రోజూ గుర్తు చేసుకోవాల్సిన జ్ఞాన సూత్రాలు మన జీవితంలోని 5 ప్రధాన అంశాలు - ఆరోగ్యం, డబ్బు, బాంధవ్యాలు, ఉద్యోగం మరియు ఆధ్యాత్మిక ముక్తి. మనం సాధారణంగా వీటిలో ఏదో ఒక అంశానికి(ఆరోగ్యం లేక డబ్బు) మాత్రమే ప్రాధాన్యత ఇస్తూ, ఇతర అంశాలను పక్కన పెడతున్నాము. మనం ఆరోగ్యంగా లేకపోతే అది అన్ని ఇతర విషయాలను ప్రభావితం చేస్తుంది. అందుకే ఆరోగ్యం, డబ్బులు, బాంధవ్యాలు, ఉద్యోగం మరియు ఆధ్యాత్మిక ముక్తి - ఈ ఐదు అంశాలు సరియైన సమన్వయంతో పని చేయాలి. అప్పుడు మాత్రమే మనం మన లక్ష్యాలను సాధించగలుగుతాము. ఈ ఐదు అంశాలు సంతులితంగా ఉన్నప్పుడు మాత్రమే మీరు భూమి మీద నిజమైన ఆనందకరమైన జీవితాన్ని అనుభవిస్తారు. ఈ క్రింద సూచించిన జ్ఞాన సూత్రాలను - ప్రతి ఉదయం లేవగానే, రాత్రి పడుకోబోయే ముందు మరియు ధ్యాన సమయంలో హృదయపూర్వకంగా విశ్వాసంతో చదవడం ద్వారా, మీరు పరమాత్మ యొక్క దివ్యమైన ఆశీస్సులను పొందుతారు, అలాగే మీ సంకల్పాలు మరియు మీ కోరికలు సులభంగా నెరవేరుతాయి. ఆరోగ్యం, బాంధవ్యాలు, ఉద్యోగం, డబ్బు మరియు విముక్తి అనే ఐదు రంగాల మధ్య సమన్వయాన్ని కలిగించే జ్ఞాన సూత్రాలు: 1. దివ్యమైన ఆరోగ్యం ఓ విశ్వమా! నా జీవితంలో దివ్యంగా పొంగిపొర్లుతున్న అనంత సమృద్ధికి ధన్యవాదాలు. నేను పరిపూర్ణ ఆరోగ్యంతో ఉంటూ - నిశ్చలంగా, ప్రశాంతంగా జీవశక్తిని మరియు దైవబలాన్ని అన్నివైపులా ప్రసరింపజేస్తున్నాను. నా శరీరాన్ని పవిత్ర ఆలయంగా గౌరవిస్తున్నాను. అలాగే దానిని ప్రేమ, సమతుల్యత మరియు ఆనందంతో పోషిస్తున్నాను. నాలో ప్రవహించే శాశ్వతమైన వైద్య శక్తికి నేను లోతుగా అనుసంధానమై ఉన్నాను. నా ఎదుగుదలకు ఉపయోగపడే, నా శ్రేయస్సును పెంపొందించే అన్ని రకాల ఆహార పోషణలను దైవప్రసాదంగా స్వీకరిస్తున్నాను. నేను ప్రతి శ్వాసతో అచలంగా, ప్రశాంతంగా, ఉత్సాహంగా మరియు సజీవంగా ఉంటూ, నా శరీరంతో సామరస్య పూర్వకంగా జీవిస్తున్నాను. నేను స్వచ్ఛమైన, ఉత్తేజకరమైన, తాజా శక్తి ప్రవాహంలో విశ్రాంతి తీసుకుంటున్న ప్రతీసారీ - నాపై ఆనందమయ, తేజోమయమైన అమృతం కురుస్తున్నది. నా ఉనికిలోని ప్రతి కణాన్ని ఉద్ధరించే శాశ్వత దివ్య ప్రేమ శక్తిలో నేను వృద్ధి చెందుతున్నాను. 2. దివ్య బాంధవ్యాలు ఓ విశ్వమా! నా జీవితంలో దివ్యంగా పొంగిపొర్లుతున్న బాంధవ్యాల సమృద్ధికి ధన్యవాదాలు. దైవం, నా శాశ్వత భాగస్వామి. నాకు సదా దివ్య జ్ఞానంతో మార్గనిర్దేకం చేస్తున్నాడు. దైవం నన్ను ప్రేమ మరియు అనంతమైన దివ్య కాంతితో ప్రకాశింప జేస్తున్నాడు. నాకు నేనే దైవమనే ఎరుకను నాలో కలిగిస్తూ, ప్రతీ బంధం ద్వారా నేనే అంతా-అంతా నేనే అని, ఉన్నది ఒక్కటే అని నాకు గుర్తు చేస్తున్నాడు. అందువలన ప్రతీ బంధంలోనూ, ప్రతి అణువణువులోనూ అచలంగా, ప్రశాంతంగా మరియు తేజోవంతంగా ప్రకాశిస్తూ అన్నీ వైపులా ప్రవహిస్తున్న పరమాత్మని అనుభూతి చెందుతున్నాను. నేను నా అన్ని సంబంధాలలో దైవం యొక్క తాజాదనం, ఉత్సాహం మరియు ప్రేమలతో అన్ని వైపుల నుంచి అల్లుకుని ఉన్నాను. నన్ను, నా కుటుంబాన్ని మరియు నేను కలిసే ప్రతి ఒక్కరినీ అంగీకారం, గౌరవం మరియు లోతైన ప్రశాంతమైన అనుబంధంతో ప్రకాశింప జేస్తున్నాను, అంటే మంచి-చెడు-తటస్థ లక్షణాలు కలిగిన మనుషులంతా పరమాత్మ యొక్క విశ్వరూపమేనని భావిస్తూ నాలో ఈ జ్ఞానజ్యోతిని సదా ప్రకాశింప జేస్తున్నాను. నేను ఆత్మను సుసంపన్నం చేసే బంధాలను పెంపొందిస్తున్నాను. ఇవి నా జీవితాన్ని జ్ఞానం, ఆనందం మరియు ఏకత్వ భావనతో నింపుతున్నాయి. ప్రతి అనుబంధం శాశ్వతత్వం యొక్క చిహ్నలే. నన్ను ఉద్ధరించే, ప్రేరేపించే మరియు రూపాంతరం చెందే అర్థవంతమైన సంబంధాలను సృష్టిస్తున్నాను. ప్రతీది అచలానందంతో మరియు తేజోవంతమైన శక్తితో అన్ని వైపులా ప్రవహిస్తున్నాయి. ప్రశాంతత, పరస్పర గౌరవం మరియు అంగీకారాల యొక్క సమన్వయంతో నడుపబడుతున్న ప్రతీ బంధంలో, దివ్య ప్రేమ ఎల్లప్పుడూ ఉంటుందని నాకు తెలుసు. 3. దివ్యమైన ఉద్యోగం ఓ విశ్వమా! నా జీవితంలో దివ్యంగా పొంగిపొర్లుతున్న అవకాశాలు మరియు ఎదుగుదల యొక్క సమృద్ధికి సదా నీకు ధన్యవాదాలు. నా ఉద్యోగంలో లేదా వృత్తిలో, నేను ప్రశాంతంగా ఉంటూ, శాశ్వతంగా అన్ని వైపులా ప్రవహించే అవకాశాల ప్రవాహంతో లోతుగా అనుసంధానమై ఉన్నాను. నేను నిరంతరం విస్తరిస్తూ, అభివృద్ధి చెందుతున్నాను. నేను చేసే ప్రతీ పనిలో చిత్తశుద్ధి, ప్రేమ మరియు దివ్య జ్ఞానాన్ని ప్రసరిస్తున్నాను. నేను శాశ్వతమైన సంపదను, విజయాన్ని మరియు శ్రేయస్సును సులభంగా ఆకర్షిస్తున్నాను. నా పని ఎల్లప్పుడూ తేజోవంతమైన శక్తి మరియు దివ్య ప్రేమలతో కూడిన లక్ష్యంతో నిండి ఉందని నాకు తెలుసు. అభిరుచి మరియు అంకితభావంతో నేను ఆనందంగా సేవ చేస్తున్నాను. నా కృషి శాశ్వతమైన అమృతం లాంటిదని, అందరికీ అపరిమితమైన ఆశీర్వచనాలను, అవకాశాలను, శక్తి సామర్ధ్యాలను సృష్టిస్తున్నాయని నేను పూర్తిగా అవగతం చేసుకున్నాను. ప్రతి క్షణం ఆనందభరితమైన ఉత్సాహంతో నిండి ఉంటున్నది. అలాగే భవిష్యత్తులో కూడా నేను నాయకత్వం వహించి, ఇతరులను నడిపిస్తాను, ప్రేరేపిస్తాను మరియు అభివృద్ధి పథంలో నడిపిస్తాను. నేను సమతుల్యమైన, అనంతమైన దైవీక విజయ ప్రవాహంలో వృద్ధి చెందుతున్నాను. 4. దివ్యమైన డబ్బు ఓ విశ్వమా! నా జీవితంలో దివ్యంగా పొంగి పొర్లుతున్న సంపదల సమృద్ధికి ధన్యవాదాలు. నిశ్చలమైన, ప్రకాశవంతమైన సమృద్ధితో కూడిన నదిలా డబ్బు - నాలో సులభంగా ప్రవహిస్తున్నది. నాకు అన్ని విధాలుగా డబ్బు శాశ్వత సహకారాన్ని అందిస్తున్నదని తెలుసుకుని, నేను స్థిరమైన ఆర్థిక స్వేచ్ఛలో జీవిస్తున్నాను. నేను అన్ని విధాలుగా శ్రేయస్సును అయస్కాంతంలాగా ఆకర్షిస్తున్నాను. నేను నా ఆర్థిక వ్యవహారాలను దివ్య జ్ఞానం, ప్రశాంతత మరియు ప్రేమల యొక్క పరిపూర్ణ సమతుల్యతతో నిర్వహిస్తున్నాను. నేను సమృద్ధి, ప్రశాంతత మరియు ఆనందంతో నిండిన జీవితాన్ని సృష్టిస్తున్నాను. ప్రతి ఆర్థిక లావాదేవీ ఏకత్వ స్థితి యొక్క ప్రతిబింబమే. ఇది విశ్వం యొక్క అపరిమిత, ప్రకాశవంతమైన శక్తిని ప్రతిబింబిస్తున్నది. ఇది అనంతమైన సంపద మరియు స్థిరమైన శక్తి యొక్క అమృతంతో ప్రవహిస్తున్నది. నేను సమృద్ధి యొక్క శాశ్వతానంద ప్రవాహంలో లోతుగా మునిగిపోయాను. నేను వేసే ప్రతి అడుగు దివ్య కరుణ మరియు అపరిమిత శ్రేయస్సు ద్వారా నడిపించ బడుతున్నదని నాకు తెలుసు. 5. ఆధ్యాత్మిక విముక్తి నేను కాలాతీతమైన, మార్పు లేని శాశ్వత-చైతన్యాన్ని, అనంతుడిని. నేను గతం యొక్క అన్ని కర్మ బంధాల నుండి విముక్తుడిని. నా నిజ స్వరూపం అయిన: స్వయం ప్రకాశక-అచలత్వాన్ని, సమస్త శక్తి-సామర్ధ్యాలు కలిగి ఉన్న అక్షయపాత్రని మరియు ఏకత్వాన్ని స్వీకరిస్తున్నాను. నేను సదా 50% శాశ్వతమైన, నిశ్శబ్ద అచలశక్తితో లోతుగా అనుసంధానమై ఉన్నాను. ఇది నాకు విశ్వంతో ఏకత్వాన్ని స్థిరం చేస్తున్నది. నేను అన్ని దిశలలో ప్రవహించే 49% నిత్య తాజా శక్తిని స్వీకరిస్తున్నాను. ఇది నా జీవితానికి స్థిరమైన-కదలిక, పరివర్తన మరియు శక్తిని అందిస్తున్నది. నేను పవిత్రమైన 1% పదార్ధాన్ని గౌరవిస్తున్నాను. ఇది నా భౌతిక వాస్తవంలో, శాశ్వతమైన శక్తి యొక్క తాత్కాలిక వ్యక్తీకరణ అని తెలుసుకున్నాను. ప్రతి శ్వాస, ఆలోచన మరియు చర్యతో, నేను విశ్వం యొక్క సమతుల్య ప్రవాహంతో శృతి అవుతున్నాను. నేను శాశ్వతంగా దైవంతో అనుసంధానమై, ఆనందం, ప్రేమ మరియు ఆధ్యాత్మిక సామరస్యంలో ప్రవహిస్తున్నాను. నేను చాలా కృతజ్ఞతతో, నమ్మకంతో, సులభంగా ఈ క్షణంలో పూర్తిగా జీవిస్తున్నాను. *** ఈ జ్ఞాన సూత్రాలను చదువుతున్నప్పుడు - మీకు కలిగే మంచి-చెడు-తటస్థ లక్షణాలలో, మనోభావాలలో, ఆలోచనలలో, అనుభూతులలో - మీరు ప్రశాంతంగా స్థిరంగా మౌనంగా అచలంగా ఉండటం వలన, అవి సులభంగా దివ్య శక్తిగా పరివర్తన చెందుతూ, మిమ్మల్ని సచ్చిదానంద స్వరూపంతో ఐక్యం చేస్తూ, విదేహ ముక్తికి సహకరిస్తాయి.*** ఒక్క జ్ఞాన సూత్రం మీకు సమయం లేనప్పుడు, ఈ ఒక్క జ్ఞానసూత్రాన్ని తప్పకుండా చదవండి. * ఓ విశ్వమా! నా జీవితంలోకి సులభంగా ప్రవహించే దైవిక సమృద్ధికి ధన్యవాదాలు. ఇది నా జీవితంలోని ప్రతి అంశాన్ని ప్రకాశవంతమైన ఆశీస్సులతో నింపుతున్నది. నేను పరిపూర్ణ ఆరోగ్యంతో జీవిస్తున్నాను. నా శరీరం, బాంధవ్యాలు, వృత్తి మరియు డబ్బును - నేను ప్రేమ, జ్ఞానం మరియు ప్రశాంతతతో పోషించుకుంటున్నాను. అనంతమైన అవకాశాల యొక్క అచలానందంతో శృతి చేయబడి, నేను విజయం, శ్రేయస్సు మరియు స్వేచ్ఛను అన్ని వైపుల నుంచి ఆకర్షిస్తున్నాను. నేను కర్మ సిద్ధాంతం నుండి మరియు అన్ని ద్వంద్వాల నుండి విముక్తి పొంది ఏకత్వస్ధితిని ఆస్వాదిస్తున్నాను. ప్రస్తుత క్షణంలో ఉన్న స్వచ్ఛమైన శక్తి మరియు అచలానంద స్థితిలో పూర్తిగా మునిగిపోయాను.