سفر پر دست‌آورد هیأت امـ.ـارت اسلامی به اوزیبکستان ملا عبدالغنی برادر آخوند، معاون اقتصادی رییس‌الوزرا در یک کنفرانس خبری سفر هیأت امـ.ـارت اسلامی به اوزبیکستان را پر دست‌آورد خواند و گفت، این هیأت در دیدار با عبدالله عارف‌اف، نخست‌وزیر و جمشید خواجه یوف، معاون نخست‌وزیر اوزبیکستان و شماری دیگر از مقامات این کشور پیرامون تجارت، برق، هوانوردی، زراعت، خط آهن و موضوعات مختلف دیگر گفت‌وگو کرده است. ملا عبدالغنی برادر آخوند افزود که در نتیجه گفت‌وگوی هیأت امـ.ـارت اسلامی با طرف اوزبیکستانی، قرارداد انتقال لین ۵۰۰ کیلوولت از اوزبیکستان تا دشت‌الوان از ۲۵۲ میلیون دالر به ۲۲۲ میلیون دالر کاهش یافت. به گفته آقای برادر آخوند، در این دیدار تصمیم گرفته شد تا تیم تخنیکی از اوزبیکستان برای مطالعه و آغاز کار خط‌آهن حیرتان - هرات به افغانستان سفر کنند. معاون اقتصادی رییس‌الوزرا هم‌چنان گفت که اوزبیکستان برق افغانستان در فصل تابستان را افزایش و تعرفه آنرا کاهش می‌دهد و در بخش زراعت نیز محدودیت‌ها بر محصولات افغانستان لغو می‌کند.