لغمان؛ په الينګار ولسوالۍ کې د ۱۲ لوبډلو ترمنځ د واليبال سيالۍ پای ته ورسېدې يکشنبه، د کب پنځمه، ۱۴۰۳ د لغمان ولایت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت د الينګار ولسوالۍ په نيازي شيخانو کلي کې د ۱۲ لوبډلو ترمنځ د واليبال سيالۍ د کندې منتخبې لوبډلې په اتلولۍ پای ته ورسېدې. د يادو سياليو په پايلوبه کې د کندې منتخبې لوبډلې خپلې سیالې عاطف کلب لوبډلې ته د ۳/۰ ميدانونو په توپير سره ماتې ورکړه او اتلولي يې وګټله. د يادو سياليو موخه ورزش ته د ځوانانو هڅول و، چې ۱۴ ورځې يې دوام وکړ، په پای کې غوره لوبغاړو ته کپونه، مډالونه او ستاينليکونه ورکړل شول.