. البـارت 375 ☆ مشـاعـر مسمـومـة 💜 للكـاتبـة: صفـاء السـامعـي 👌🏻👇🏻 😍 📚 @rewayatyamania  🇾🇪 يزن بعصبية: إفتح إفتح تلفونك سريييع أديب فتحه ، ويزن دخل للذاكرة وشاف فيها كل صور آسيا أفتجععع، شل التلفون وكسره هو والذاكرة تحت صدمة الكل وأولهم أديب حسام خلاااص وصل حده من العصبية طوالي قام وبيهجم على أديب يزن مسكه: مانشتي نبتلي فيه وجدي جاب له كلمة محد يمسه حسام بصياح : هذا ال*** لعب بشرففي لعبب بشررفي يزن بعصبية: محد يهم شرف أختي قدي حسام: يعني نسكت له صح أين رجولتك يا إياد؟! يزن حاول يمسك أعصابه أكثر : حسام إتمسسى وإنقلع من قبالي هذه الساع الحج صالح: ماقلت أنا محد بيمسه، ودوه الشرطة وإرفعوا عليه قضية شرف شلوه الشباب للشرطة ، أديب بمهارة عرف يهرب منهم قبل لا يدخلوه لمركز الشرطة حسام وصل لعندهم معصبب: كييف تخلوه يهرررب كيييف؟! يزن: إهدأ الآن مكانه بنعرفه هكذا وإلا هكذا ، أنا الآن بروح أشوف أخي حسام عصب هزر يزن: بتروووح أين؟! كله بسببك هرررب بسببك يزن غمض عيونه وقده واصل حده من حسام فلت فيه فلتة محد قدر يخارج أو يفرع لحسام ، يزن مارحمه ولا عاد يستضي قدامه حاجة ياسر سحب يزن من فوق حسام بصعوبة رامي: مايسبر هكذا يا إياد يزن بنفس العصبية: الآن هذا وقتتته هذااا وقتته مشش أديب الغلطان أنت يا حسام أنت سمحت لهذا الخبيث يدخل بيننا لكن واللي خلقهم سبع لرد إعتبار أختي واشل حقها وأولهم منك أنت وبتشوف يا حسام وبتعتذر لها قدام الكل ، ودم أخي عاد بنتحاسب عليه والله ماينزل القاع دم أخي وبتشوفوا كلكم @rewayatyamania المصدر الأول للروايات راحوا الشباب للمستشفى آسيا كانت هي وأمها عند يزن "إياد" بس ولا واحدة تكلم الثانية ، شرف أحتار فيهم دخلوا لعند إياد إياد بلهفة: بشروا لقيتوه؟؟ يزن راح وباس رأس أخته: ماعاش اللي يشك فيش، وماعاش من ينزل رأسنا ياسر: الحمد لله نجحت الخطة وأديب غرد مثل البلبل بكل شي وإنه شل الذاكرة لما نكعت شنطتك منك ونكعت الذاكرة وإستغلها وأرسل منها صورها آسيا بكت غلب وقهررر بكت وهي تشوف لأمها بمعنى شفتي تربيتك أم إياد بكت مادرت أيش تفعل هاجمتها مشااعر الندم إنها أتسرررعت وظلمت بنتها  إياد ارتاح: الحمد لله، الآن وين هو؟! هاني: مع الأسف هرب قبل لا نسلمه للشرطة إياد بعصبية: أين بيروح والله لأنكشه من تحت الأرض عاد ما لاقى نصيبه مني آسيا تهديه: أسألتك بالله يااخي لا تبتلي فيه وبيلقى جزاته وربي ينتقم منه بالدنيا قبل الآخره دام ظهرت الحقيقة ماعاد يهمنيش الباقي يزن: إلا يهمنا ومش بس إحنا بنخليه عبرة لكل واحد يستغل صور بنات الناس ويبتزهم . . كانوا الشباب كل يوم وهم يراقبوا الجامعة وبيت أديب وطول هذيك الفترة وأم إياد هي اللي تهتم فيه وما رضت تروح البيت ، إياد تعلق فيها قووي وهو يشوف حنيتها عليه أم إياد تحاول تعتذر لآسيا وآسيا مقهووورة منهاا قوووي ماقدرت تسامح أمها خذلانها منهها كاان كبيير شرف حاول يكلمها: روحي يارقية إرتاحي وأنا مابفلته أم حسام: أيوه روحي إرتاحي أنا اليوم بجلس معه أم إياد برفض وبدون ما تشوف زوجها: بجلس جنب إبني شرف حب يستفزها عشان تتكلم معه لأنه لاااغية فكرة وجوده تماماً: بس يزن مش إبنك هو إبن سحر أم إياد بإنفعال: لا إبنييي إبن سحر إبني ، واللي هو إبنك هو إبني، وأخو عيالي إبنيي مثل ماكانت سحر أم لإبني إياد أنا برد لها الجميل وأعوض إبنها إياد سمعهم سكتة وفي نفسه: حسبنا الله عليك ياحج صالح، كم تعذبت هذه المرة وكم تجعجعت من تحت رأسك . . عند سارة كانت جالسة تفكر في كلام نجاة معاها ، وتتذكر أيش قالت لها وإنها كيف تحب إياد " يزن " ومتعلقة فيه.... هززت رااسها بقووة تشتي تنفض عنها الأفكار وو تطرد صوت نجاة وكلامها من راسسها  سارة بينها وبين نفسها: لا لا أنا مش متععلقة بإيادد و لا أحببه ولا أي شي أبداً  لااا لاا مششش صححح وفي وسط كلامها مع نفسها سمعت صوت الباب يدق سارة نكزت: تفضل دخل يزن: سارة سارة تلبكت على طوول من لما شافته وتحس إن قلبها بيخرجج من مكانه من قوة دقاته ، وخافت لو إن صوت قلبها يكوون مسمووع: أيش تشتي؟؟ يزن مستغرب من توترها: بس جيت أتطمن عليش ليش ما نزلتيش!؟ سارة تتهرب: ولا شي بس أشتي إجلسس لوحدي يزن قلق عليها: ليشش أيش فييش تااعبة والا أيش فيش؟ لا ما تجلسيش لوحدك ما تجلسيش تفكري سارة تطمنه: لا لا لا تقلق والله ما أفكر لا بأسامة ولا بشي بس أشتي أجلس لوحدي يزن إرتاح: طيب تمام بس لا تطوليش  خرج ، وسارة حطت يدها على قلبها وجلست تتحسسه وتتحسس نبضاته سارة: ياالله كيف قلبي ينبض هكذا بشددة أيش في أيش هذا الذي يحصل معيي قامت...... https://t.me/+Ecxq_OzMYh40M2E0 📚 @rewayatyamania  🇾🇪