Salam Watandar
February 19, 2025 at 05:49 AM
قطر تشقی ایشلر وزیرلیگی، غزهده آتیش کېسین برقرار اېتیلیشی اوچون مذاکرهلرنینگ ایکّینچی باسقیچی حاضرگچه رسمی طرزده باشلنمهگنینی معلوم قیلگن.
تورکیه آنادولی یېتکرمهسی، ۳۰-دلو، سهشنبه کونی قطر تشقی ایشلر وزیرلیگیدن نقل قیلیب یازیشیچه، غزهده آتیش کېسین برقرار اېتیلیشی، حماس و اسرائیل اورتهسیده محبوسلر المشتیریلیشی اوچون مذاکرهلرنینگ ایکّینچی باسقیچی حاضرگچه باشلنمهگن.
قطر تشقی ایشلر وزیرلیگی سۉزلاوچیسی ماجدالانصاری، دوحهده هفتهلیک مطبوعاتی ییغیلیشده، مذاکرهلر باشلنیشی و نهایت آتیش کېسین دوام تاپیشی اوچون آلیب باریلهیاتگن سعی-حرکتلرنی قۉللب-قوتلشلرینی معلوم قیلگن.
اونینگ کوپهیتیریشیچه: «مذاکرهلر باشلنیشی و نهایت آتیش کېسین دوام تاپیشی اوچون آلیب باریلهیاتگن سعی-حرکتلرنی قۉللب-قوتلهیمیز. هیئتلر کېلیب-کېتماقده و مذاکرهلر حاضرگچه رسمی طرزده باشلنمهگن و تیزلیک بیلن باشلنیش گه امیدوارمیز.»
معلوماتلر اساسیده، بوتوغریده مثبت اوزگریشلر بار لېکن بو مذاکرهلر رسمی طرزده باشلنمهگن.