. البـارت 352 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 سارة بجدية: إياد أنت اللي أتغيرت عليا، وتتهرب مني، بأصعب أوقاتي ما لقيتك ، قول لي أيش فعلت فيك لما كنت تتهرب مني حتى بيوم زواجي ماشفت فرحتك فيني وطول ما أنت بأمريكا مارفعت عليا إتصال، ليش يا إياد فهمني؟ يزن ماعرف أيش يقول: سامحيني يا سارة أنا مريت بضغوطات وتعرفي هذيك الفترة مش سهلة عليا سارة بقهر اكبر: وإذا يعني!  أنت عارف إن انا كنت صديقتك وكنت أقرب شي لك مع هذا أستبعدتني وخليتني آخر أولوياتك كنت بوقف معك يا إياد هاني يتسمعهم سكتة وفاااهم تصرفات إياد "يزن"  إنه كان حب وغيرة عليها وبنفس الوقت فاااارح إنه سارة تتكلم وتعاتب ، أشر ليزن بمعنى كمل إتكلم معاها عشان تنخرط بالموضوع وتتكلم أكثر يزن بنفسه كيف بتفهميني وأنا بداخلي شعور كبيييير لو تعرفيه ماتشوفي لوجهي مرة ثانية إن انا ولا حاربت من شأنك حتى شبر ولا حاولت فيش ، إلا ذا الموضوع يا هاني أشتيه يتغلق.. يزن يغالط: المهم الآن أنا هنا وصديقش وأخوش وبحاول أوقف معك وأشتي منك بس فرصة أن انا أعوضك وتسامحيني سارة عدت له الموضوع وسامحته ومتقبله وجوده، أكلها وعلاجها أصبح مهمة يزن، وأي شيء يشتوه من سارة كان الوسيط بينهم يزن سارة بدأت تتعلق بإياد "يزن" وإذا غاب بس وراح يشوف أخوه تقلق وتضبح وماتكلم أحد إلا لمن يجي ، وهكذا على هذا الموال يومياً ، والأهم من هذا بدأت تفكر بالدراسة في الجامعة بفضل هرمه وهرم هاني عليها . . في المطبخ يزن: رانيا أيش تقول نجاة من خلال جلساتها مع سارة رانيا ترتب: تقول إنه سارة بدأت تتحسن كثيير والسبب الرئيسي أنت، يعني لو يوم من الأيام أتوقف هذا الإهتمام فجأة ممكن تنتكس حالتها وصعب عاد توثق بأحد، لا تكسرها يا إياد يزن مستحيل يفكر بكسرها: إن شاء الله كلنا بنكون جنبها وما نخذلها وأنا مستحيل أكسرها رانيا: إن شاء الله يزن: خلي نجاة تكثر من جلساتها معاها وتخرجها من اللي فيها أكثر وأكثر لما تتعافى رانيا: لا تقلق يا إياد نجاة مش مقصرة معاها وجلساتها مش دكتوورة ومريضة لااا، صديقة لصديقة يزن براحة: أعرف بنات عمي كامل مايقصروا الله يديمكم لبعض رانيا: آمين @rewayatyamania المصدر الأول للروايات في خلال الفتره اللي مرت ، قدر رئيس فيكتور  بمساعدة بعض الضباط والمسؤولين الموثوقين إنه يخرج شرف بمهمه سرية ، وساعدوه بإنه يحصل جواز آخر لحتى يسافر بدون ما يوصل خبر لأبو جان أو أحد يحس عليه ، وفعلا سافر ووصل عدن ، وبمجرد خروجه ووصوله جابوا له الجواز الأصلي حقه وإثباته وكل شي يخصه عشان يقدر يكمل باقي الإجراءات بكل سهولة كونه مواطن يمني راجع لوطنه... وأول ما وصل لصنعاء إستلمه فيكتور وشله معه للفندق شرف مش مصدق إنه خرج من السجن وإنه في وطنه: فيكتور أين أبنائي ، أين يزن وإياد ألم يعلموا بخبر وصولي بعد؟؟ فيكتور فارح بشوفته: سيأتي أبناءك إلى هنا عما قريب لا تقلق يا عم فجأة بدأ يستوعب شرف إن الذي أمامه فيكتور ، بس فيكتور أيش جابه لليمن؟ وهذا سؤال ثاني إنضاف لكمية الأسئلة اللي براسه وما لقى لها جواب فيكتور حس عليه: لا تُتعب نفسك بالتفكير، ستعرف كل الذي حدث ، وستجد أجوبة كل أسئلتك فقط ليأتي يزن وإياد إلى هنا .. . . بعد وقت فيكتور : هل أنت مستعد لأن ترى أبنائك يا عم؟؟ أشر شرف براسه بمعنى نعم إتصل فيكتور لعند ياسر ، وكلمه إنه يجي هو وإياد ويزن لعنده للفندق . . في بيت أبو هند ياسر دخل لعند يزن واياد: شباب فيكتور تواصل معاكم داليا كانت بتدخل بالشاهي بس وقفت وهي تسمع إسم فيكتور ليكون بشي متعلق بجان يزن: لا ليش؟ ياسر مستغرب: إتصل لعندي قال لي في عنده واحد يخصنا جاء من أمريكا إياد ويزن كل من شاف لعند الثاني وعقدوا حواجبهم ياسر: من بيكون؟ يزن: اذا جون مستحيل نهتم كمان اليز وأنجي الثلاثة ما يخصوناش إياد بشك: خالي سيف؟! يزن بدأ يستوعب فتح عيونه عشرة على عشرة: إلا شكله خالي سيف جاء شكله خالي سيف تطايروا لخارج لبسوا وخرجوا بسرعة البرق ما إنتبهوا لوجود داليا اللي متصنمة من اللي سمعته آسيا مسكتها: داليا مالش؟ داليا تركت الصحن اللي فيه أقلاص الشاهي فوق الماسة وهي تشوف لآسيا آسيا: داليا؟ داليا نزلت دموعها وحضنت آسيا: أاابببييي يا آسياااا أبببييييي جاااااء أبببييييي بدأت تستوعب وتتنبع وتبكي وتضحك بنفس الوقت: لقيوا أبي يا آسياااا لقيييوووووه مشت بسرعة وهي تتنبع: البخووور أين البخووور أبي يحب البخوووور أشتي أبخر أشتي أبخر آسيا فرحت لها: يا عيوني أنتي خليش أنا شابخر داليا جلست حطت يدها على فمها وعيونها بكيت بقوة وهي تهتز: وأخيييراً يابااااه وأخيراً بينجبر قلللبببي.... 📚 @rewayatyamania  🇾🇪