*‏د ااا ویاند مولوي ذبیح الله مجاهد د یو سپېس لنډېز🌹* مونږ درې میلیونه معتادین لرل، چې د اکثرو علاج شوی او خپلو کورونو ته لیږل شوي. د کابل او کندهار سرک چې دومره لويه پروژه تکمېلېږي؛ د افغانانو پۀ لاس ۵۰۰ کيلو متره سرک لويه لار جوړېږي. د سيمنټو پۀ برخه کې پۀ جبل السراج او غوري فابريکو ترڅنګ بېلابېلو تجارانو د فابريکو جوړول لويه اقتصادي لاسته راوړنه ده. په ټول هېواد کې ۶ نیم لکه کونډې، یتمیان او معيوبين لرو چې دوی ته اسلامي امارت په کال کې ۱۲ میلیارده افغانۍ ورکول کېږي. سرپل ولايت کې د قشقرې د تېلو استخراج کار عملاً روان دی. هلې ځلې روانې دي، چې د پروسس لپاره يې لارې چارې ولټول شي. دومره تېل استخراجېږي، چې هلته ذخېرې يې حتی د ځايولو ظرفيت نۀ لري. د ټرمپ راتګ او وسلو وړلو خوب دې هم څوک نه ویني. چين د افغانستان سره د سرک لۀ لارې وصل شو، همدا ترانزيټي لار يو لوی تحول دی. په لومړي ځل حکومت مهاجرین په موټرونو کې خپلو کورونو ته ورسول. د قوش‌تپې کانال ۵ کلنه پروژه؛ ۸ ميليونه جريبه ځمکه به خړوبوي. دا د ااا لويه اقتصادي لاسته راوړنه ده. د درې کلنې بوديجې لۀ خپلو داخلي منابعو برابرول؛ لویه لاسته راوړنه ده. ټاپي، ټاپ، فايبر نوري او نورې لويې پروژې هغه څۀ دي، چې عملاً يې چارې روانې دي. د وچکالیو د مخنیوي په موخه اسلامي امارت د هېواد په کچه په ولسوالیو کې په لوړ شمېر چکډمونه جوړ کړي، چې ډېر یې کټې اخیستنې ته سپارل شوي او د نورو کارونه روان دي. ټول ملت دې اندېښنه نه کوي، چې د امارت مشرانو په کچه به اختلافات موجود وي، ځکه د ااا د تحریک پیل د اختلاف او داخلي جګړو پر ضد شوی دی او تر بل هر چا د اتحاد په ارزښت خوند پوه دی. دا آرمان به د هیچا نۀ شي پوره، چې دلته به د اختلافاتو لۀ امله موږ ځو او بل څوک به راځي. د ا.ا.ا مالیې وزارت تېر کال د عادي بوديجې تر څنګ ۵۵۵ انکشافي پروژې هم له داخلي عوایدو تمویل کړي دي، چې اکثره یې مکمل شوې دي. تېرې ادارې د بهرنيو پراخو مرستو باوجود د ۹ لکه مأمورينو معاش ورکاوۀ؛ مونږ لله الحمد يو ميليون او څلوېښت زره مأمورينو ته د خپلې سوچه افغانۍ بوديجې پۀ خپل وخت معاشات ورکوو. د اسلامي امارت په راتګ 1500 کارخونو تولید پیل کړی دی. 800 اوس د فعالېدو په حال کې دي. د هېواد په هرې ولسوالۍ کې يو ٣٠ بستريز روغتون افتتاح شو. برېښنا به 24 ساعته شي، ڪار پرې روان ده. البته دا مې بېلابېل پوسټونه کاپي او نشر کړل.