. البـارت 418 ☆ مشـاعـر مسمـومـة 💜 للكـاتبـة: صفـاء السـامعـي 👌🏻👇🏻 😍 📚 @rewayatyamania  🇾🇪 يزن عقد حواجبه وخرج ما بقلبه: طبيعي أنتي كنتي لحالك مع جون بيوم من الأيام وبسخرية: والا جون ما كان رجال؟؟ وكنتي عايشه مع القذر جان والا أيش إستشرفتي الآن فجأة؟ مشي بعد ما سمعها كلمتين سمين بدنها . . في بيت هند إياد شاف أخته ووقف: وأخيراً نزلتي آسيا: أبي حبسنا طالع وأستلمنا تحقيق المهم أيش تشتي؟؟ إياد فاهم حركة أبوه وبقهر حط دبلة ومحبس داليا بيدها إياد مد لها ورقة: لما ترقد داليا لبسيها هذه الدبلة والمحبس وحطي الورقة جنبها طيب آسيا إستغربت: ليش أيش حصل؟ اياد: كانت تشتي تفسخ بسبب الفيديو بس ما بسمحش يلا أنتبهي لها بروح الشقة قد رامي وزياد جننوني إتصالات آسيا: بأمان الله دخلت آسيا لغرفتها وهي تراقب إياد من الطاقة لما راح آسيا بشك: يزن كان يحبني وإياد كان يكرهني طيب جاء إياد يحبني وجاء يزن لليمن يكرهني؟؟ آسيا بخوف: يارب ما تكونوا فعلتوها وأنك يا يزن أنت أخي من أمي وأبي؟؟ مسكت رأسها بصداع وجلست وهي تفكر.... . . في اليوم الثاني في بيت رفأ رفأ جالسة بغرفتها تفكر وأخذها تفكيرها لعند رواد، شكله إبتسامته، ماقدرت تخرجه من تفكيرها رفأ بضبح: أوووف قد عتجنني يا رفأ مش لهذه الدرجة أفكر فيه حتى بأحلامي! حتى بأحلامي يااربي، بالرغم قد لي صحبة كثيير أنا وأسيناد بس ماقد فكررت بأخوها رواد قطع تفكيرها صوت تلفونها أخذته وبإستغراب: من هذا الرقم الغريب اللي يتصل؟ رفأ طنشت وخلته يرن لما فصل، عاود الإتصال مرة ثانية، رفأ ضبحت وردت وعملت كتم عشان تسمع الصوت من ......: رفأ يا حماارة أنا أسيناد رفأ فعلت الكتم وردت: هلا بحقي البقرة، ورقم من هذا؟! أسيناد: رقم أخي رواد رفأ سومت وسكتت وبينها وبين نفسها: لاااا مش لهذه الدرجة أسيناد: طبعاً تلفوني خرب وماعاد معي وقت أصلحه أو أشتري بدله، لأن شفت منك رسالة وما قدرت أرد عليها قلت الله أعلم أيش تشتي، المهم ياروحي تعالي لعندي أشتي أكلمك ضروري رفأ: عشان فيكتور؟؟ أسيناد: أيوة تعالي أشتي أكلمك رفأ: خلاص تمام، أدبر أموري وأجي لش أسيناد: يلا تمام حبيبتي بخلي تلفون أخي معي وبنتواصل عشان أدخلك الفندق رفأ: تمام يلا مع السلامة رفأ قامت تلبس وأتفقدت وضعها بالبيت ومتى أبوها بيرجع يعني عملت كل إحتياطاتها أسيناد طرحت التلفون فوق الماسة وخطت للمطبخ @rewayatyamania المصدر الأول للروايات بعد مرور الوقت رفأ تتصل لأسيناد: أسيناد جاها صوته الرجولي: عفواً من معي؟! رفأ رجعت التلفون وتشوفه: هذا الرقم اللي أتصلت منه الغبية رجعت التلفون لأذنها: عفواً يا أخي كنت أحسب التلفون بيبقى مع أسيناد، أنا صاحبتها رواد: رفأ!؟ رفأ: ..... رواد ركز وراجع نفسه: عفواً والله يا أختي أنا قد خرجت وشليت تلفوني معي فكرت أسيناد خلصت من المكالمة وخلاص ماناش داري إن التلفون تحتاجه وبيبقى معاها، الآن برجع وأرجع لها التلفون رفأ: لا لا أخي ماله داعي قد انا واصلة لعندها بس كنت أشتيها تدخلني لأن الفندق ما بيسمحوا أدخل ، يلا قد وصلت برجع رواد وقفها: لا لا خلاص بتواصل مع الحراس خليش رفأ: طيب تسلم رفأ غلقت المكالمة وتحس قلبها قد بينكع من مكانه وهو يدق من سبب الإحراااج رواد مكانه التلفون بأذنه ومطننن، رجع ركز إنها أنهت المكالمة، رواد أبتسم وهو يحس بشعور غريب حفظ رقمها الحارس قطع تفكيرها: أنتي صاحبة اسيناد عماد رفأ باحراج: أيوة الحارس تحرك من الباب: اتفضلي يا أختي إدخلي رفأ دخلت وكل تفكيرها عند رواد رفأ دقت الباب وأول ما فتحت أسيناد صيحت فوقها: يا كلللبة يا بقررررة وينننن تلفووووونك اللي أتصلتي لي منه؟؟ أسيناد فهمتت عليها: أتصلتيي؟!ههههههههه والله شله مش دارية، إدخلي إدخلي ههههههههه رفأ دخلت وهي تضاربها . . في بيت أبو همدان همدان جالس يرسم "ويتهيأ له " أمير أمير: ههههههههههههه همدان كمل يرسم أمه وهي تقطع الفواكه وبيدها سكين وتشوف للشاشة أمير: أيش تفعل؟ همدان إبتسم: أحط اللمسات الأخيرة للرسمة همدان حط القلم وقام من مكانه يخرج أمير: وين رايح يا همدان؟ همدان: شوية وأرجع خرج وغلق الباب ودخل للمجلس شاف أمه تقطع الفواكه مسك يدها: أنا أقولك ياماه لا تقطعي الفواكه وأنتي بتشوفي لعند التلفزيون عتجرحي يدش قرب يمسك يدها وقبل ما يمسك يدها أبو همدان كان أسرع ومسك يده أبو همدان بإنفعال: مالك يا ولدي، من بتحاكي ؟ همدان إستغرب من سؤاله: بين أحاكي أمي مابتبسرهاش يعني أبو همدان بإنكسار: وين أمك يا ولدي مابحدهي همدان شاف مكان أمه وفعلاً أمه مش موجودة إستوعب ورجع خطوات لوراء وهو مصدوم ومدرك إن أمه مابحدهي...... 📚 @rewayatyamania  🇾🇪