****** (جاگ فقیرا جاگ) ****** جاگ فقیرا جاگ تارا سرگی دا لگا ہویا دربار محمد عربی دا صلی اللہ علیہ والہ و بارک وسلم جاگ فقیرا جاگ کھتیاں چڑھ آئیاں مرشد دے دربار میں کلمہ پڑھ آئیاں جاگ فقیرا جاگ لو پئی لگدی آ فیض محمد والی نہر پئی وگدی آ صلی اللہ علیہ والہ و بارک وسلم جاگ فقیرا جاگ ویلا جاگن دا مالک واجاں مارے پیا سہاگن دا جاگ فقیرا جاگ دن پیا چڑھدا ای کلمہ مرشد والا جگ پیا پڑھدا ای جاگ فقیرا جاگ نوری ویلا ای شہنشاہ دے دربار تے لگا میلہ ای جاگ فقیرا جاگ عمراں سؤنا‍ں ایں یار منا لے ویلا ہتھ نہ آؤنا ایں جاگ فقیرا جاگ جاگاں لگ جاون بجھے دیوے پیر دے در تے جگ جاون جاگ فقیرا جاگ جاگن لاہ دا ای یار منا لے پتہ نہ کوئی ساہ دا ای جاگ فقیرا جاگ رنگ پئے لگدے نی رب دی رحمت والے ہڑ پئے وگدے نی جاگ فقیرا جاگ کم بھلیرا ای جاگاں لاون آیا مرشد تیرا ای جاگ فقیرا جاگ جاگن چنگا ای خیر سخی کولوں منگ لے کاہدی سنگا ای جاگ فقیرا جاگ پنیدیاں پوریاں نی مرشد دے دربار اج منظوریاں نی جاگ فقیرا جاگ لیکھ جگا لے توں ڈھو ڈھکیا ای رٹھڑا یار منا لے توں جاگ فقیرا جاگ بھانڈا بھر لے توں صاحب دے در اتے سجدہ کر لے توں جاگ فقیرا جاگ واجاں پنیدیاں نی جاگن والیاں خیر سخی توں لیندیاں نی جاگ فقیرا جاگ سخی رنگ لایا ای شہنشاہ دل دے ویہڑے پھیرا پایا ای جاگ فقیرا جاگ سجن نئیں چھوڑی دا ایتھے اوتھے سانوں مرشد لوڑی دا جاگ فقیرا جاگ باغ بہاراں نے نت نہ رل مل بہناں سجناں یاراں نے ================================ ✍️:- صوفی شاعر عظمت جاوید عظمت