رسالة لطلاب الثانويه العامه... أنا عارف إن الفترة دي اصعب فترة في الثانوية العامة كلها... إن دي فترة جبت أخرك فيها وحسيت بفقدان الشغف اللي عندك.... دي الفترة اللي كلها توتر وخوف من اللي جاي.... أنا بس عايز افكرك إن اللي خلاك تعدي من أي مرحلة في حياتك هيعديك منها.... اللي اداك اختبار صعب حط جواك القدرة علي اجتيازه.... مفيش حاجه اسمها نفسيتي او طاقتي مش موجودة وشغفي راح لا متبقاش اسير مشاعرك.... اجبر نفسك علي المذاكرة لو مش عشانك عشان اهلك اللي طالع عينهم معاك من اول السنة بل من اول ماتولدت.... لو مش فارق معاك كلية او مجموع عال لازم يفرق معاك اهلك إن محدش يشمت فيهم ولا ينكسروا قدام الناس.... غمض عينك خد نفس طويل وحط مشهد النتيجه قدام عينك..... هما والله ميستحقوش غير إنك تخليهم فخورين بيك رافعين رأسهم.... اضغط نفسك هي خلاص كام شهر أهو وترتاح.... بس مترفعش الراية البيضاء في نص الطريق.... ومهما كان متراكم عليك افتح وابدء و خلي ربك يشوف صدقك..... ومتنساش تدعي لنفسك ولكل طلاب الثانوية العامة في الفترة دي.... #الثانوية-العامة #يَقَظَة🤍