سلام عليكم الكل يعرف او قد سمع في مؤتمر ليب ولاكن ماهو عارف ايش يعني ليب بالضبط وبما انه قرب موعده بنتكلم عنه شوي وراح اذكر تجارب من قد حالفهم الحظ وراحوه 🚨 ‏ليش تروح ليب؟ ‏وكيف تطلع بأكبر قدر من الفائدة؟ اولا: المعرض كبير جدا ومقره(ملهم) في برا الرياض تقريبا وفي باصات تردديه ايضا انصح بالباصات واعتقد مقرها عند الابراج الماليه بجوار فندق هيلتون ثانيا: ممكن اول م تدخّل المؤتمر تواجهك شركه عندها نقص في مجالك انت وبمجرد م تقول انا مثلا سكيورتي او UI/UX يكون يحتاجك ف ياخذ بياناتك فحاول تكون جاهز وتجهز لك بزنس كارد بطريقتك وتكون فيها بياناتك https://blinq.me/AkiJhjvU5ou60FOrC315 ثالثا: اكبر نصيحه لك اذا عزمت على الروحه تتوكل على الله ثم تكون مبادر حاول تكون مبادر قد م تقدر انت اذا بادرت انت مو بجيح انت تبي تتعلم خش على كل شي واسال وتعلم واستفيد واذا عندك تدريب روح دور على افضل شركه عجبتك وقلهم انا ابي اتدرب عندكم ‏اخيراً: حاول تكوّن علاقات ‏لا تحاول تشوف الشركات الي تعرفها بس، حاول تروح شركات شكلها جديد او غريب ويجذب و حاول تكلم الرايح و الجاي وتاخذ خبرات منهم و مهما كان شكله او جنسه وفالختام الله يوفقكم ان شاءالله ومتقابلين هناك❤️❤️