ମରୁତାଂ ପତିଃ । ମନୋବୁଦ୍ଧିରହଂକାରକାମାଦିକ୍ରୋଧନାଶନଃ ॥ ୨୪॥ କାମଦେବଃ କାମପାଳଃ କାମାଙ୍ଗଃ କାମବଲ୍ଲଭଃ । ଶତ୍ରୁନାଶୀ କୃପାସିନ୍ଧୁଃ କୃପାଳୁଃ ପରମେଶ୍ୱରଃ ॥ ୨୫॥ ଦେବତ୍ରାତା ଦେବମାତା ଭ୍ରାତା ବନ୍ଧୁଃ ପିତା ସଖା । ବାଳବୃଦ୍ଧସ୍ତନୂରୂପୋ ବିଶ୍ୱକର୍ମା ବଳୋଽବଳଃ ॥ ୨୬॥ ଅନେକମୂର୍ତ୍ତିଃ ସତତଂ ସତ୍ୟବାଦୀ ସତାଂଗତିଃ । ଲୋକବ୍ରହ୍ମ ବୃହଦ୍ବ୍ରହ୍ମ ସ୍ଥୂଳବ୍ରହ୍ମ ସୁରେଶ୍ୱରଃ ॥ ୨୭॥ ଜଗଦ୍ୱ୍ୟାପୀ ସଦାଚାରୀ ସର୍ବଭୂତଶ୍ଚ ଭୂପତିଃ । ଦୁର୍ଗପାଳଃ କ୍ଷେତ୍ରନାଥୋ ରତୀଶୋ ରତିନାୟକଃ ॥ ୨୮॥ ବଳୀ ବିଶ୍ୱବଳାଚାରୀ ବଳଦୋ ବଳି-ବାମନଃ । ଦରହ୍ରାସଃ ଶରଚ୍ଚନ୍ଦ୍ରଃ ପରମଃ ପରପାଳକଃ ॥ ୨୯॥ ଅକାରାଦିମକାରାନ୍ତୋ ମଧ୍ୟୋକାରଃ ସ୍ୱରୂପଧୃକ୍ । ସ୍ତୁତିସ୍ଥାୟୀ ସୋମପାଶ୍ଚ ସ୍ୱାହାକାରଃ ସ୍ୱଧାକରଃ ॥ ୩୦॥ ମତ୍ସ୍ୟଃ କୂର୍ମୋ ବରାହଶ୍ଚ ନରସିଂହଶ୍ଚ ବାମନଃ । ପରଶୁରାମୋ ମହାବୀର୍ୟୋ ରାମୋ ଦଶରଥାତ୍ମଜଃ ॥ ୩୧॥ ଦେବକୀନନ୍ଦନଃ ଶ୍ରେଷ୍ଠୋ ନୃହରିଃ ନରପାଳକଃ । ବନମାଳୀ ଦେହଧାରୀ ପଦ୍ମମାଳୀ ବିଭୂଷଣଃ ॥ ୩୨॥ ମଲ୍ଲୀକାମାଳଧାରୀ ଚ ଜାତୀଯୂଥିପ୍ରିୟଃ ସଦା । ବୃହତ୍ପିତା ମହାପିତା ବ୍ରାହ୍ମଣୋ ବ୍ରାହ୍ମଣପ୍ରିୟଃ ॥ ୩୩॥ କଳ୍ପରାଜଃ ଖଗପତିର୍ଦେବେଶୋ ଦେବବଲ୍ଲଭଃ । ପରମାତ୍ମା ବଳୋ ରାଜ୍ଞାଂ ମାଙ୍ଗଲ୍ୟଂ ସର୍ବମଙ୍ଗଳଃ ॥ ୩୪॥ ସର୍ବବଳୋ ଦେହଧାରୀ ରାଜ୍ଞାଂ ଚ ବଳଦାୟକଃ । ନାନାପକ୍ଷିପତଙ୍ଗାନାଂ ପାବନଃ ପରିପାଳକଃ ॥ ୩୫॥ ବୃନ୍ଦାବନବିହାରୀ ଚ ନିତ୍ୟସ୍ଥଳବିହାରକଃ । କ୍ଷେତ୍ରପାଳୋ ମାନବଶ୍ଚ ଭୁବନୋ ଭବପାଳକଃ ॥ ୩୬॥ ସତ୍ତ୍ୱଂ ରଜସ୍ତମୋବୁଦ୍ଧିରହଙ୍କାରପରୋଽପି ଚ । ଆକାଶଂଗଃ ରବିଃ ସୋମୋ ଧରିତ୍ରୀଧରଣୀଧରଃ ॥ ୩୭॥ ନିଶ୍ଚିନ୍ତୋ ଯୋଗନିଦ୍ରଶ୍ଚ କୃପାଳୁଃ ଦେହଧାରକଃ । ସହସ୍ରଶୀର୍ଷା ଶ୍ରୀବିଷ୍ଣୁର୍ନିତ୍ୟୋ ଜିଷ୍ଣୁର୍ନିରାଳୟଃ ॥ ୩୮॥ କର୍ତ୍ତା ହର୍ତ୍ତା ଚ ଧାତା ଚ ସତ୍ୟଦୀକ୍ଷାଦିପାଳକଃ । କମଳାକ୍ଷଃ ସ୍ୱୟମ୍ଭୂତଃ କୃଷ୍ଣବର୍ଣୋ ବନପ୍ରିୟଃ ॥ ୩୯॥ କଳ୍ପଦ୍ରୁମଃ ପାଦପାରିଃ କଲଳ୍ପକାରୀ ସ୍ୱୟଂ ହରିଃ । ଦେବାନାଂ ଚ ଗୁରୁଃ ସର୍ବଦେବରୂପୋ ନମସ୍କୃତଃ ॥ ୪୦॥ ନିଗମାଗମଚାରୀ ଚ କୃଷ୍ଣଗମ୍ୟଃ ସ୍ୱୟଂୟଶଃ । ନାରାୟଣୋ ନରାଣାଂ ଚ ଲୋକାନାଂ ପ୍ରଭୁରୁତ୍ତମଃ ॥ ୪୧॥ ଜୀବାନାଂ ପରମାତ୍ମା ଚ ଜଗଦ୍ୱନ୍ଦ୍ୟଃ ପରୋ ଯମଃ । ଭୂତାବାସୋ ପରୋକ୍ଷଶ୍ଚ ସର୍ବବାସୀ ଚରାଶ୍ରୟଃ ॥ ୪୨॥ ଭାଗୀରଥୀ ମନୋବୁଦ୍ଧିର୍ଭବମୃତ୍ୟୁଃ ପରିସ୍ଥିତଃ । ସଂସାରପ୍ରଣୟୀ ପ୍ରୀତଃ ସଂସାରରକ୍ଷକଃ ସଦା ॥ ୪୩॥ ନାନାବର୍ଣ୍ଣଧରୋ ଦେବୋ ନାନାପୁଷ୍ପବିଭୂଷଣଃ । ନନ୍ଦଧ୍ୱଜୋ ବ୍ରହ୍ମରୂପୋ ଗିରିବାସୀ ଗଣାଧିପଃ ॥ ୪୪॥ ମାୟାଧରୋ ବର୍ଣ୍ଣଧାରୀ ଯୋଗୀଶଃ ଶ୍ରୀଧରୋ ହରିଃ । ମହାଜ୍ୟୋତିର୍ମହାବୀର୍ଯ୍ୟୋ ବଳବାଂଶ୍ଚ ବଳୋଦ୍ଭବଃ ॥ ୪୫॥ ଭୂତକୃତ୍ ଭବନୋ ଦେବୋ ବ୍ରହ୍ମଚାରୀ ସୁରାଧିପଃ । ସରସ୍ୱତୀ ସୁରାଚାର୍ଯ୍ୟଃ ସୁରଦେବଃ ସୁରେଶ୍ୱରଃ ॥ ୪୬॥ ଅଷ୍ଟମୂର୍ତ୍ତିଧରୋ ରୁଦ୍ର ଇଚ୍ଛାମୂର୍ତ୍ତିଃ ପରାକ୍ରମଃ । ମହାନାଗପତିଶ୍ଚୈବ ପୁଣ୍ୟକର୍ମା ତପଶ୍ଚରଃ ॥ ୪୭॥ ଦିନପୋ ଦୀନପାଳଶ୍ଚ ଦିବ୍ୟସିଂହୋ ଦିବାକରଃ । ଅନଭୋକ୍ତା ସଭୋକ୍ତା ଚ ହବିର୍ଭୋକ୍ତା ପରୋଽପରଃ ॥ ୪୮॥ ମନ୍ତ୍ରଦୋ ଜ୍ଞାନଦାତା ଚ ସର୍ବଦାତା ପରୋ ହରିଃ । ପରର୍ଦ୍ଧିଃ ପରଧର୍ମା ଚ ସର୍ବଧର୍ମନମସ୍କୃତଃ ॥ ୪୯॥ କ୍ଷମାଦଶ୍ଚ ଦୟାଦଶ୍ଚ ସତ୍ୟଦଃ ସତ୍ୟପାଳକଃ । କଂସାରିଃ କେଶିନାଶୀ ଚ ନାଶନୋ ଦୁଷ୍ଟନାଶନଃ ॥ ୫୦॥ ପାଣ୍ଡବପ୍ରୀତିଦଶ୍ଚୈବ ପରମଃ ପରପାଳକଃ । ଜଗଦ୍ଧାତା ଜଗତ୍କର୍ତ୍ତା ଗୋପଗୋବତ୍ସପାଳକଃ ॥ ୫୧॥ ସନାତନୋ ମହାବ୍ରହ୍ମ ଫଳଦଃ କର୍ମଚାରିଣାମ୍ । ପରମଃ ପରମାନନ୍ଦଃ ପରର୍ଦ୍ଧିଃ ପରମେଶ୍ୱରଃ ॥ ୫୨॥ ଶରଣଃ ସର୍ବଲୋକାନାଂ ସର୍ବଶାସ୍ତ୍ରପରିଗ୍ରହଃ । ଧର୍ମକୀର୍ତ୍ତିର୍ମହାଧର୍ମୋ ଧର୍ମାତ୍ମା ଧର୍ମବାନ୍ଧବଃ ॥ ୫୩॥ ମନଃକର୍ତ୍ତା ମହାବୁଦ୍ଧିର୍ମହାମହିମଦାୟକଃ । ଭୂର୍ଭୁବଃ ସ୍ୱୋ ମହାମୂର୍ତ୍ତିଃ ଭୀମୋ ଭୀମପରାକ୍ରମଃ ॥ ୫୪॥ ପଥ୍ୟଭୂତାତ୍ମକୋ ଦେବଃ ପଥ୍ୟମୂର୍ତ୍ତିଃ ପରାତ୍ପରଃ । ବିଶ୍ୱାକାରୋ ବିଶ୍ୱଗର୍ଭଃ ସୁରାମନ୍ଦୋ ସୁରେଶ୍ୱରଃ ॥ ୫୫॥ ଭୁବନେଶଃ ସର୍ବବ୍ୟାପୀ ଭବେଶଃ ଭବପାଳକଃ । ଦର୍ଶନୀୟଶ୍ଚତୁର୍ବେଦଃ ଶୁଭାଙ୍ଗୋ ଲୋକଦର୍ଶନଃ ॥ ୫୬॥ ଶ୍ୟାମଳଃ ଶାନ୍ତମୂର୍ତ୍ତିଶ୍ଚ ସୁଶାନ୍ତଶ୍ଚତୁରୋତ୍ତମଃ । ସାମପ୍ରୀତିଶ୍ଚ ଋକ୍ ପ୍ରୀତିର୍ଯଜୁଷୋଽଥର୍ବଣପ୍ରିୟଃ ॥ ୫୭॥ ଶ୍ୟାମଚନ୍ଦ୍ରଶ୍ଚତୁମୂର୍ତ୍ତିଶ୍ଚତୁର୍ବାହୁଶ୍ଚତୁର୍ଗତିଃ । ମହାଜ୍ୟୋତିର୍ମହାମୂର୍ତ୍ତିର୍ମହାଧାମା ମହେଶ୍ୱରଃ ॥ ୫୮॥ ଅଗସ୍ତିର୍ବରଦାତା ଚ ସର୍ବଦେବପିତାମହଃ । ପ୍ରହ୍ଲାଦସ୍ୟ ପ୍ରୀତିକରୋ ଧ୍ରୁବାଭିମାନତାରକଃ ॥ ୫୯॥ ମଣ୍ଡିତଃ ସୁତନୁର୍ଦାତା ସାଧୁଭକ୍ତିପ୍ରଦାୟକଃ । ଓଁକାରଶ୍ଚ ପରଂବ୍ରହ୍ମ ଓଁ ନିରାଳଂବନୋ ହରିଃ ॥ ୬୦॥ ସଦ୍ଗତିଃ ପରମୋ ହଂସୋ ଜୀବାତ୍ମା ଜନନାୟକଃ । ମନଶ୍ଚିନ୍ତ୍ୟଶ୍ଚିତ୍ତହାରୀ ମନୋଜ୍ଞଶ୍ଚାପଧାରକଃ ॥ ୬୧॥ ବ୍ରାହ୍ମଣୋ ବ୍ରହ୍ମଜାତୀନାମିନ୍ଦ୍ରିୟାଣାଂ ଗତିଃ ପ୍ରଭୁଃ । ତ୍ରିପାଦାଦୂର୍ଦ୍ଧ୍ୱସମ୍ଭୂତୋ ବିରାଟ୍ ଚୈବ ସୁରେଶ୍ୱରଃ ॥ ୬୨॥ ପରାତ୍ପରଃ ପରଃ ପାଦଃ ପଦ୍ମସ୍ଥଃ କମଳାସନଃ । ନାନାସନ୍ଦେହବିଷୟସ୍ତତ୍ତ୍ୱଜ୍ଞାନାଭିନିବୃତଃ ॥ ୬୩॥ ସର୍ବଜ୍ଞଶ୍ଚ ଜଗଦ୍ବନ୍ଧୁର୍ମନୋଜଜ୍ଞାତକାରକଃ । ମୁଖସଂଭୂତବିପ୍ରସ୍ତୁ ବାହସମ୍ଭୂତରାଜକଃ ॥ ୬୪॥ ଊରୋବୈଶ୍ୟଃ ପଦୋଭୂତଃ ଶୂଦ୍ରୋ ନିତ୍ୟୋପନିତ୍ୟକଃ । ଜ୍ଞାନୀ ମାନୀ ବର୍ଣ୍ଣଦଶ୍ଚ ସର୍ବଦଃ ସର୍ବଭୂଷିତଃ ॥ ୬୫॥ ଅନାଦିବର୍ଣ୍ଣସନ୍ଦେହୋ ନାନାକର୍ମୋପରିସ୍ଥିତଃ । ଶୁଦ୍ଧାଦିଧର୍ମସନ୍ଦେହୋ ବ୍ରହ୍ମଦେହଃ ସ୍ମିତାନନଃ ॥ ୬୬॥ ଶଂବରାରିର୍ବେଦପତିଃ ସୁକୃତଃ ସତ୍ତ୍ୱବର୍ଦ୍ଧନଃ । ସକଳଂ ସର୍ବଭୂତାନାଂ ସର୍ବଦାତା ଜଗନ୍ମୟଃ ॥ ୬୭॥ ସର୍ବଭୂତହିତୈଷୀ ଚ ସର୍ବପ୍ରାଣିହିତେ ରତଃ । ସର୍ବଦା ଦେହଧାରୀ ଚ ବଟକୋ ବଟୁଗଃ ସଦା ॥ ୬୮॥ ସର୍ବକର୍ମବିଧାତା ଚ ଜ୍ଞାନଦଃ କରୁଣାତ୍ମକଃ । ପୁଣ୍ୟସମ୍ପତ୍ତିଦାତା ଚ କର୍ତ୍ତା ହର୍ତ୍ତା ତଥୈବ ଚ ॥ ୬୯॥ ସଦା ନୀଳାଦ୍ରିବାସୀ ଚ ନତାସ୍ୟଶ୍ଚ ପୁରନ୍ଦରଃ । ନରୋ ନାରାୟଣୋ ଦେବୋ ନିର୍ମଳୋ ନିରୁପଦ୍ରବଃ ॥ ୭୦॥ ବ୍ରହ୍ମାଶମ୍ଭୁଃ ସୁରଶ୍ରେଷ୍ଠଃ କମ୍ବୁପାଣିର୍ବଲୋଽର୍ଜୁନଃ । ଜଗଦ୍ଧାତା ଚିରାୟୁଶ୍ଚ ଗୋବିନ୍ଦୋ ଗୋପବଲ୍ଲଭଃ ॥ ୭୧॥ ଦେବୋ ଦେବୋ ମହାବ୍ରହ୍ମ ମହାରାଜୋ ମହାଗତିଃ । ଅନନ୍ତୋ ଭୂତନାଥଶ୍ଚ ଅନନ୍ତଭୂତସମ୍ଭବଃ ॥ ୭୨॥ ସମୁଦ୍ରପର୍ବତାନାଂ ଚ ଗନ୍ଧର୍ବାଣାଂ ତଥାଽଽଶ୍ରୟଃ । ଶ୍ରୀକୃଷ୍ଣୋ ଦେବକୀପୁତ୍ରୋ ମୁରାରିର୍ବେଣୁହସ୍ତକଃ ॥ ୭୩॥ ଜଗତ୍ସ୍ଥାୟୀ ଜଗଦ୍ୱ୍ୟାପୀ ସର୍ବସଂସାରଭୂତିଦଃ । ରତ୍ନଗର୍ଭୋ ରତ୍ନହସ୍ତୋ ରତ୍ନାକରସୁତାପତିଃ ॥ ୭୪॥ କନ୍ଦର୍ପରକ୍ଷାକାରୀ ଚ କାମଦେବପିତାମହଃ । କୋଟିଭାସ୍କରସଂଜ୍ୟୋତିଃ କୋଟିଚନ୍ଦ୍ରସୁଶୀତଳଃ ॥ ୭୫॥ କୋଟିକନ୍ଦର୍ପଲାବଣ୍ୟଃ କାମମୂର୍ତ୍ତିର୍ବୃହତ୍ତପଃ । ମଥୁରାପୁରବାସୀ ଚ ଦ୍ୱାରିକୋ ଦ୍ୱାରିକାପତିଃ ॥ ୭୬॥ ବସନ୍ତଋତୁନାଥଶ୍ଚ ମାଧବଃ ପ୍ରୀତିଦଃ ସଦା । ଶ୍ୟାମବନ୍ଧୁର୍ଘନଶ୍ୟାମୋ ଘନାଘନସମଦ୍ୟୁତିଃ ॥ ୭୭॥ ଅନନ୍ତକଳ୍ପବାସୀ ଚ କଳ୍ପସାକ୍ଷୀ ଚ କଳ୍ପକୃତ୍ । ସତ୍ୟନାଥଃ ସତ୍ୟଚାରୀ ସତ୍ୟବାଦୀ ସଦାସ୍ଥିତଃ ॥ ୭୮॥ ଚତୁର୍ମୂର୍ତ୍ତିଶ୍ଚତୁର୍ବାହୁଶ୍ଚତୁର୍ଯୁଗପତିର୍ଭବଃ । ରାମକୃଷ୍ଣୋ ଯୁଗାନ୍ତଶ୍ଚ ବଳଭଦ୍ରୋ ବଳୋ ବଳୀ ॥ ୭୯॥ ଲକ୍ଷ୍ମୀନାରାୟଣୋ ଦେବଃ ଶାଳଗ୍ରାମଶିଳାପ୍ରଭୁଃ । ପ୍ରାଣୋଽପାନଃ ସମାନଶ୍ଚୋଦାନବ୍ୟାନୌ ତଥୈବ ଚ ॥ ୮୦॥ ପଞ୍ଚାତ୍ମା ପଞ୍ଚତତ୍ତ୍ୱଂ ଚ ଶରଣାଗତପାଳକଃ । ଯତ୍କିଂଚିତ୍ ଦୃଶ୍ୟତେ ଲୋକେ ତତ୍ସର୍ବଂ ଜଗଦୀଶ୍ୱରଃ ॥ ୮୧॥ ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ । ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ । ଜଗଦୀଶୋ ମହଦ୍ବ୍ରହ୍ମ ଜଗନ୍ନାଥାୟ ତେ ନମଃ । ॥ ଇତି ଶ୍ରୀଜଗନ୍ନାଥସହସ୍ରନାମସ୍ତୋତ୍ରମ୍ ॥ ଅଥ ଶ୍ରୀଜଗନ୍ନାଥସହସ୍ରନାମ ମାହାତ୍ମ୍ୟମ୍ । ଏବଂ ନାମସହସ୍ରେଣ ସ୍ତବୋଽୟଂ ପଠ୍ୟତେ ଯଦି । ପାଠଂ ପାଠୟତେ ଯସ୍ତୁ ଶୃଣୁୟାଦପି ମାନବଃ ॥ ୧॥ ସହସ୍ରାଣାଂ ଶତେନୈବ ଯଜ୍ଞେନ ପରିପୂଜ୍ୟତେ । ଯତ୍ପୁଣ୍ୟଂ ସର୍ବତୀର୍ଥେଷୁ ବେଦେଷୁ ଚ ବିଶେଷତଃ ॥ ୨॥ ତତ୍ପୁଣ୍ୟଂ କୋଟିଗୁଣିତଂ ଅଚିରାଲ୍ଲଭତେ ନରଃ । ଜଗନ୍ନାଥସ୍ୟ ନାମାନି ପୁଣ୍ୟାନି ସଫଳାନି ଚ ॥ ୩॥ ବିଦ୍ୟାର୍ଥୀ ଲଭତେ ବିଦ୍ୟାଂ ଯୋଗାର୍ଥୀ ଯୋଗମାପ୍ନୁୟାତ୍ । କନ୍ୟାର୍ଥୀ ଲଭତେ କନ୍ୟାଂ ଜୟାର୍ଥୀ ଲଭତେ ଜୟମ୍ ॥ ୪॥ କାମାର୍ଥୀ ଲଭତେ କାମଂ ପୁତ୍ରାର୍ଥୀ ଲଭତେ ସୁତମ୍ । କ୍ଷତ୍ରିୟାଣାଂ ପ୍ରୟୋଗେଣ ସଂଗ୍ରାମେ ଜୟଦଃ ସଦା ॥ ୫॥ ବୈଶ୍ୟାନାଂ ସର୍ବଧର୍ମଃ ସ୍ୟାଚ୍ଛୂଦ୍ରାଣାଂ ସୁଖମେଧତେ । ସାଧୂନାଂ ପଠତୋ ନିତ୍ୟଂ ଜ୍ଞାନଦଃ ଫଳଦସ୍ତଥା ॥ ୬॥ ନାଽପବାଦଂ ନ ଦୁଃଖଂ ଚ କଦା ଚ ଲଭତେ ନରଃ । ସର୍ବସୌଖ୍ୟଂ ଫଳଂ ପ୍ରାପ୍ୟ ଚିରଂଜୀବୀ ଭବେନ୍ନରଃ ॥ ୭॥ ଶୃଣୁ ରାଜନ୍ ମହାବାହୋ ମହିମାନଂ ଜଗତ୍ପତେଃ । ଯସ୍ୟ ସ୍ମରଣମାତ୍ରେଣ ସର୍ବପାପୈଃ ପ୍ରମୁଚ୍ୟତେ ॥ ୮॥ ଜଗନ୍ନାଥଂ ଲୋକନାଥଂ ପଠତେ ଯଃ ସଦା ଶୁଚିଃ । କଳିକାଲୋଦ୍ଭବଂ ପାପଂ ତତ୍କ୍ଷଣାତ୍ତସ୍ୟ ନଶ୍ୟତି ॥ ୯॥ ଇତି ଶ୍ରୀବ୍ରହ୍ମପୁରାଣେ ଭୀଷ୍ମ-ଯୁଧିଷ୍ଠିର-ସଂବାଦେ ଶ୍ରୀଜଗନ୍ନାଥ ସହସ୍ରନାମସ୍ତୋତ୍ରଂ ସମାପ୍ତମ୍ ॥