زمان كنت بستغرب لما أشوف حد إلتزم ، وفجأة كلامه يتحول ل السلام عليكم ، جزاكم الله خيرًا ، اللهم بارك.. وهكذا كنت بقول ما هى صباح الخير مش حرام يعنى! وشكرًا كلمة جميلة ، ليه يغيرهم مادام مفهمش حرمانية؟!! بعدين فهمت! مش قصة حرمانية.. قصة حلاوة فى القلب قبل اللسان قصة إن اتباع السُنة أولى حتى لو غيرها مش حرام.. إنك تتشبه بأسياد الدنيا اللى كان ده كلامهم ، دى حاجة بتخلى قلبك سعيد.. إن شكرًا جميلة ، لكن اللى يقول لأخيه جزاك الله خيرًا فقد أبلغ فى الثناء كما جاء فى الحديث الصحيح إن السلام عليكم ورحمة الله وبركاته مش تحية بس ، تحية ودعاء وحسنات.. 30 حسنة والله يضاعف لمن يشاء تحية بتاعتنا إحنا بس ، مش زى صباح الخير وهاى بتاعة كل الدنيا.. مش قصة ألفاظ ، قصة هوية بيعتز بيها. الحمد لله على نعمة الإسلام.