. البـارت 373 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 إياد فلتت دمعة من عيونه ما درى أيش من مشاعر هاجمته هذاك الوقت وجهه حممر من القهرر فوق ماهو تاعبب غمض عيونه عشان مايبكي الكل فهم إنه تذكر أمه سحر ماعدا يزن والبقية اللي فاهمين ليش إياد بكي . . اليوم الثاني أجتمع ياسر ويزن وهاني وحسام  ورامي وأبو ياسر وأبو هاني ، شرف جلس بالمستشفى مع إبنه أجتمعوا الكل وراحوا كلهم بالسيارات للجامعة الطلاب من لما أبسروهم خافوا يحسبوهم عاملين مداهمة للجامعة دخلوا للجامعة بهيبتهم وسألوا عن أديب بس مالقوه، أديب عامل إحتياطاته وهرب حتى من بيته متخبي لأنه يعرف إن عائلة آسيا كبيرة وما بيسكتوا له حاولوا الشباب يأخذوا عنوانه وراحوا لبيته يسألوا ومش موجود رجعوا ويدهم فاضية مقهورين إنهم مالقوا أديب،، حسام جلس تحت بيت أديب يراقب لو يجي أو شي . . في المستشفى في غرفة إياد كان عنده داليا وآسيا وياسر ويزن يزن ينفخ: الآن كيف نلاقي هذا النذل؟؟ إياد بحرقة قلب: والله لا نجيبه خليه بس يظهر قدامنا ياسر: إن شاء الله داليا بتفكير: أنا بجيبه لكم الكل: كييف؟! داليا: الآن حسام البنات كلهم معجبات فيه صح ؟ آسيا بقزازة: مع الأسف داليا: خلاص جيبي لي رقم أديب إياد بغيرة: لييش؟ يزن يصيح: لا لييش؟؟ داليا: أنتم ماعليكم أنا بخرج لكم أديب إياد والغيرة تأكله: لااا يعنييي لا ياسر ركز لردة فعل إياد إن غيرته أكثر من غيرة يزن داليا بعناد: إلا إياد سكت وهو ناوي يقوم ويخنقها ياسر: أيش برأسك؟ داليا: على أساس إن انا بين أحب حسام إياد قام يجلسس: لااا مستحيييل آسيا ركزت: دلا عليك يايزن إياد ركز على نفسه وشاف لعند يزن بمعنى بنثره أنا يزن رجع إنتباهه لعند داليا: أيوة كملي داليا: بقول له إن انا بين أحب حسام وأشتي آسيا وحسام ينفصلوا يزن: طيب أيش بتستفيدي ورقمه مغلق، وكيف بيصدقك؟ داليا: ما عليكم من كاشف الأرقام بكتب إسمه ويطلع رقمه الثاني اكيد دام مغلق معه رقم ثاني ياسر: خطيييرة إياد شاف لياسر ينظرات سكتته داليا خرجت التلفون وبدأت تخرج رقم أديب من كاشف الأرقام إياد بتنبيه: داليا لا تراسلي من رقمك الأول، بالجديد اللي قطعته لك، و بعدين سهل أغيره لك داليا: تمام تمام دخلت وراسلته: السلام عليكم أديب رد: وعليكم السلام، من؟! داليا: واحدة أديب: من وين جبتي رقمي؟؟ داليا: مش صعبة، المهم يا أديب بلا لف ودوران أنا سمعت أيش عملت بآسيا وحسام أديب يغالط: مافعلت ايش قد بتتبلوا عليا داليا: لا نلف وندور على بعضنا، لأني أنا أحب حسام ومتمنية إنفصالهم اليوم قبل بكرة أديب: المطلوب؟! داليا أرتاحت: أولا أنا رفأ أديب أفتهم له: أهاااا رفأ داليا: تعرفني؟! أديب يذكر لما آسيا شكت لبشرى من حسام وعن رفأ وبسخرية: من مايعرف بحبيبات حسام؟؟ داليا: أديب بلا لف ودوران أنا وأنت عندنا نفس الغاية أنت شل آسيا وأنا بشل حسام، أنا حاولت وماقدرت بس بمساعدتك بنقدر نفرقهم أديب: طيب براسك شي؟! داليا: أيوة بس مااقدرش أكلمك بالتلفون، مابه إلا رأس براس أديب: خلاص تمام أدي الوقت المناسب وبنلتقي داليا: خلاص تمام، بكرة برسلك الموقع وتجي أديب: تمام داليا أبتسمت بنصر وورتهم المحادثة ياسر: ينصر دينك ياشيخة يزن مش محب الفكرة بس من شان يلاقوا أديب يسايرها، أما إياد نظراته بتأكل داليا وياسر بنفسه يقوم يضرب ياسر وداليا ياسر قام لعند إياد وبهمس: هدي مش هكذا الغيرة إياد بسخرية: من اللي قبل يومين جنن وطرد أمة من بيته؟؟ ياسر فهم عليه: ههههههههههههههههه الكل لفتوا مستغربين بمعنى الآن وقت الضحك ياسر سكت ويهمسس: وقعت ومحد سمى عليك ههههههههههههههههه إياد بقلة صبر: أنا فدالك يا إياد خرجه من عندي داليا مركزة على تصرفات إياد بس مش متأكدة @rewayatyamania المصدر الأول للروايات في المستشفى آسيا جالسه جنب إياد ، وإياد شافها إياد شاف لشرودها: آسيا لا تقلقي كل شيء بيسبر آسيا شافته وبتردد: بس أشتي أكلمك يا يزن إياد بانتباه: قولي آسيا بصدق: والله العظيم إن أنا مش هكذا وما رسلت له الصور ولا شي والله.... إياد قاطعها بسرعة: لا تكمليش أنا عارفك وعارف بأختي وعارف إن أنتي من أفضل البنات وأشرفهن وأحسنهن أخلاق آسيا إستغربت: بس أنت ما تعرفنيش أنت تعرفت عليا من وقت قصير!؟ إياد إبتسم لها: عرفتك من مدة قصيرة لكن عرفت معدنك إلتفت للشق الثاني وشاف للفراغ: بالأخير في بنت بريئة ومظلومة مرت بالذي هو أسوأ منك بدون ما تعرف " يقصد داليا بس ما قال من هي " آسيا إستغربت من كلامه بس ما جاها فضول إنها تسأل، بس إكتفت إنها إرتاحت...... https://t.me/+Ecxq_OzMYh40M2E0 📚 @rewayatyamania  🇾🇪