. البـارت 359 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 يزن: عشان هكذا أنا جمعتكم لأن رانيا أخذت قرار بتندم عليه وإحنا مهمتنا وغصب عليها مابنتركها تدمر نفسها قبل ياسر ، ولا تنسوا أيش حصل مع سارة، وصميييل عليها بنفركش الخطوبة وأهم شي ياسر لا يدرى حالته حالة لا يقوم يعمل لنا مصيبة رامي: اتركوا الموضوع عليا الكل بصوت واحد: لاااا يا شييييخ . . في اليوم الثاني في بيت الحج صالح جت نجاة وجلست مع سارة تآخذ وتعطي معاها نجاة: سارة كيف كان وضعك مع أسامة؟ هل أسامة لمح لك إنه في حاجة منزعج فيها منك وإلا شي قبل ما يخونك ؟ سارة ترتب ثيابها: لا ما كان في شي بيننا ومتفاهمين ولا تزعجه حاجة ، الحاجة الوحيدة اللي تزعج أسامة كانت هي إياد "يزن"  نجاة: إياد إبنك؟ سارة: لا مش إبني إياد إبن عمي شرف نجاة: هااا ليش أيش في؟! حتى أنا مركزة إنك مهتمة بإياد قوي سارة باهتمام: هنا الكل يعرف إحترامي لإياد وكيف أشوفه حاجة مميزة إنسان مختلف بالنسبة لي، الأقرب لي هو إياد ، وأسامة حتى يعرف مكانة إياد فكان ينزعج مني وخصوصاً لمن قلت بسمي ابني على إسم إياد ومنعني أسمي إبني إياد وحاول كثيير يمنعني من إياد ومن التكلم معه، حتى إياد من لمن إتزوجت قطعني ويتهرب مني مدري ماله نجاة: طيب أنتي وتتكلمي عن إياد هل تكون نظرتك مختلفة نبرة صوتك مختلفة سارة: طبيعي لأن إياد أقرب شخص لي نجاة: وليش أقررب شخص لك؟ سارة تكمل: لأنه يعاملني معاملة ثانية حنون ومتفهم، ويحسسني إن أنا مميزة على عكس أسامة وبنبرة قهر: كان يكلمني كيف يحترم الهنوف وكنت واثقة انه احترام مثل احترامي لاياد وما اتحسس يمكن لان نيته خبيثة فكان يتحسس من اياد لكن أسامة عمره ما اهتم فيني مثل إياد إياد كنت احس اني مميزة شعور التفرد بالاحترام نجاة تكمل: وشخص مهتم بك؟ سارة: أيوة بالضبط مهتم فيني، بالرغم آخر فترة تجاهلني وجرحني ومدري ليش، وأنا عارفة إنه في سبب وراه بس هكذا نجاة: طيب أنتي أيش كنتي تتكلمي عن إياد؟ سارة: كنت أكتب له رسائل أعبر عن قلقي عليه وأحاول أتطمن عليه وهو في أمريكا، فكان أسامة ينزعج ، بس مش إنه شاكك فيني نجاة: لا طبعاً مابيشك فيش سارة: أيوة بس غيرة وإلا هو يعرف إن نيتي ناحية إياد صافية نجاة: سارة أنتي مستوعبة ؟؟ سارة: أيشش؟ نجاة: أنتي شكلك كنتي تحبي إياد بس مش أنتي فاهمة أيش اللي يحصل معك سارة إنصدمت وسكتت نجاة: مالك؟ سارة بإنفعال: لا مستحيييل مالك أنتي أيش تقولي؟؟ نجاة: إلا بس أنتي مش فاهمة مشاعرك وجهتي هذه المشاعر للشخص الغلط سارة رااافضة الكلام: لا لا لا مستحيييل إن انا أشوف إياد بهذه النظرة مستحيل نجاة: سارة ياعيوني حتى أسامة اللي هو زوجك وعلى أساس تحبيه ماوصل لربع إحترامك وإهتمامك بإياد سارة: إلا كنت أحب أسامة وأحترمه نجاة: ما أختلفناش بس أسامة لأنه زوجك طبيعي كنتي تحبيه وتحترميه وتقدريه وما قصرتيش معه لكن إياد بالنسبة لك إبن عمك عااادي بس إهتمامك فيه زائد سارة رافضة الفكرة نهائياً ومش متوقعة إن بيجي يوم وتحب إياد، حاولت تطرد الأفكار من رأسها، أما نجاة في حيرة كيف سارة حبت إياد وما أنتبهت!! الله أعلم مافي قلبها @rewayatyamania المصدر الأول للروايات في نفس اليوم، ياسر على حاله ومارضيش يخرج من غرفته بدأ يستوعب إن أمير مات جالس بباب الطاقة حق غرفته ويشوف كمية السيارات اللي جت ونزلوا منهم ناس خيرات ويسلموا على أبو هاني اللي مستقبلهم بالحوش دخلهم للمجلس، ياسر مستغرب ومستنكر من الضيوف اللي جاءوا وطريقة جيتهم مهنجمين والقات والهدايا كأنهم جايين خطوبة ، خاف من اللي بباله ليكونوا جووا عشان يخطبوا رانيا ياسر: أيشش يحصل هنا؟؟ بدل ملابسه سريع حتى شعره ما مشطه ونزل سريع لمجلس الرجال قبل لا يوصل سمع رامي وحسام يتحاكوا رامي: والله لو دري ياسر ليقلب الدنيا قلب على رؤوسهم حسام: لا مابيعرف، وأصلاً بنفركشها وما بيدراش ونفركش الخطبة بطريقتنا المهم انا الآن بروح اسوي اللي عليا ياسر من وراهم: أيش من خطبة؟ إفتجعوا وإلتفتوا يشوفوا ياسر ياسر: أيش في يا عيال ؟ حسام متلبك: أممم ياسر أنت إهدأ أنت إطلع وإحنا بندبر كل شي ياسر بنفاذ صبر: إتكلموووا أيششش فييي!؟ حسام: اللي جوا اليوم جوا عشان يخطبوا رانيا، ورانيا وافقت ياسر عصصصب ووجهه إقتلب ألوان وخرج زي المجنون حسام مسكه ياسر يصيح: والله ماتتم خطبة والله لموته والله والله محد يشلها غيري، والله لو أقتلهم كلللهم شرتكب فيهم جريمة محددد بيشلها غيررري حتى لو غصب عليها حسام ورامي حاولوا يهدوه، يزن وهاني سمعوه وخرجوا بسررعة لعنده ، يزن........ https://t.me/+Ecxq_OzMYh40M2E0 📚 @rewayatyamania  🇾🇪