ملاحظين إنه الأشياء السيئة يلي المسلمين انتقوها من أفعال الغرب يلي بتكسبك إثم عم تترافق مع الأشياء والأفعال يلي بتكسبك ثواب لا يعلمه إلا الله مثل ترافق ليلة رأس السنة مع أول ليلة من رجب وترافق يوم النصف من شعبان مع يوم عيد " ما بعرف شو سميه بصراحة 😐 " وكل هالشي ليميز الله الخبيث من الطيب. انت بإيدك كانت وما زالت الاختيارات يا هل ترا احتفلت برأس السنة بوقتها أم جددت توبتك وعهدك مع رب العالمين! يا هل ترا انتِ/ انتَ عصيت رب العالمين بحكيك مع الشباب/ البنات وانت بتعرف بقرارة نفسك إنه هالشي ما بيرضي رب العالمين ورحتوا احتفلتوا أم فتحت صفحة جديدة ووقفت عأعتاب رب العالمين عسى يغفرلك ذنوبك بهالليلة! كلكم راعٍ وكلكم مسؤولٌ عن رعيتّه انت المسؤول عن أفعالك وتصرفاتك ولا حدا يقول مو بإيدي لأن هاد مو مبرر تقدمه ل رب العالمين يوم القيامة صح؟! صح قلبك وهواك مو بإيدك لكن أفعالك انت بتتحكم فيها قال رب العالمين < أفرأيت مَنِ اتّخذ إلههُ هواه وأضلّه الله على علمٍ وختم على سمعه وقلبه وجعل على بصره غشاوةٌ فمن يهديه من بعد الله أفلا تذكّرون > يا جماعة صحصحوا ووين رايحين بهالدنيا .. ما حدا بيعرف ايمت بتنسحب منه ورقة الامتحان. لأنكم متل اخواتي عم قول هالحكي والله ف أروا الله من أنفسكم خيراً #فكرة 💛