Salam Watandar
February 27, 2025 at 06:20 AM
روسیه مدافعه وزیرلیگی، اوکراین اردوسی گه عاید ۱۲۸ اوچووچی‌سیز اوچاق، اوشبو مملکت تامانیدن اوریب توشیریلگنینی معلوم قیلگن.
تورکیه آنادولو یېتکرمه‌سی روسیه مدافعه وزیرلیگی‌دن نقل قیلیب یازیشیچه، اوکراین اردوسی ۸-حوت، چهارشنبه کون ۱۲۸ اوچووچی‌سیز اوچاق بیلن روسیه‌نینگ تورلی حدودلری گه هجوم قیلیب و اولرنینگ برچه‌سی بو مملکت اردوسی تامانیدن اوریب توشیریلگن.
مذکور وزیرلیک‌نینگ کوپه‌یتیریشیچه، بو ۱۲۸ اوچووچی‌سیز اوچاق‌لردن ۸۳ ته‌سی کراسنودار، بیرته‌سی بریانسک، بیرته‌سی کورسک، ۳۰ ته‌سی کریمه، سکیزته‌سی آزوف و باشقه بیش ته‌سی قاره دینگیزده اوریب توشیریلگن.
امریکا و روسیه وکیللری، اوکراین اوروشی گه چېک قوییب و بو مملکت‌ده دایمی صلح برقرار اېتیلیشی اوچون مذاکره قیلماقده اېکن، ایکّی مملکت بیر-بیری گه قرشی هجوملرینی کوچه‌یتیریب و روسیه اردوسی اوکراین‌نینگ تورلی منطقه‌لرینی باسیب آلماقده.