إستراتيجية الجيش في مواجهة التمرد: الحسم في الخرطوم والاستعداد للمعركة الكبرى ما في أي سبب يخلي عناصر التمرد يكونوا في أحياء القادسية، الجريفات، أم دوم، النصر، والهدى، خاصة وإنهم محاصرين من كل الاتجاهات، وما عندهم منفذ غير كبري المنشية من الناحية الغربية. واضح جداً إنو قادتهم فكوهم عكس الهوا وخلّوهم يواجهوا مصيرهم مع الجيش، والضغط عليهم ماشي ومستمر بدون توقف. ده بوري إنو الجماعة ديل كانوا عايزين يستغلوا الجنود ديل في مناوشات جوة العاصمة عشان يطوّلوا الحرب ويشغلوا الجيش بجبهة تانية، يمكن تكون دارفور. عشان كده، الخيار الأفضل للجيش هو يواصل في دكّ قوات الجنجويد سريع، ويفرغ الخرطوم منهم تماماً عشان يستعد للمعركة الكبيرة الجاية في دارفور. ✅ الجيش يسيطر على حلة كوكو ويتقدم ناحية الفيحاء، النصر، وكبري المنشية. ✅ جيش القيادة داخل أحياء بري وقريب من كبري المنشية. ✅ الحصار بقى كامل على الخرطوم بعد وصول الجيش ودرع السودان لكبري سوبا والسيطرة عليه تماماً، مع اقتراب قوات القيادة العامة، بحري وشرق النيل من كبري المنشية. العمليات في السوق العربي شغالة بقوة والجيش قرب يوصل القصر الجمهوري بعد ما حاصر السوق العربي بالكامل. ✅ في نفس الوقت، الاستعدادات ماشية لتحرير باقي الجزيرة والنيل الأبيض، خاصة الجديد، الباقير، سوبا غرب، وجبل أولياء، مع تحركات قوية من القطينة وجياد. ✅ الجنجويد هجموا على قرية العشرة في محلية أم رمتة شمال غرب النيل الأبيض مرتين اليوم، نهبوا القرية وطردوا أهلها منها. تابع قناة السودان علي الواتساب https://whatsapp.com/channel/0029Vb2jDpaIXnlnpxUJ5a1x تابع قناة السودان علي تلغرام https://t.me/sudaaan