. البـارت 386 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 إياد بتعب: الآن بقدر أمرض براحتي لما أتعافى كنت مستحيل أتعافى والحيوان هذاك هارب أم هاني دخلت ومعاها شوربة: قوم يا ولدي قوم كل الله يهديك أنت وجنانك إياد بتعب: مااشتيش هاني قومه: كل يلا إياد: مش قادر هاني عقد حواجبه: هاه أما تسير لأديب وأنت ميت تعب وتضربه لما يفتتح جروحك قادر أما تبلع لك لقمة تفيدك مش قادر صعبت عليك!!! الكل ضحك رغم قهرهم وخوفهم عليه أبو إياد في غرفته مابين تفكيره بسحر ورقية شرف أخذ نفس عميق: صعب أعيش باليمن يا سحر بعد كل اللي فعله أبي وأنا ولا عاد دريت من ظلم رقية هو أبي اللي ما خلاني أطلقها والا أنا اللي سمعت كلامه . . يزن حب رأس آسيا: أرتحتي آسيا أشرت بمعنى أيوة وببكاء: رغم القهر اللي فيني يا إياد أنظللمتتتت أنطعنت بشرررفي بس اليوم وطيت رؤوسهم ورفعت رأسي يزن مسك خدها وبحنية: يا آسيا يا قرة عين أخوش، الله الله بنفسك وقلبك لا تكلمي أحد ولو نيتك صافية لا تخلي ولد يستغلك بسبب إهمال حسام لك ولعيالك، أنتي ما تعرفي جنس آدم خبببييييث أخبث من ما تتوقعي يا آسيا، ما يدخل لبنت إلا لغاية مسألة الأخوة مجرد وسيلة عشان يوصل لأهدافه أنتي غلطتي وأنا واجبي أنصحك بعد الغلط وشفتي خباثة أديب مافيش ذكر ينوي بأثنى خير واللي راغب ويحب هو يجي بالحلال وما يأذي اللي يحبه، صح أكره حسام وهو خبيث مع البنات بس عمره ما أذى بنت بشرفها غلطان واستغل عواطفهن وجرحهن بس وصل لك أنتي بالحلال، أنا ما أدافع عنه بس أقارنه بأديب اللي فعله فيش آذاش شوه سمعتك أستغلك ويقول يحبك هذا ما يحبك واللي حبك هو اللي شلك غصباً عنك كمان ، شك فيش وغلط تمام بس كمان ما سكت عن كل اللي حصل وجلس بعد أديب لأنك شرفه وعرضه بالأخير هو رجال ويعرف خبث الرجال، اللي أشتي أقوله لك أنتي حواء تفكري بعاطفية وقلب صافي ونقي، لكن هو آدم يفكر بعقلانية وبقلب خبيث أسود، الله الله على قلبك وسمعتك حافظي عليها من وحوش بشرية تحت مسمى أخوة واتمنى لك كل الخير وبقلبه أخبث من ما حمله فرعون لنبي الله موسى، لا تسمحي المجال برجال يستغلك، وبالأخير كلنا غلطانين كلنا مذنبين أنتي مالك ذنب، حسام أهملك وما سأل عنك وإحنا بعده أنشغلنا بالمشاكل كلها اللي حصلت وأهملناش وما سألنا عنك وجاء واحد يسأل عنك وعن عيالك اللي حصل هو عقاب إن احنا تركناش لوحدك وهذا الذنب ذنبنا وغلطنا وأنا آسف نيابة عن الكل يا آسيا آسيا حضنته وبكت: لا مش غلطكم مش غلطكم هذا غلطي أنا وحدددي أنت ما قصرت معي أبداً أنا اللي كنت أخبي عليك عشان ما أزيد فوق همومك هموم أنا أشوف وضعك مع سارة ما حبيت أكسرك فوق كل اللي يحصل بها بالذات يزن صح ما يحبني بس ما أهملني أهتم بي وبعيالي لدرجة عيالي يحبوه أكثر مني أنتم ما قصرتوش بس هذا ذنبي أنا وغلطي لوحدي يزن حبها برأسها وابتسم: يعني أيش دخل مشاكل سارة لما ما تكلميني عن مشاكلك آسيا بصدق: لأنك تحبها أكيد تكون كل مشاكلها هموم فوق قلبك ما بتقدر تشوفها مكسورة يزن زادت إبتسامته كيف أخته كمان قدرت تفهم مشاعره اللي هو عجز يفهمها: اليوم تقدمت لها آسيا تركته وضحكت: وأخيراً صددددقققق بتشلللهاااا يزن ضحك لضحكتها: أيوة صدق صح رفضت بس بشلها آسيا قبضت يدها ومدتها له: أنا عارفة ما معي وبتشلها يزن قبض يده ودقها بقبضة يد أخته: بشلها وهذا وعد آسيا نبعت بفرحة وحضنت أخوها زي الأطفال يزن ضحك: ذلحين أنتي أم إثنين أشتي أعرف من كذب عليش عيعقلوا جهالش قبلش آسيا مرتاحة إن علاقتها بإياد " يزن" تحسنت بالأخير أسلوب الحنية والحب يغلب كل الأساليب @rewayatyamania المصدر الأول للروايات عند فيكتور مستغرب وهو يقلب بمواقع التواصل الإجتماعي والحاجات اللي تظهر له أتصل للضابط الكبير اللي معه وسأله عن بعض هذا المواقع الضابط: المواقع التي سألتني عنها هي محجوبة علينا فيكتور عقد حواجبه وغلق رجع يقلب بمواقع التواصل الإجتماعي وكأن هذه المواقع تعرف أيش يدور في ذهنه من تفكير وأسئلة، وفي نفسه ليش هذه المواقع محجوبة في أمريكا هل الإسلام يسبب خوف على مجتمعهم أم أيش بالضبط ليش في دولته ما تظهر له هذه المحتويات والمواضيع الإسلامية والدينية، يفكر بكلام أسيناد ويقلب حصل بكل ما يريح صدره وأكمل البحث عن كل ما يدور بداخله من فضول . . يوم بعد يوم أسبوع بعد أسبوع والكل يحاول يرضي آسيا بس عبث، كمان الكل يحاول يقنع سارة توافق على يزن بس عبثث كمان هكذا مر الأسبوعين اللي فاتوا . . 20 أكتوبر 2024 رواد دخل بالجاتوه: سنة حلوة يا جميل، سنة حلوة يا جميل، سنة حلووووة سنة حلووووة سنة حلووووة يا جميل رفأ دخلت شطح وهجوووم: أسوووووووو يا ربببححححة سنة طيبة يارب وكل عام...... سكتت وهي تشوف...... 📚 @rewayatyamania  🇾🇪