. البـارت 410 ☆ مشـاعـر مسمـومـة 💜 للكـاتبـة: صفـاء السـامعـي 👌🏻👇🏻 😍 📚 @rewayatyamania  🇾🇪 رقية تبكي بحرررقة: والآن إن شاء الله اللي ضروري إن انا أكسبه هو ولدش يا سحر بكسب يزن وأجيب له الحب اللي جبتيه لولدي بس كمان بفعل مثلك وما بخليه ينساش تركت الدفتر وزاد بكاها أكثر بكل حرقة قلب لما نامت بدون شعور . . بعد يومين المهكر قدر يحدد موقع هاني وأتصل ليزن يزن رد: أرحب المهكر: حددت موقع هاني يزن بفرحة: ويين؟ المهكر: إبدأ حول لي بالألف الدولار لحسابي هذا وأنا أرسل لك العنوان يزن: تمام الآن يزن حول للرجال الفلوس، والمهكر رسله بالموقع حق هاني يزن نبع وسار بسررعة بعد الموقع حق هاني وصل لحارة قديييمة وشبه مهجوورة الموقع أخذه لعند دكان صغير غرفة صغيرة حواليها قمامة وماء راكد يزن ماعرف يتحمل الريحة غطى وجهه بالشال ويدق الباب بكل قوته مافيش رد يزن زبط الباب بأرجله وبكتفه ويصيح: هاااااني هاااااني إفتتتح لي الباب أنا إياااد، هاااااني إفتتتتح مافيش رد من داخل، يزن دهف الباب بكل قوته لما وصل لنص الغرفة وأبسر هاااني مستلقيي مثل الجثة تمااااماً ولا حركة يزن حمل لعنده بفجعة: هاااااني هااااني ماااالك إصحى أنا فداااالك شاف شفايفه زرقاااء وحس نبضه مافيييش نبض، أفتجع حمله للسيارة وطار فيه للمستشفى يزن مفتجع لا يقع فيه حاجة أتصل لأبو هاني أبو هاني: ها يا ابني يزن يلهث: ياعم لقيت هاني ووضعه مش تمام بوديه المستشفى، لاقونا هاناك أبو هاني ظلمت الدنيا بعيونه وجنن: ماتقووول يا إياد يزن: هذا اللي حصل ياعم بسررررعة أنا بعيد من المستشفى روحوا أقطعوا ورقة للعلاج يمكن يموت بأي لحظة مافيش نبض أبو هاني برعب: حسبنا الله ونعم الوكيل يلا يلا بسبق الحج صالح: خير ياولدي؟! أبو هاني جنن: إياد لقي هاني والآن بيودوه المستشفى الكل أفتجع عليه، وسارة ورانيا يبكوووا عليه بحرررقة أم حسام: أنا فدالكن لا تبكين مابيقع فيه إلا كل خيير أبو هاني والحج صالح وأبو ياسر وحسام راحوا للمستشفى، وصلوا المستشفى قبل يزن يزن وصل لباب المستشفى قفز حسام لعنده وأنصدددم من منظر هاني يزن بعجل: حسام إحمل هاني معي حسام ويزن أخذوا هااني ودخلوه للمستشفى والممرضين جابوا نقالة أخذته للطوارئ أبو هاني منهاااار على إبنه: هاااني هااااني ولدددي ماوقع بك من فعل فيك هكذا يزن مسكه وجلس عمه وخلوا الممرضين يسعفوا هاني أبو هاني متبلد: ماله يا إياد ماله ولدددي الحج صالح: خير يا إياد وين لقيته يزن: أنا بحثت عليه وراقبت إشارة تلفونه لما وصلني موقعه أبو ياسر: وين؟ يزن: لقيته بغرفة صغييرة بحارة شبه مهجوورة والغرفة قذرررة قذرة بشكل ما تتصورووه حسام منصدددم: هاااني النظيف المررتب اللي كل يوم يتغيروا ملايات سريره يعييش بغرررفة قذررة!!!! أبو هاني مش مصدق: مستحييييل يزن: إلا ياعم وهذا اللي حصل الحج صالح بقهر على حفيده: ماحمل عليه ايش اللي جرا له؟؟؟! خرج الدكتور،، قاموا بسرعة لعنده يسألوا ويطمنوا على هاني الدكتور: ولدكم مافيه أي حاجة كل اللي فيه مررض نفسي وإضطراباات نفسية حااادة مما أثر على إضطرابات قلبه وتشنج بالقولون العصبي بشكل حاااد وإنتفاخات بالقولون، ليييش للآن صابرين على مرضه، الولد له مدددة من المعاناة الكل عاجزين بقلة حيلة وهم يسمعوا الدكتور وإنهم ماعرفوا مكان هاني من زمان الدكتور: الولد يحتاج علاج نفسي مش علاج عضوي لأن العلاج الوحيد لإضطرابات قلبه وتهدئة القولون العصبي هو العلاج النفسسي رامي جاء للمستشفى يجري: حسااام حسااام كيفه هاني حسام مقهووور: أخخخ أخخخ ياخي هااني تعبااان والدكتور يقول كل مرضه وتعبه نفسي وضروري يتعالج الحج صالح: الآن كيف نفعله؟ أبو هاني بقلة حيلة: مافيش غير نكلم أبو روان، وهو أدرى الحج صالح: أخخ أخخ أخرة أحفادي يجننوا ويتعالجوا عند دكاترة نفسيين أبو ياسر: صلِ على النبي ياباه هو علاج طبيعي نفس أي مررض ليش تفتجعوا لواحد يتعالج عند دكتور نفسي وتقولوا قد جنن؟!! الحج صالح  بإعتراض: أنتو أخبر إفعلوا ما أشتيتم رامي ما تحمل: أنا برووح لعند أبو روان وأكلمه الحج صالح: فرحتتك تروح رامي طنشه ومشي، وسار لمستشفى أبو روان أتصل على نجاة: هلا أختي نجاة: أهلين رامي رامي: أنتي بالمستشفى نجاة: أيوة، خير؟ رامي: بجي لعندك وأكلمك نجاة غلقت المكالمة وهي مستغربة على رامي وصوته . . وصل رامي ونجاة مريعة على أحر من الجمر رامي دخل وسكت شوية ونجاة مريعة له يتكلم رامي: لقينا هاني نجاة بفرحة: صدددق رامي بقهر: بس حالته مررررة صعبة يانجاة نجاة أنصدممت: ك... ككيف يعنييي؟ رامي: هوو الآن بالمستشفى........ https://t.me/rewayatyamania/53778 📚 @rewayatyamania  🇾🇪