. البـارت 398 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 يزن بكذب عشان العائلة لا تنكسر وتنهار مرة ثانية: ياجماعة لا تخافوا هاني اتصل لي من كبينة كلمني قبل قليل يشتي يجلس لحاله ويريح نفسه شوية وقال لا تقلقوا عليه فترة قصيرة ويرجع لكم يمكن يروح لعدن أو الحديدة الكل فرحوا بس بنفس الوقت يشتوة يعرفوا مكانه سارة: أمانتك يا إياد إنك ماتكذب يزن: والله حتى قبل لا يمشي وصاني عليش وأمني عليش ، بس أنا كنت قلقان من جيزكم وأشتي أدرى وين راح يعني الأقل إطمنوا إنه هاني مع نفسه وبينتبه لنفسه: إن شاء الله أرتاح الكل ماعدا يزن: الحمد لله يزن حلف على التوصية حلف صادق . . في المستشفى ابو روان كان جالس مع أبو همدان، واقف معه من أول يوم ويروح ويجي، وأم روان وروان ونجاة جووا للمستشفى وزاروا أم همدان، لكن مع الأسف على وضعها أبو روان: لا تقلق يا أبو همدان خليك هنا وكل الشغل بنمشيه أنا ونجاة لا تهم حاجة أبو همدان ممنون: ما تقصروا بالرغم من مصيبة عائلة الحج صالح إلا إنهم كل يوم يزوروا همدان ويجلسوا يغيروا من جو زكريا ويقووا له معنوياته ويروحوا يوقفوا مع هيثم بالمستشفى سارة بدأت تتكلم مع الكل وتزيد بالكلام مع يزن ، ويزن يحاول بكل قوته يخرجها من الإكتئاب اللي هي فيه، سارة فكرة بدماغها إن وجود يزن "إياد" منسيها وجعها، وجود إياد منسيها كل ذكرى سيئة عاشتها مع أسامة وأبوه.. وجود إياد مصدر راحة لها، يعني مش متخيلة الحياة بدوونه . . في الليل ببيت الحج صالح حسام جمع الكل وعلى رأسهم جده حسام: يا جد أنا أشتي أرجع آسيا وأشتيكم تجوا معي نردها وتحاولوا معي تقنعوها ترجع يزن ضحك: بهذه السهولة؟ بهذه السهولة بترجع لك ؟؟ حسام: شوف يا إياد أبوها الآن عايش وأنا بروح لعنده رأساً وخليك بعيد إياد عصب: كلمة أبي هي كلمتي ، روح كلمه، وبعدين من قال لك إن آسيا بترجع لك! فارح بنفسك أنت! لا أنا ولا يزن ولا حتى أبي موافقين آسيا ترجع لك وبتطلقها يا حسام، حبيبي وصلتم أختي لحلق الموت بينها وبين الموت شعرة، إعتبرها ماتت وكمل حياتك حسام: يا إياد لا تعاندنيش ولا تتعبنيش خليني أرجع مرتي يزن: مافيش معك مرة إفهمم، تشتي مرة سير إتزوج أختي مش لعبة عندك تحبها وقت ماتشتي تخونها وقت ماتشتي، تقذفها وقت ماتشتي، تقتلها متى ماتشتي، إبدأ إفهم الزواج والعلاقات كيف وبعدين جي طالب بمرة أم إياد ضحكت بسخرية: بتتعب كثيير يا حسام ، آسيا لليوم مش راضية تشوف لوجهي ولا تسامحني وأنا أمها أمهاا تعرف أيش يعني أمها ، وإلا أنت اللي صدقت ورحت ضربتها وحاولت أنت وأبي قتلها وتشتوها تسامحكم!؟ الحج صالح عصب: بدل ما تروح تعقل أختك وترجع والبنت مالها إلا بيت زوجها وعيالها مالهم إلا أبوهم يزن: أرجع اختي سلاماات بعد اللي فعلتوه فيها نرجع له أختي مكافأة له على اللي فعله فيها صح ؟؟ ومن قال لك ما بيت المرة الا زوجها، اختي بيت أبوها وأخوتها مفتوح لها لو نشتري لها قصور، اما مالها الا زوجها هذا مثلكم ومعتقداتكم عندنا البنت بيت أهلها وكل أهلها لها قبل زوجها ، وعيالها هم عيالي وعيال يزن ما بنقصر عليهم لا مادياً ولا معنوياً الحج صالح وحسام: إحنا بنسير يزن يضحك بشماتة: يلا روحوا وبترجعوا مكسورين وعلموا على كلامي أنا أنصحكم لا تحرجوا أنفسكم بسر لعند جده: بتحرج نفسك مع إبنك وتعرف بيرفض طلبك أبو هاني رحم حسام: يا إياد حاول مع آسيا ترجع وحسام عرف غلطه يزن: أنا ما بردهاش إلا إذا وافقت آسيا يقع خبر ثاني وعلى عيني  ، أما آسيا ترفض والله العظيم ما أردها له @rewayatyamania المصدر الأول للروايات وصلوا الحج صالح وحسام وأبو هاني وأبو ياسر ورامي لبيت أبو هند  شرف يفتح لهم الباب بدون مايجيب أي كلمة دخلوا المجلس أبو هاني: اليوم جينا نرجع آسيا لحسام، حسام عرف غلطه شرف بعصبية وسخرية: أرجع بنتي لشخص خانها وعذبها وقذفها وظلمها وشك فيها هو يخون عادي أما لما عرف عن آسيا وهو كذب وإفتراء جن جنونه وكان يشتي يقتلها، دام هكذا المفروض إن احنا نقتله الحج صالح بهيمنة: هو رجال شررف بنفس الأسلوب: ها يعني هو رجال مسموح له بدينكم يخون ويلعب على كيفه أما إنها بنت لااا مست كرامتكم ونزلت رؤوسكم بين التراب صح مع إحترامي لك ياباه يكفي اللي فعلته فيني وقهرتني وظلمتني أنا ورقية وسحر، وأنا مابظلمش بنتي نفس الظلم اللي فعلته لنا وما بكررش غلطك بعائلتي ولو تنطبق السماء على الأرض ما أرجع بنتي لحسام مستحييل أخلي بنتي تعيش مع واحد ما يقدرها، دام بنتي ماتشتيش يعني يا حسام خلي معك كرامة وجيب ورقة بنتي لهنا ومعك أسبووع بالكثير ماجبت الورقة بنرفع عليك قضية خلع....... 📚 @rewayatyamania  🇾🇪