*_محاضره الإستعداد لرمضان🤎🌙_* *_لدكتور/ محمد الغليظ🤎🫰🏻_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *○أول توجيه لازم كلنا نتمثل ليه واحنا بنستعد لرمضان هو اننا `《نتوب》`* *والتوبه هي الرجوع إلى الله عز وجل وتطهير النفس للإقبال على الله جل في علاه فسواء انت كنت بعيد أو قريب لازم `تتوب`* *البعيد عن ربنا ما يقولش لا انا بعيد ربنا سبحانه وتعالى ممكن ما يقبلنيش... اوعى تقول حاجه زي كده الله جل في علاه يقول {وتوبوا الى الله جميعًا أيها المؤمنون لعلكم تفلحون}* *ربنا سبحانه وتعالى بيقبل التوبه قال تعالى {وهو الذي يقبل التوبه عن عباده ويعفو عن السيئات ويعلم ما تفعلون} فانت كل اللي عليك انك تُقبل عليه وتتوب وان شاء الله هيقبلك* *أما القريب من ربنا ، ممكن بعض الناس القريبين مش بتقولها باللسان بس بتبان جواه بتبان في تصرفاته وفي كلامه ان هو بيعتبر ان التوبه اه مهمه جدًا جدًا بس هو مأخرها وراه شويه* *ليه؟* *هو عنده قرب وعنده طاعه وعنده أعمال صالحه فمعجب بنفسه شويتين تلاته ومأخر التوبه ، وساعات كدا بيتعامل مع التوبه كإنها للمبتدئين أو للناس اللي يعني ما عندهاش همه زيه او معندهاش عباده وطاعه زيه حتى تلاقيه معندوش حرقه التوبه بتاعه زمان بتاعه البدايات* *فلو لقيت نفسك كدا اعرف ان انت عندك جوه كدا حتتين تلاته عايزين يتنظفوا* *إوعى تغرك طاعتك اوعى تتعالى بيها ، هتتعالى بيها على مين على الله عز وجل!* *الله عز وجل بيقول للنبي ﷺ {ولا تمنن تستكثر} إوعى تكون فاكر إن انت بتعمل حاجات جامده جدًا فانت عديت على التوبه《لأ》* *دا النبي محمدﷺ نفسه كان بيتوب في اليوم اكتر من مئه مره فسواء انت كنت قُريب او بعيد ما تنساش إن ربنا سبحانه وتعالى قال ﴿ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴾* 🤎🤎🤎🤎🤎🤎🤎🦋 *○وهنا سؤال مهم جدًا👈🏻 تتوب ليه؟* *وانا عارف ان انت مستعجل والموضوع كله عالسكه فانا مش عايز اطول لان الاسباب لا نهائيه بس هختصرلك في سبب واحد بس* *توب علشان انت هتموت ولما تموت هتقف قدام ربنا سبحانه وتعالى ولما توقف قدام ربنا سبحانه وتعالى ويناقشك الحساب ما ينفعش ان انت تتناقش في حاجه انت عملتها غلط* *لانه ساعتها هيكون غضبان عليك إن انت عملت الغلط ده ولو غضب عليك وناقشك هيعذبك وانت مش قد عذاب ربنا سبحانه وتعالى فتوب قبل ما تروحله* *توب علشان ما تغضبوش توب قبل ما تتحاسب توب بسرعه توب ده ربنا سبحانه وتعالى بيقول ﴿وَاتَّقُوا اللَّهَ وَاعْلَمُوا أَنَّكُمْ إِلَيْهِ تُحْشَرُونَ﴾ ﴿إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ تَعْمَلُونَ﴾* *اللي انت هتروح لربنا سبحان الله وتعالى عملوا مش هتقوله يارب انا عملت كذا وكذا لا ده ربنا اللي هيقولك انت عملت كذا وكذا وكذا وفي الاخر منزلتك يا هتكون جنه يا هتكون نار ومنزلتك هنا او هنا اللي هيحددها عملك* *الله عز وجل يقول﴿وَأَن لَّيْسَ لِلْإِنسَانِ إِلَّا مَا سَعَى﴾ ﴿وَأَنَّ سَعْيَهُ سَوْفَ يُرَى﴾ ﴿ثُمَّ يُجْزَاهُ الْجَزَاءَ الْأَوْفَى﴾ فلو انت كنت مُحسن في الطاعه وكنت بتوب من كل ذنب أنت عملته انت كده مشيت على الصراط صح وهتوصل وهل جزاء الإحسان الاالإحسان* 🤎🤎🤎🤎🤎🤎🤎🦋 *○وهنا بردو في سؤال مهم جدًا👈🏻 اتوب من ايه؟* *تتوب من اربع حاجات:* *`1- حاجات ربنا سبحانه وتعالى قالك ما تعملهاش وانت عملتها`* *قالك ما تطلقش بصرك وانت اطلقت بصرك وكنت بتبص على المٌحرم وكنت بتفتح مواقع اباحيه مثلاً* *قالك ما تعملش علاقه محرمه وأنت عملت علاقه محرمه او انتِ عملتي علاقه محرمه* *قالك ما ينفعش إن أنت تتعامل بالربا وأنت كنت بتتعامل بالربا* *قالك حاجات معينه ما تعملهاش وللاسف أنت عملتها فلازم إن انت تبطلها* *بتشرب سجاير بطل سجاير بتعمل عاده سيئه بطل العاده السيئه اي حاجه ربنا سبحانه وتعالى نهاك عنها اوعى إن أنت تعملها* *`2- تتوب من حاجات ربنا سبحانه وتعالى قالك تعملها وانت ما عملتهاش`* *قالك تصلي خمس صلوات في مواعيدهم فتصلي الخمس صلوات في مواعيدهم لو كنت مقصر ارجع توب وصليهم في مواعيدهم* *قالك أنت لازم تبر والديك فلازم تبر والديك* *قالك أنت لازم تاكل حلال فلازم تاكل من حلال* *قالك أنت لازم تكون حسن الخلق فلازم تكون حسن الخلق قالك حاجات لازم تعملها فلو ما بتعملهاش توب واعملها* *`3- ربنا سبحانه وتعالى في حاجات امرنا بيها إن احنا نعملها فاحنا ساعات بنعملها بس للاسف بشكل مبتذل يعني ايه؟`* *يعني بنخش نصلي ااه بس صلاه كروته وكلها سرحان* *بنصل الارحام ااه بس بنصل الارحام بكروته ومن غير إحسان* *يعني ايه؟* *يعني انا عايزك تتوب من ترك الاحسان في العباده ودي اعلى من اللي فاتوا خالص يعني اللي فاتوا دول مهمين جدا دي القاعده اللي أنت لازم تتوب منها* 🤎🤎🤎🤎🤎🤎🤎🦋 *`○عايزك تتوب من مجاوره الذنب بعد التوبه منهم يعني ايه؟`* *يعني ساعات واحد بيكون بيعمل حاجه حرام معينه وبعد ما يتوب يرجع خطوه ده بيبقى قريب ان هو يرجع تاني على فكره يعني شويه وممكن يتزحلق فـ لا اوعى تبقى كده* *لازم لما تتوب مش ترجع خطوه ترجع ميل علشان لما تزحلق وتقع تزحلق وتقع في المنطقه الآمنه ما تبقاش مثلاً تلاقي نفسك رايح في الذنب مره تانيه* *ما ده تقريبا زي اللي فاتت اقولك ااه هو زي اللي فات بس هنا بقى الإحسان في التوبه إن انت بعد ما تسيب حاجه وتبطل حاجه وتوب منها تبعد عن كل اسبابها* *علشان ما تقعش فيها تاني فلما تعمل لله عز وجل حاجه تعمل بكل إحسان ولما تسيب حاجه برضو تسيب بكل إحسان* 🤎🤎🤎🤎🤎🤎🤎🦋 *وهنا نوصل لسؤال مهم جدًا👈🏻 ازاي أتوب؟ ست خطوا👇🏻* *`1-«الندم»`* *الندم على الذنب إن انت تندم إن أنت عملت المعصيه الفلانيه دي إن أنت دخلت في العلاقه المحرمه دي إن أنت شربت الموضوع الفلاني* *إن أنت تعاطيت الموضوع الفلاني إن أنتِ ما كنتيش لابسه حجاب شرعي إن أنا اكون ندمان على فعل الذنب اننا ابقى ندمان على قطيعه الرحم الفلانيه او اننا كنت بتعامل مع فلان بشكل غير اخلاقي او إن أنا كنت باكل الربا انا ندمان وزعلان ومتضايق إن أنا عملت كده* *طيب ممكن واحد يجي يقولي بص انا مش هكذب عليك انا مش ندمان أصلاً الموضوع ده كان جامد وحتى انا اصلًاكنت مبسوط جدًا فيه وانا هبطله علشان خاطر عرفت إن هو حرام بس هو عاجبني تمام* *يعني انا مش ندمان اني عملته بس انا هبطله لله هقولك ايوه ممتاز ما هو ده اسمه ندم ان انت تبقى ندمان ان انت عملت حاجه حرام نفسها ده نوع من الندم في ندم تاني ان انت تكون ندمان ان انت مش عارف تطيع ربنا سبحانه وتعالى بسبب حاجه جميله ااوي انت بتحبها ان انت ندمان انك مش عارف تستقيم على صراط المستقيم سبب الموضوع ده* *تجي تقولي لا والله ما انا برضو الفكره مش فكره كده انا بردو انسان كويس وعندي حاجات كويسه جدًا بس هو ده بس الموضوع اللي طالع كده عندي عايز إن أنا ابطله* *أقولك ما هو ده هو ده انت أصلاً علشان خاطر تستقيم لازم ده يكون مش موجود فانت ندمان على اللي هو انت ما كنتش عارف تستقيم بنسبه طاقتك كلها اللي أنت تقدر تطلعها بسبب الحاجه اللي بره دي فانت هتبطل ده رغم إن أنت بتحبوا ومتعلق بيه علشان ربنا سبحانه وتعالى هو ده* *طيب افرض حتى ده مش موجود مثل على نفسك إن أنت ندمان لحد ما فعلاً من جواك تندم وبالمناسبه كونك اخدت قرور إن انت تسيب ده معناه إن انت ندمان كونك اخدت قرار إن انت تبطل ده معناه إن انت معتبر ان دي حاجه المفترض ان هي تكون مش موجوده في حياتك علشان كده اخدت القرار فده في حد ذاته ندم والنبي ﷺ قال الندم توبه* *`2- «الإقلاع عن الذنب»`* *بطل الموضوع منتهي في اقلاع الحاجه اللي كنت بتعملها حرام هتتبطل طيب هدرجها بطل خلاص الموضوع منتهي🤐* *طيب كنت بشرب ما اعرفش ايه فهقلل بطل قطع بطل ارمي الموضوع منتهي طيب انا مش محجبه البس كذا وبعدين كذا لا لا لا ما فيش الكلام ده خالص هنلبس حجاب شرعي ما نلبسش الحاجات اللي في النص دي اللي لا هي محجبه ولا هي مش محجبه هي حاجه في النص ما ينفعش* *خد القرار خدي القرار انا هبطل الموضوع منتهي في اقلاع عن الذنب ده سواء كان الذنب ده معصيه او ترك طاعه انا هبطل الموضوع الفلاني وبشكل حاسم* *`3-«عزم على عدم العوده»` يعني ايه؟* *يعني انا مش بجرب ابطل لا انا قراري حاسم وحازم انا العلاقه الفلانيه المحرمه دي انا هدخل اعمل بلوك وخلاص او هبعت رساله الاول العلاقه دي محرمه وانا ما عنديش استعداد ادخل النار في علاقه محرمه رقم بابا اهو تمام بلوك شكرا اقفلي مفيش تاني خلاص* *او أنت مثلاً بتشرب حاجه معينه صحابك تقولهم انا بطلت علشان خاطر ده حرام تمام ايه يا عم أنت هتبقى شيخ اااه هبقى شيخ وبكره الصبح رايح جامع عمرو ابن العاص أنا هخطب انتوا ملكوش فيه اقفل خليك حازم* *ما تقولش هنزل معاهم وما اشربش ما فيش حاجه اسمها كده هتنزل معاهم القعده حلوه هتشرب تمام سيبك من الكلام ده خالص انت مش بتجرب انت مش بتجرب ابعد خالص انت ندمان دلوقتي انت عازم على عدم العوده* *يعني الموضوع بالنسبالك مفهوش قرار بنسبه 50% مفهوش ذبذبه مفهوش تردد انا مش هرجع اعمل كده تاني تيجي تقولي ما انا ساعات ببقى حاسس اني ممكن ارجع اعمل كده تاني اوعى تحس الاحساس ده* *انما لو رجعت تاني توب تاني انما ما تبقاش بتاخد القرار إن أنت تتوب وتبطل وانت من جواك بتقول أنا عارف إن هرجع تاني ما ينفعش* *ليه؟* *لان انت كده هترجع تاني عدم الثقه في الله دي وعدم الثقه في القدرات اللي ربنا سبحانه وتعالى اديهالك هيخليك تقع اللي يخاف من العفريت يطلعله فرجائي لازم تبقى واخد القرار ندمان اقلعت عزم على عدم العوده* *`4-«لو كان الموضوع ليه علاقة بحقوق العباد لازم ترجعهلهم»`* *يعني فلوس مثلاً ترجعهلهم لو اغتبت حد وينفع تروح تقوله سامحني ماشي خلاص لو هو شخص مش موجود او شخص مش عارف توصله او شخص مثلاً مش متسامح ممكن يقولك طب قولي انت قلت علي ايه* *طبعا لو قلتله قلت عليه ايه مش هيسامحك أصلاً ولكن لو هو من النوعيه دي وأنت ما تقدرش تروح تقوله حاجه زي كده خلاص ادعيله واستغفرله واذكروا بالخير في نفس المواطن اللي انت نميته فيها ولكن لازم ترجعوا* *طيب لو كانت فلوس لازم ترجعله لو كانت حقوق لازم ترجعله ما ينفعش طيب لو هو مات ترجع للورثه انما لازم ترجع الحقوق* *`5- «العمل الصالح»`* *﴿إِلا مَنْ تَابَ وَآمَنَ وَعَمِلَ عَمَلا صَالِحًا﴾ اعمل اعمال صالحه كتير كتير طيب ايه علاقه ده بالتوبه ده يثبتك على التوبه الذنوب اللي ليها جاذبيه ازاي تطلع من جاذبيه الذنب بكثره الطاعه* *`6-«ابعد عن كل اسباب الذنب»`* *صحابك اللي بيوقعوك في الذنب الفلاني انت تتوب من الذنب ده وتبعد عن الصحاب لان بالمناسبه لو فضلت معاهم هتقع* *صحباتك اللي بيوقعوكي في الموضوع الفلاني ده لازم إن أنتِ تبعدي عنهم تماما ليه لانهم كانوا السبب في الامر المخالف لشرع الله عز وجل اللي ممكن يكون سبب في العقوبه في الاخره* *ممكن بعض الناس بيكون بينهم وبين بعض علاقه حب فيتوبُ يقولوا خلاص بقى احنا بنتعامل بضوابط وفورمل بقى مش هتعرفوا لان انتوا قصفتوا الحاجز ده صدقوني مش هتعرفوا تجوزوا يارب تتجوزوا تمام* *انما يقولك هنتعامل مع بعض فورمل ما فيش الجو ده انتوا اصلا كسرتوا الحدود فابعدوا يتتجوزوا ياتبعدوا لحد ما تتجوزوا يا تبعدوا للنهايه ولكن ابعد تماما عن اسباب اي ذنب انت بتعمله* 1. ندم 2. اقلاع 3. عزم على عدم العوده 4. ترجع الحقوق 5. تعمل اعمال صالحه 6. وتبعد عن كل اسباب المُخالفه او الذنب او المعصيه 🤎🤎🤎🤎🤎🤎🤎🦋 *○وهنا في حاجه مهمه بردو وهي تلات مصاعب غالبا هتقابلهم في حياتك* *`اول صعوبه هي صعوبه تغيير العاده`* *اي ذنب احنا بنعمله ممكن يكون تحول في حياتنا لعاده زي مثلاً ممكن تكوني بتلبسي حجاب مش شرعي فأنتِ متبرجه شرعا دي معصيه ذنب كبيره اصلاً بالمناسبه* *ولكن انتِ بتعمليه كعاده أنتِ لما تلبسي حجاب شرعي تبصي لنفسك في المرايا تقولي ايه انا حاسه إن انا انطفيت انا حاسه إن انا ما بقيتش زي الاول ما بقيتش جميله زي الاول* *لو واحد مثلا بيشرب سجاير او بيتعاطى حاجه اول ما يبطلها تبتدي حياته تتغير هو كان المعصيه دي في حياته عباره عن عاده ان هو يكون بيشتم في الكلام مثلا انه يكون بيغتاب بينم دي بقت عاده في حياته* *لما يجي يبطلها يلاقي نفسه ذات نفسها بتقوموا نفسه تقوله لا انا عايزه ارجع زي ما كنت انا عايزه امشي على نفس القضيب اللي أنا ماشي عليه انت ليه بتغير حياتك ااوي تلاقي نفسك ضعيفه نفسك مش بتساعدك* *فبالله عليك بالله عليكي قوموا اصبروا ادعي ربنا سبحانه وتعالى كتير ااوي اكتر حاجه ممكن تعينكم والله الدعاء قوله يارب انا ضعيف ضعف غير عادي يارب صلحني يارب اهديني يارب توب عليا يارب اكرمني* *يارب والله العظيم انا ضعيف مش عارف ابطل يارب والله ما عارف ابطل يارب توب علي وخليني ابطل يارب خليني اتغير عايز ابقى انسان كويس حببلي الطاعه يارب ده في حاجات بيقولولي عليها مش حاببها* *وزعلان من نفسي ااوي يارب لاني في حاجات من حاجات دي يارب ذكرتها في القرآن وحاجات مهمه وحاجات في الدين بس انا مش ميال ليها يارب خلي قلبي يميل ليها يارب حببني فيها يارب خليني احب الحاجات اللي انت بتحبها ادعي ادعي كتير يبقى `رقم واحد الدعاء`* *`رقم اتنين الصحبه الصالحه`* *الصحبه اللي تعينك الصحبه القديمه خلاص الصحبه الجديده لازم تعينك إن انت تتغير تعينك إن انت تبقى احسن تعينك إن أنتِ تبقي احسن ما تغيريش لبسك وتروحي لصاحبتك القدام اول ما يشوفوكي ايه ده انتي بقيتي شبه طنطات ااوي* *روحي للناس اللي اول ما تشوفك كده تقولك اللهم بارك والله وشك نور اللهم بارك والله ما شاء الله عليك انتِ اخدتي خطوه جميله جداً روحي لدول روحي لدول روح للي يساعدوك مش تروح للناس اللي يبتدوا اول ما يشوفوك وانت على طاعه يبتدوا يرجعوك لورا* *`رقم تلاته الصبر`* *أصبر الطاعه في الاول وتغيير العاده في الاول ليه مراره بس والله العظيم النبي ﷺ قال حاجه وصدق رسول الله ﷺ «إنما النصر مع الصبر» اصبر شويه بعد كده الطاعه ذات نفسها هتبقى بالنسبلك عاده وهتبقى بتطيع ربنا سبحانه وتعالى بغير تكلف* *تاني حاجه في الصعوبات لازم هتقابلها بردو هو مقاومه الناس اللي حواليك إن أنت هتلاقي قريبك هتلاقي ممكن والدك ووالدتك هتلاقي زوجك هتلاقي زوجتك هتلاقي اولادك* *هتلاقي زميلك في الشغل زميلك في الكليه في الدراسه صحابك ايا كان هتلاقي الناس اللي حواليك مش قابله التغيير بتاعك بالذات لما تكون التوبه بتاعتك بتمس حياتك الاجتماعيه* *يعني حاجه هم بيتعاملوا معاها او بيشوفوها حتى لو مش خاصه بيهم يعني لو بنت مثلاً غيرت لبسها للبس شرعي كتير ااوي من الناس اللي حواليها مش هتحب ده وهترفض ده ليه علشان خاطر الناس ما بتحبش التغيير عامةً* *يعني مش هيبقى طايقين ده انت مثلاً قررت تطلق لحيتك هتلاقي الناس اللي حواليك الدين مش هو ده ما انت عارف ان مش هو ده تمام بس هي كلمه كده الدين مش هو ده انت زي اختزلت الدين كله في اللحيه رغم ان انت ما اختزلتش الدين كله في اللحيه* *ده هو انت قررت تعمل بس الموضوع ده علشان النبي ﷺ قال اطلقوا اللحى مثلاً ولا حاجه ولكن لا الناس ما بتحبش التغيير بتحب ان هيا تفضل زي ما هيا* *انت خليك زي ما انت فلو لقيت الناس بتقومك بالله عليك اثبت لان الناس دول مش هينفعوك كلهم الله عز وجل في القرآن بيقول ﴿يَوْمَ يَفِرُّ الْمَرْءُ مِنْ أَخِيهِ﴾ ﴿وَأُمِّهِ وَأَبِيهِ﴾ ﴿وَصَاحِبَتِهِ وَبَنِيهِ﴾ ﴿لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ﴾* *`اما رابع حاجه انت اكيد هتقابلها هي وسوسه الشيطان`* *الشيطان عمال يوسوس للناس يوسوس يوسوس وطبعا لما يلاقيك انت دلوقتي بترجع وبتسيبه هتلاقيه هو رايح عمال يقولك شقى عمري وجاي وسوسلك يقولك:* *لا لا مش هتقدر على فكره الحياه بتاعت الناس اللي بتوب وترجع لله عز وجل ممله جدا على فكره انت هتبقى متضايق على فكره دي حياه فقيره ااوي ما فيهاش نفس المتعه والتغيير وحاجات اللي انت كنت بتعملها* *رغم ان انت ما كنتش بتعمل حاجه أصلاً بس هو هيجي يقولك شويه حاجات الله عز وجل يقول ﴿الشَّيْطَانُ يَعِدُكُمُ الْفَقْرَ﴾هيجي يوعدك بالفقر وهيجي يخوفك من طاعه الله عز وجل* *وهيجي يقعد يفكرك بالمعاصي وحلاوه المعاصي وووو... ويوز الناس عليك ويوسوس للناس علشان خاطر تجيلك فبالله عليك اوعى تفرح الشيطان فيك اوعى الشيطان اللي اتحدى ربنا سبحانه وتعالى تنصروا وتروح في صفه وتسيب ربنا سبحانه وتعالى* *استعين بالله واستعذ بالله من الشيطان الرجيم ما تشتموش استعذ بالله والله هو هيتحرق مكانه فاعوذ بالله من الشيطان الرجيم* 🤎🤎🤎🤎🤎🤎🤎🦋 *○طيب دلوقتي ممكن واحد يقولك انا سمعت الفيديو اعمل ايه؟ تلات حاجات* *1- استقم بعد أن تتوب* *توبت اللهم لك الحمد خلاص عزمت على عدم العوده واقلعت عن الذنب وبقيت ندمان أنك عملت كده اشتغل بقى اعمال صالحه كتير* *الله عز وجل يقول ﴿فَاسْتَقِمْ كَما أُمِرْتَ وَمَنْ تابَ مَعَكَ﴾ انت خلاص توبت لازم بقى يكون في استقامه* *2- إياك ان تستحدث ذنب جديد* *اوعى تستحدث ذنب جديد ليه بالمناسبه لان انت لما تتوب هتلاقي الشيطان بيعيط بقى شقى عمري وبتاع والاصدقاء اللي حواليك عايزين يرجعوك تاني* *هتلاقي حاجات بتتعرض عليك مُبهره اكتر واثمها اكبر او اثمها اقل تمام كنوع من انواع المفاوضات يعني اوعى تستحدث ذنب جديد الامام حسن البصري كان بيقول كلمه جميله ااوي* *بيقولك ايه «ترك الخطيئة أهون عليك من معالجه التوبه» إن أنت ما تدخلش الباب اهون عليك اما تدخل جوه وتبقى عمال تفكر انا هتطلع ازاي* *3- رقم تلاته دي حاجه مهمه جدًا ان انت تجيب ورقه وقلم وتكتب* *رقم واحد تكتب كل حاجه غلط انت عايز تتوب منها ودي الحاجات اللي هتتوقف عنها لا محاله* *الورقه التانيه كيف تحب ان تكون تكتب انت نفسك تبقى عامل ازاي في الطاعه وفي العباده وفي الاخلاق وفي العادات وحتى في الشغل وفي الدراسه* *الفرض منه هتعمله في ساعتها واللي اكتر من الفرض درج نفسك فيه على حسب همتك ولكن الورقه اللي فيها المُخالفات هتتوقف عنها تماما تماما* 🤎🤎🤎🤎🤎🤎🤎🦋 *وما تنساش تنصح الناس اللي حواليك يستعدوا لرمضان ويبدأو من دلوقتي علشان خاطر ما تبقاش رايح لوحدك بل كن صاحب فوج الى الله عز وجل كن قائد وفد الى الله عز وجل تقويهم ويقووك* 🤎🤎🤎🤎🤎🤎🤎🦋 *_♡ربنا يارب يبارك فيكم ويحفظكم ويبلغنا رمضان ويعنا على الاستعداد لرمضان والسلام عليكم ورحمه الله وبركاته♡_* 🤎🤎🤎🤎🤎🤎🤎🦋 *♡الاستعداد لـرمضان* *د/ محمد الغليظ* --------------------------♡ *انهي القراءه بذكر الله🤎🦋* *سبحان الله* *الحمد لله* *لا اله الا الله* *الله أكبر* *لا حول ولا قوه الا بالله العلي العظيم*