. البـارت 360 ☆ مشـاعـر مسمـومـة 💜 للكـاتبـة: صفـاء السـامعـي 👌🏻👇🏻 😍 📚 @rewayatyamania  🇾🇪 حسام ورامي حاولوا يهدوه، يزن وهاني سمعوه وخرجوا بسررعة لعنده ، يزن مسكه يهديه وياسر يداهفه بكل قوته يزن: إهدأ يا ياسر والله بنحلها وندبرها لا تفضحنا ياسر يصيح: والله محد بيشلها وماتتم خطووبة ، يحرررم عليها كل رجال الأرض، خسرها أمير هو الوحيد اللي كان يستحقها من بعدي ، فمحد يستحقها بعدي إذا ماكنتش أنا أو أمير محد بيشلهااا إن شاء الله حتى أخطفها ولا حد يقرب لها يزن يكتفه: خلااص إهدأ إحنا بنخربها بطريقتنا ياسر يصيح: لااا محد عيخربها أنا اللي بوقفه وأحط للكل حد وأخربها والله محد بيشلها غيررري هذه البنت خلقت من شاني ياسر حاول يفك نفسه من يزن ماسكه بقوة ياسر دهف يزن بقوته وصرخخ: خلاااص فكككك لي فككككك فكككككككك يزن انصدم من عصبية ياسر حب يتركه يتصرف على راحته ياسر دخل على طول للمجلس وشافهم يتكلموا ويتفقوا، الكل شافه أبو هاني وأبو ياسر شافوه وعرفوا إنه بينثرها ياسر يصيح: جايين تخطبوا هنا!، ماعندنا بنات للزواج ويلا إتوكلوا @rewayatyamania المصدر الأول للروايات المجلس كله وقفوا منصدميين من اللي يسمعوه: ماله هذا..... كيف مافي بنات للزواج...... لو مش موافقين ليش يجيبوا الناس لبيتهم...... هذا أكبر عيييب...... شكل الزواج فيه غصب ومش برضى أحد الطرفين..... أهل العريس يشوفوا لعند ياسر وهم معصبين بقوة الحج صالح معصب: ياسر إخرج من هنا ياسر بنفس العصبية: مابطلعش ولا بخرج، هذه البنت والله ما تزوجوها إلا على جثتي، على جثتي ياسر إلتفت لعند عائلة العريس: البنات هنا مايخرجوا إلا لعيال عمهم ورجع شاف لعند جده: وإلا كيف يا حج صالح مش هذا قولك والا القول لحسام بس، دام البنت لإبن عمها بنت طه لإبن علي، وما خلق اللي بيشلها إلا إبن علي أبو ياسر: خلاص ياابني إهدأ ياسر يصيح: محد بيشلها محدددد، يلا خذوا حاجاتكم ويادار مادخلك شر وما عندنا بنات للزواج مافيش لكم عندنا نصيب أبو العريس معصب: كيف يا أبو هاني ماهو هذا الخبر أبو هاني راح بيهدي ياسر،، ياسر مفكر إن عمه غصب رانيا على الزواج وزااادت عصبيته ويصيح بأعلى صوته: اااااااااااااا قبض يده ووجه لكمة لوجه عمه أبو هاني وماكان بينه وبين وجه عمه إلا شعرة، إستوعب اللي كان بيفعله مسك نفسه في آخر لحظة أبو هاني مفتح عيونه للآخر وهو يشوف ملامح ياسر اللي وجهه محمممر من الغضب وبدأ يتحوول لسواااد وعيونه المدمعة اللي شااف فيهم الخووف ، الخووف من إنه يفقد رانيا بنته ، خوف من خسارتها وضياع حبيبته ، أبو هاني أدرك من خلال شوفته لعيون ياسر المدمرة الخائفة عرف إنه هو اللي يستحق رانيا مش أحد غيره ، شاف بعيونه الحب الكبيير لرانيا وبهذه اللحظات عرف يفسر كل تصرفاااات ياسر ياسر هدأ ونزل يده ووجهه للأرض أبو هاني لأهل العريس والناس: المعذرة منكم على كل اللي حصل الناس قاموا يمشوا اللي مستغرب، واللي معصب، واللي يحلل ويبدي برأيه بعد ما الكل خرج، ياسر شاف للكل بنظرات عتاب وإنكسار وأولهم يزن: هه كلكم غدرتوني الله المستعااان الله المستعان عليكم لانتم أخوة جاء يزن بيتكلم: ياس..... ياسر وقفه وتركهم ومشي، يزن عرف إن ياسر بيروح لعند رانيا وما بيحصل خير، ولحقه بسرعة ، طلع لشقة عمه أبو هاني وفتح الباب بقوة لما رزعه رانيا وسارة نكزوا سارة بخوف: ياسر مااالك للمه بترزع الباب هكذا؟ ياسر شاف رانيا بعتاب: أنتي منش صدق وافقتي؟ رانيا بجدية: أيووة وافقت ياسر يصيح: ليييش ليييييش توافقيي ليييش رانيا بعصبية: وافقت لأنك أنت السبب أنت اللي خلاص عشت بعالمك وتتجاهلني وتتهرب مني وتجرحني بالكلام ، وكلللل هذا بدووون سبب ولا مبررر وخليتني بكل ثانية ودقيقة وأناا ادوور في نفسسي غلط أيش عملت فيك، جنننتني من كثر ما أفكر ، وأنت بس أناني ماهميت إلا نفسك وأناا أييش أيييش؟؟؟؟ المفروض قد خطبنا وأنت تضيع كم من فرصة، وأنت مبوورد ولااا على بااالك، أنت أتغيررت عليااا فييي حاااجة فيني حاااجة قوووول يا ياسر قولل وريحني ياسر ساكت رانيا: هااا وعاد تزعل ليش بكمل حياتي؟ وحياتي يا ياسر ماهي واقفة عليك ، وأنا مش لعبة بيدك يا ياسر تتجاهلني وتتغير عليا مثل ماتشتي وتحبني متى ماتشتي، طبييعي بشوف حياااتي ياسر بكل عصبيته صرخ: رانياااا انا افعل هكذا لانننه يزن وهاني نبعوا مسكوه وسكتوه ياسر استوعب انه كان بيتكلم غمض عيونه وفتحها: إنا يا زعم بتفعلي هكذا تزعليني وتقهريني؟ رانيا: لا عاد بقهرك ولاا بعاندك بس ما دام الموضوع مايهممك ورانيا ماعد تهممك أنا بشوف حياتي يا ياسر ياسر صيح بأعلى صوت: رانيااااااااا رانيا بنفس صياحه: أيششش...... https://t.me/rewayatyamania/53778 📚 @rewayatyamania  🇾🇪