. البـارت 417 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 داليا تشنجت وهي تبكي: تخللصتتت داليا تخلللصتتت بس سارة أيييشششش أيييشششش ، تخلصت من وجع لوجععع أكبر يا يزززن خلصتني أنا وتروووح تدمر سارة لييييشششش؟؟ يزن مقهور: ما بدمر سارة وسارة ما بتعرف إياد لكم الباب: طلبت منك تخلصنا لما تفعل شي من رأسك طلبت انااااا يزن: بريع لك لما تطلب يعني؟؟ وبعصبية: البنت هذه بنت خالي يا إياد بنت خالي ماهيش بنت من الشارع عشان أجلس مرتاح داليا ضربت نفسها بقوة: الله يلعنننييي الله يلعنننييي الله ياخذني حنبتووووا فيني وبشررررفي وبسرعة نبعت لعند لينا تضربها وتصرخ بكل قوتها: الله يلعنكم الله ياخذذذكم دمرتووونا دمرتووووونااا لينا حاولت تهرب والشباب مش قادرين يفكوا داليا أو يلمسوها لأنها محرمة عليهم بس يزن لأن لينا أصبحت زوجته قدر يسحبها ويخبيها وراه داليا صرخت: عااااادك تحميهاااا تحميييهاااا إياد يحاول يهديها: داليا اهدئي داليا جلست فوق السرير وهي تبكي بقووووة إياد من عمق القهر: وليش جبتها معك لهنا؟؟! يزن: طبيعي ما بخليها عند جان بالأخير قدها زوجتي داليا شافته بنص عين بقهر من كلمته إياد مقهور: ويارا بقيت مع جان لوحدها؟ يزن: وأيش دخلني بيارا هي راضية داليا أحترق قلبها من كلمة إياد وغيرته على يارا بهذه الكلمات قتتتلهاااا بدون ما يعرف بكت بقووووة لكن هذه المرة من شعورها الشديد بالغيرة من حب إياد ليارا إياد مش فاهم: داليا خلاص وقفي بكاء قد تزوج ماعاد يفيد شي يزن بتردد: لينا بتبقى هنا إياد وداليا التفتوا لعنده بنفس الوقت ونفس الالتفات هو التفات الصدددمة من اللي سمعوه داليا بقهر: جننت أنت صح جننت تشتيني أجلس مع الحقيرة اللي لها يد بدمار حياتي بنفس البيت أيش رأيك أزيد أكون أطبخ لها وأهتم بها؟؟ لينا ساكتة وهي تتسمع ووجهها بالأرض من الذل يزن مقهور: داليا خليها عندك ما معي إلا هذا الحل قولي إنها صاحبتك جت من أمريكا تشوفك أو دبري كذبة على إنها صاحبتك وبتجلس عندك مافيش وين أوديها داليا شوية وتجنن: وأنا أيش دخلني بالله أيش دخلني وين توديها ، وديها جهنم الحمراء أيش دخلني أناااا ؟؟ يزن يشوف معاها حق: عشاني يا داليا @rewayatyamania المصدر الأول للروايات داليا عصبت: مستتتحييييل مستتتتحييييل أنا أخون سارة مستتتحييييل يعني تشتيني أكون حقيرة وأكذب على أعز صاحباتي بإن زوجتك هي صاحبتي أنا مستحيل أخون سارة هذه الخيانة لو اموووووت ما أفعلها يا يزن ما افعلها او اكسرها بيوم من الأيام روح بكذبتك بعيد عني يا يزن إياد بهدوء: لو تشتي مرتك تكون بأمان شلها من عندنا لأنو ما أضمن لك إنها تكون بخير حياتها بتكون تحت رحمتي وبيجي يوم وأقتلها لك لينا خافت ومسكت يد يزن ويزن هزر يده بقرف يزن بقرف منها: أنزلي ريعي لي نازل لينا أشرت بمعنى تمام ونزلت وياسر شافها بقرف وطلع ياسر دخل لعندهم: مالها نزلت؟ يزن: داليا رفضت تكون معاها وما ألومها داليا ساكتة وكل المشاعر داخلها من قهر وغلب وغيرة وكل المشاعر إياد شاف ياسر بنص عين: وأنت عملك معي ياسر فهم إنه بسبب إنه خبى عليه حقيقة زواج يزن يزن مسك رأسه بصداع: وين بحصل لها شقة هذه بيوم وليلة؟ ياسر: وديها بيت هاني يزن: أيوة صح لكن كيف بقدر أشل المفتاح ياسر يفكر: اليوم وديها لفندق وأنا بجيب لك المفتاح إياد بقهر: للمصايب معك عقل ما شاء الله ياسر طنشه وهو عارف إن إياد ما بيهدأ إلا لما يشبعه بهذلة ورجم كلام يزن: خلاص معتمد عليك أنا بروح أوديها لفندق الآن داليا ضحكت بسخرية: أنتم عيال أمريكا ما تعرفوش عن اليمن شي وبالفندق ما بتقدر تحجز للينا وتروح ما يسمحوا لبنت لوحدها تجلس بفندق مابلا يكون معاها محرم ، جربت لما سافرنا أمريكا ما سمحوا لي بغرفة رجع حجزنا جناح وبسخرية: أحجز لك ولها لأنك زوجها وعيشوا تحت سقف واحد يزن قزز من مجرد خيال إنه يكون معاها بنفس الغرفة ياسر: سهل محلولة كلم رواد والا فيكتور هو بفندق رواد وقدهم أصحاب إياد ضحك ضحكة قهر صغغغيرة: طلعت الحلول بعد النكبة لكن قبل ما ينتكب ويتزوج الحقيرة ما قدرت تجيب له حل؟ ياسر ضبح: سد لقفك يزن خرج وفعلاً راح لعند رواد ورواد قدر يحجز جناح للينا بسهولة وبغياب يزن يزن دخلها للجناح: بتبقي هنا فيكتور كمان بهذا الفندق وكمان صاحبي هم بيجيبوا لك كل شي تحتاجيه وإذا أحتجتي شي ضروري كلمي فيكتور قده صديقك من أيام أمريكا لينا مقهوووورة: رح تتركني هون لحالي وفي كتير رجال بالفندق؟ يزن عقد حواجبه وخرج ما بقلبه: طبيعي أنتي كنتي لحالك مع جون بيوم من الأيام وبسخرية: والا جون ما كان رجال؟؟ وكنتي عايشه مع القذر جان والا أيش إستشرفتي الآن فجأة؟ مشي بعد ما سمعها...... https://t.me/+Ecxq_OzMYh40M2E0 📚 @rewayatyamania  🇾🇪